十劃都未有一撇

razf

大家好 我係新嚟嘅
搵「十劃都未有一撇」嘅典故就搵到嚟依度~

 

講依句嘢都講咗十幾年
但係唔知佢十劃即係講緊邊一個字呢

 

請各位高人出手相助
解決依個埋藏咗喺我心入面十幾年嘅一個疑難

imyours

顺口……冇理由讲十一划都未有一撇

唔三唔四蠢魚

「十」再加多「丿」係乜嘢字啊？谂下——

razf

「才」字??

 

但係佢依家唔係「十字都未有一撇」喎...

唔三唔四蠢魚

完成咗嘅叫做「字」，未完成嘅叫做「笔划」。

razf

未完成嘅叫「筆劃」

但係「十」唔可以叫做「十劃」卦...

Lucciora

寫咗十吓筆劃，都未使寫一「丿」

外外星人

十，國人鍾意講十全十美，十，代表完整嘅意思。十，十足、百分之一百；未有一撇，即係一程（成）都冇。十劃未有一撇——件事冇乜程數。唔使諗咁多，未必下下有典故嘅，二樓都答咗你啦！早啲唞，瞓醒諗過第樣好過啦！ [ 本帖最後由 外外星人 於 2009-6-3 03:03 編輯 ]

唔三唔四蠢魚

原帖由 razf 於 2009-6-2 11:35 發表 未完成嘅叫「筆劃」 但係「十」唔可以叫做「十劃」卦...

点解唔可以？有例可证。

好似「三划王」咁，点解叫「三划王」而唔叫「四划王」？（王字有四划）

查实「三划」指嘅就係「王」字入面个「三」形嘅笔划，之所以叫「三划」，因个「三」只係「王」字中嘅笔划，所以唔可以叫「三字王」。

同理，「十」係「才」字入面嘅笔划，故唔可以叫「十字未有一撇」，因为「十」字係冇撇嘅！

所以，「十划未有一撇」个「十划」指嘅係「十」形嘅笔划，同「三划王」嘅「三划」一样。而唔係指笔划为10嘅「10划」。

包詏颈

是「八字没见一撇」， 比喻事情毫无眉目，未见端绪。源于禅宗。《续灯录》卷二九：「若问是何宗，八字不著丿。」意为不露端倪。后作「八字没见一撇」、「八字还没有一撇」，比喻事情还没有一点眉目。

 

如果要写繁体的话，只有「筆畫」而没有「筆劃」。请查一查有关词典。

唔三唔四蠢魚

原帖由 包詏颈 於 2009-6-5 11:10 發表 是「八字没见一撇」， 比喻事情毫无眉目，未见端绪。源于禅宗。《续灯录》卷二九：「若问是何宗，八字不著丿。」意为不露端倪。后作「八字没见一撇」、「八字还没有一撇」，比喻事情还没有一点眉目。   如果要写繁体的话， ...

非也非也。
呢个「八字」係宋代民间俗语，「八字」指嘅係「门」，即俗话讲嘅「清水衙门八字开，有理无钱莫进来」嘅「八字」。
朱熹《与刘子澄书》：「圣贤已是八字打开了，但人自不领会，却向外狂走耳。」
「圣贤已是八字打开了」意思就係「圣贤经已将门打开咗」 。
「若问是何宗，八字不著。」里面嘅「八字」嘅意思亦一样，「八字不著」即係「揾唔到门路」。

「八字未有一撇」嘅意思虽然同广东话嘅「十划未有一撇」一样，但两者嘅词源完全无关。

外外星人

原帖由 包詏颈 於 2009-6-5 11:10 發表

是「八字没见一撇」， 比喻事情毫无眉目，未见端绪。源于禅宗。《续灯录》卷二九：「若问是何宗，八字不著丿。」意为不露端倪。后作「八字没见一撇」、「八字还没有一撇」，比喻事情还没有一点眉目。

 

如果要写繁体的话，只有「筆畫」而没有「筆劃」。请查一查有关词典。

講「筆畫」冇錯係畫。「十劃都未有一撇」用劃都得嘅，竹簡咪劃囉。

九唔搭八

呢句話應該同練字有關。

以前練字，先學最簡單的橫，然後再寫豎。所謂‘橫平豎直’就是寫字的基本功。開始嘅時候都是把橫豎畫寫上好幾百遍，等這兩個筆畫練得有一定水平，就再把橫豎組合成一個‘十’字。

由於中國的學習傳統都是要求把每一樣事情都先練好了，才能進入下一步驟，因此練一個筆畫也要花上不少功夫和時間。

所以，‘十畫未有一撇’指已經學習（做）了相當長時間，還僅僅是開始，後面還有很多要學（做）。
學
個人認為，這個‘十畫’是虛詞，表示大量的意思。

edmond_leung

十劃都未有一撇嘅字係：個『高』字

唔三唔四蠢魚

原帖由 edmond_leung 於 2009-6-12 16:24 發表 十劃都未有一撇嘅字係：個『高』字

「唔」！