|
昨晚拜讀甘于恩、吳芳先生嘅大作《廣東四邑方言的「減」字句》，作爲四邑人嘅我，發覺瓦頭有少少問題還係值得商榷嘅。
首先，四邑話嘅所謂「減」字句，實際上等同於廣州話嘅「咗」字句。以下，就引用兩位先生嘅例句來作比較分析：
（3）我企唔見減隻牛。其實就等於廣州話嘅「我屋企唔見咗隻牛」。
（4）恁碗湯佢飲減啖。其實就等於廣州話嘅「嗰碗湯佢飲咗啖」。
（5）我瞓減陣閒。其實就等於廣州話嘅「我瞓咗陣閒」。
由上可見，四邑話當中嘅「減」並非「減少」之意，而係表示一種完成時態，實際上唔應該用個「減」字，否則文意上難以解釋得通。[kam55]同廣州話嘅「咗」一樣，係一種底層詞彙，並未有對應嘅華字，可用同音字造字法，寫作「噉」。因此，例句（3）（4）（5）應寫爲：
（3）我企唔見噉隻牛。
（4）恁碗湯佢飲噉啖。
（5）我瞓噉陣閒。
其次，所謂「減」字句，既無「減少」之意，就更加冇「增加」之意。
（6）我企多減隻牛。其實就相當於廣州話嘅「我屋企多咗隻牛」。
（7）隻雞生減隻蛋。其實就相當於廣州話嘅「隻雞生咗隻蛋」。
可見，如果用「減」字明顯唔合適，還會同想表達嘅意思南轅北轍。同上理，該窟嘅[kam55]同數量嘅增減並冇關係，亦係表達一種完成時態，應該寫作：
（6）我企多噉隻牛。
（7）隻雞生噉隻蛋。
再次，「噉」同「誒」實際上都係表示完成時態。
（8）吃減碗飯。
（9）吃誒碗飯。
根據我嘅語言實踐，兩句話所表達嘅意思完全一致，並無「微妙的語義差別」，故不贅述。
最後，「減」係一個狀態動詞，唔係動作動詞。
（2）我減那飯畀你吃。其實就相當於廣州話嘅「我（扌畢）啲飯畀你食」。
該個大概又係有音冇字嘅詞，可以借「撖」字來表示。
綜上所述，竊以爲四邑話嘅「減」字祇用作「減少」之意，而表示完成嘅「噉」同表示動作動詞嘅「撖」，應該同「減」字冇太大嘅牽連，儘管其發音一樣。
[ 本帖最後由 嶺南散人 於 2009-6-4 19:04 編輯 ] | 
發表於 2009-6-4 16:35:33
m]」呢？