无聊乱噏，唔歡迎跟貼

柳寻风

        我識得有家人，有成十兄弟，大仔叫「阿冬」，最勤力最有錢，交嘅家用最多，其他兄弟懶散唔肯挨無乜錢，所以唔多交家用。

 

        有一日，大仔想投資間汽車廠，唔多夠錢，就問阿媽攞返多少錢，加埋自己D積蓄，想話同人夾份開間車廠。有個姓雷、叫「諾仔」嘅隔離屋，專門做汽車嘅，有意思同大仔阿冬一齊搞間車廠，點知，個阿媽話，要開車廠，我唔畀大仔搞，要搞，我一定要畀二仔搞，到時，大仔想買車，就同二仔賣，咁樣，二仔咪搵到食咯。

 

        但系諾仔同大仔阿冬熟，同二仔唔熟，明明想同大仔一齊做變咗要同二仔做，諾仔就唔肯，於是，呢單野就喎咗。即系諾仔唔肯同二仔一起做，於是一拍兩散，大仔二仔都做唔成。

柳寻风

         又系講呢家人，講阿三仔啦。三仔叫「阿折」，都搵到D食嘅，搞開鋼鐵廠生意，賺到錢之後心紅，想發大來搞，自籌150「個」，向銀行申請45「個」，好唔容易，銀行都同意咗，於是咪搞咯。

 

        著手搞嘅時候，銀行資金已經到位二十幾「個」，於是，開始基建投入啦等等，有心做大。點知，個阿媽中途叫停，話唔准搞！結果個三仔即時卜街，咁，卜街囉，咪無錢還畀銀行咯。。。銀行果二十幾「個」，咪要其他兄弟同佢啃咯。

      請大家唔好疑惑問點解，世事嘅野無奇不有。大仔「阿冬」個仔，叫「阿裕」，都系同一原因卜街兼踎X嘅。

 

 

 

（發咗上來霸實二樓先，再寫過）

[ 本帖最後由 柳寻风 於 2009-6-7 08:07 編輯 ]

僆仔

叫「諾仔」嘅隔離屋，－喺哩處就應該寫成『鄰居』。

 

諾仔就唔肯，於是，呢單『野』就『喎』咗。－嘢－毈