装眼泪的玻璃瓶:粤语[轉帖]

南粤高凉仔

part54 不要紧，即使你不在我身边， 我也决不会把你忘记。 遇上细雨绵绵的天气，传来得熟悉旋律，嗅倒某种似曾相识的气味，或是游到拥挤的街角， 往日你与我的种种片段便会历历在目。 所以啊，我怎能将你忘记呢？ 要是碰上寂寞的季节， 我会仰望蓝蓝的天空，深深呼一口气，对自己说 无论天涯海角，你我头上也总有一方晴空 牵引着彼此…… －都估倒你地实好快好翻噶喇～～～～～～～～～ －（笑）嘻～都要多得妳係我咁乱嘅时候开解我姐！ －（笑）计我话最紧要都係啊ｚ嘅及时出现乍挂！哎～～～～～～不过妳走咗哩几个月我就真係闷咯，夜晚想揾个人倾吓计都唔得～ －放心啦～～～～我一得闲实去打搅妳架！係呢～ｅ＋做梗乜啊？ －岩岩睇完出戏嘅大结局咯！最尾个女主角同男主角讲“我爱你”果时真係感动ｓ人喇～～～～～～～～～ －哗～一句“我爱你”有冇咁大威力吖～！？ －真架！特别係听到自己最爱嘅人同自己讲，嗰种感动真係任何一句话都比唔上架！钟意妳有冇同啊ｚ讲过吖？ －我……？冇吖。 －如果距听倒实好开心姐！ －但係好难开口噶窝，咁直接…… －如果对住自己中意嘅人就唔会噶啦！ －唔……等我有心理准备先啦！……係吖！我睇报纸话我地以前间高中要大装修吖！ －係吖？整靓ｄ，几好吖！ －不过我地以前上课果栋教学楼要拆晒去，起过係东校区度吖！ －吓～～～～～～～～咁咪好可惜！嗰度有咁多我地嘅回忆！ －係咯～～～～我真係好唔舍得吖！ 同ｃ＋倾完计之后，我落楼下买嘢嘅时候，专登翻去以前嘅高中睇吓。 见倒果然已经开始施工，听倒ｄｕｐ嘢同打桩机嘅声音。同艺术馆同体育馆已经拆咗，而果教学楼嘅一面已经搭好棚。 一下一下嘅敲击声，就好似讲我地係度嘅回忆一下一下敲碎咁…… 虽然有千万个唔舍得，不过ｅ＋都唔係捻哩ｄ嘢嘅时候喇。因为过两日——１１月７号係啊ｚ生日吖！ 我正係度烦梗点样同距庆祝，送ｄ咩畀距好。记得我生日嘅时候，距带我去咗一个好靓嘅地方，好似走入咗《简单爱》哩首歌入面咁。咁有心思，真係我咁大个人过嘅最难忘嘅生日。所以ｅ＋啊ｚ生日我一定唔可以行吓街食吓饭就算噶！ 仲有礼物——距送畀我嘅ｍｕｓｉｃ　ｂｏｘ装咗块晶片，首音乐仲係独一无二噶～～～～～距为我做咗咁多嘢，搞到我ｅ＋好大压力吖，ｄ咁高科技嘅嘢我又唔识整～～～～～～～～哎，其实我礼物我就捻好咗噶喇——係一幅我亲手画嘅油画，画中人当然係啊ｚ啦。画画哩样嘢我仲ｏｋ嘅，不过送幅画又好似简单咗ｄ窝…… 唔得！点可以咁捻噶呢，只要係我有心送嘅，无论係乜，啊ｚ都会中意噶啦！ 好啦！买好晒颜料同画纸之后，就翻上屋企开始我嘅“大作”喇！ 眯埋眼，第一次见啊ｚ嘅时候，距个样浮现係我脑海中： 係课室后排窗边嘅座位度，距托住一边面，漫无目的咁望出窗外。果副表情好似所有嘢都与距无关咁。係微风之下，啡褐色嘅头发撩动距白净细致嘅皮肤，游动于一双深沉嘅眼睛之间。——果种係望过一次之后冇办法忘记嘅眼神，好似对所有嘢都漠不关心，又好似隐含住好多故事咁。只要与你四目交投，就似乎要将你摄入去，令你冇办法令眼光移开。距嘅鼻粱好直，再下面係红润到好似女仔一样嘅嘴唇，紧闭住，令人觉得难以接近…… part55 係１１月６号夜晚十一点，我打电话畀啊ｚ －喂？ －喂，训咗觉喇？ －畀妳吵醒咗咯。 －我ｅ＋係你楼下啊，落嚟吖！ －学我讲嘢！？ －嘻～～～～快ｄ！ －等阵啦！ 我拖住啊ｚ翻到去以前间高中果度，好彩后门堵墙拆咗姐。 －係哩度喇！果然冇人吓！ －哩度咪我地以前间学校离嘅，点解拆晒咁架！？ －嘘～我一阵再同你讲啦！ｅ＋我地係后楼梯上去先。 翻到高一果时嗰个班，ｄ灯已经着唔倒，可能因为要施工，切断晒ｄ电源。不过黑猛猛反而令人好自然捻起往日係哩个班嘅种种开心同唔开心嘅事。 －係我地个班吖…… －嗯！哩栋教学楼好快就要拆咗重建喇。你知唔知吖，我真係好多谢哩间学校，好庆幸自己离咗哩个班，如果唔係就识唔倒你。 －就算我地冇係哩度相遇，只要我一左一右绕地球一圈，都一定会相遇。 我笑住望住啊ｚ，内心依然充满感激。 我绕住座位间嘅过道，一路行，一路讲 －第一次见你嘅时候，你就坐係窗边哩个位，你都唔知果时你个样几嚣啊！ －边有啊！ －梗有架，你望咗我一眼就另“咩”面喇！ －係咩？（笑）咁又係嘅，妳又唔係特别靓女！ －哎吖～～～～～～打你吖拿！嚟，快ｄ坐过去！ －做咩吖？ －“案件重演”咯！拿，你果时咁样托住个头……唔係两只手吖！左手噶乍……嗯！係喇！喂啊～坐直ｄ啦！我ｅ＋出去，我入离果时你要好ｃｏｏｌ咁望我一眼架！ 我走到出课室门口，好认真咁扮演嗰时嘅我，入到去，竟然见倒高一时嘅植楚猎！ 距竟然可以做翻果日一模一样嘅表情同动作，见到距ｄ眼神，我即时成个呆咗。但哩个时候，距竟然笑住“哼”咗一声。 －你“哼”咩姐～！ －妳话我嗰时好嚣嘅。 －妖，费事睬你！ 我望一望个表，就离到１２点，係时候喇！ 我行翻去我以前坐果个位度 －我嗰时就坐哩度，而你就係我隔离。 啊ｚ坐咗过离。 我笑住从我个柜桶拿咗个蛋糕出离。 啊ｚ好惊奇咁望住我，似乎係度问“点解有个蛋糕係度嘅？” －嘻～～～～～～～～ｓｕｒｐｒｉｓｅ呢？我岩先上离放好个蛋糕先去你楼下揾你噶！唔好呆晒咁啦，快ｄ开离睇吓！ 啊ｚ好小心咁掀起个盖。 蛋糕上面写住：　ｈａｐｐｙ　ｂｒｉｔｈｄａｙ　ｚ －生日快乐～～～～～～！靓唔靓啊？我自己焗架！整咗好多次先整倒噶乍！ —多谢妳吖～～～～～～ 啊ｚ面上出现咗一种好细路仔嘅表情。 我又拿咗ｄ蜡烛，纸碟同刀叉出离 －你坐係度，等我插好ｄ蜡烛先。……搞掂！点好晒喇！ｅ度咁黑岩晒气氛吖，你快ｄ许愿啦！ 啊ｚ双手合十，眯埋眼，许咗个愿，然后吹熄晒ｄ蜡烛。 …… 我地食完个蛋糕之后，都饱度挨咗係度，啊ｚ挨后去嘅时候，见倒距柜筒有ｄ嘢，然后拿咗出离，拆开包装纸，见倒我画距嘅果幅油画。 －嘻嘻～～～～～～送畀你架！虽然唔係好似，不过我好畀心机画架！ 啊ｚ郁都唔郁咁捧住幅画 －喂～～～～～～～畀ｄ反应啦？ 距仲係呆咗咁坐係度 －喂～～～～～？ 我撞一撞距膊头，距另过离揽住我话 －多谢妳啊，我好中意吖。真架…… －……我记得以前有一次ｃ＋唔翻学，“允”住自己，我捻起距咁样，係你面前喊咗出离，你就好似ｅ＋咁揽住我，你仲话……你讲咗ｄ咩呢～～～～～？唔记得咗先。你仲记唔记得吖？ －ｉ　ｌｏｖｅ　ｙｏｕ －吓……？ －ｉ　ｌｏｖｅ　ｙｏｕ 啊ｚ係我耳边深情咁讲多次。 原来真係会好感动噶，我地热烈咁拥吻，仿佛觉得就算哩一刻係世界末日都冇所谓…… part56 一路行落楼嘅时候，我仲捻梗啊ｚ岩先嘅嗰句“ｉ　ｌｏｖｅ　ｙｏｕ”，开心到自己係后面笑，竟然唔记得自己讲过今日要做嘅最重要嘅一件事，距都做咗，但我就傻更更咁仲係度笑！嗰句“我爱你”应该点样讲出口啊！喂～～～～～～唔係啊嘛妳～～～～妳“排练”咗好多次喇窝！唔係话要ｄｕｐ低头讲噶咩！？但係ｄｕｐ低头好似好作状窝～而且唔望住人地好似冇乜诚意咁嘅～哎～妳真係蠢啊！岩先人地同妳讲嗰阵，妳讲多句“ｉ　ｌｏｖｅ　ｙｏｕ　ｔｏｏ”咪得咯！但人地嗰时好紧张啊嘛！哎～点算好！我点解连讲三个字嘅勇气都冇噶。终于行到楼下，我始终都冇同啊ｚ讲到离句话。距拖住我，我越行越慢，内心不断挣扎，但係越係去捻就越觉得难开口。嗰时我从来都冇捻过，因为一句讲唔出口嘅“我爱你”我会抱撼终身。 part57 到咗学校门口，我地两个都好唔舍得咁回头望咗一眼学校。 跟住啊z拉住我只手话 －行啦，我带你去一个地方！ 跟住距就拖住我只手跑起嚟，因为夜晚条街冇咩人，冇咩车，所以我地有ｄ横冲直撞咁跑。 我係后面望住啊ｚ，虽然唔知距要去边，但距嘅表情真係好认真。 冇捻到係十字路口过马路嘅时候，右边嘅转弯位竟然冲咗一部急驰嘅面包车出嚟。 係嗰一刻，我成个人定咗咁企係路中心，眼定定望住部车冲过离，竟然冇办法挪动半步。 车头灯嗰种耀眼嘅橙黄色光芒，比任何嘢都令人心寒。 係部车冲过离嘅时候，只有几秒钟，但内心嘅恐惧就畀咁多年历经历过嘅所有事都要严重。 係果一刻，我紧紧咁拉住啊ｚ只手，我知到今次我地一定死梗噶喇，我眯实眼等待嗰一个瞬间。 係嗰千分之一秒，啊ｚ好大力将我推咗出去，我成个人向前趴咗係地下度。 跟住係听倒一声好恐怖嘅撞击声。 到我撑起个身向后望嘅时候，啊ｚ已经训咗係地下度，白色嘅恤衫染满鲜血。 我即刻跑过去扶起距个身， 不断咁摇距，距已经一ｄ反应都冇， 好大声咁叫距个名，距一ｄ都听唔倒，只有红得逼人嘅血从距头上流落离。 坐係救护车上面，净係听到响彻係寂静街道上“ｗｉ　ｗｕ　ｗｉ　ｗｕ”嘅救伤车声音。 我望住训係度郁都唔郁嘅啊ｚ，望住距身上嘅血，心里面一阵一阵抽痛。 心急如焚，泪如雨下，但係咩都做唔倒。 距为咗我竟然连条命都唔要，我宁愿有事嗰个係我，都唔想见倒距咁样。 我好惊好惊，惊距如果真係有咩事，咁点算…… 哩个时候，我发觉距左手一直紧握住。 我好大力咁整开距只手 原来距一直死死握住嘅——係一只戒指……

南粤高凉仔

part58 医生话，e+已经不断同距输血，但係因为失血过多，情况好危险。 如果到凌晨四点仲唔醒嘅话，就算可以保住条命，都会因为大脑缺氧而变成植物人。 我听倒哩个消息心里面猛然一震 唔敢相信自己听倒嘅嘢。 一步一步踏入病房，每一步脚下仿佛都有千斤重。 望住啊z依然沉睡住，额头裹住雪白嘅绷带 我握住距只手，喊住话 －你一定要醒翻！唔好留低我一个。如果你走咗……我都唔会再留係世界上…… 我仿佛听倒啊ｚ上次係ｃ＋楼下讲嘅嗰句话 －妳冇咁蠢落埋离先吖，无论咩事，如果唔继续生存落去，就咩意义都冇噶喇！ 冇错，我ｅ个时候唔应该讲ｄ咁嘅嘢，啊ｚ为咗救我先会咁样，如果我死咗，就等于啊ｚ做嘅嘢都白费噶喇。 －你唔好训啦，我仲有一句话未同你讲噶……啊ｚ你讲咗，我都仲未讲……我，我爱你。真係好爱，好爱你…… 　你又话无论点都唔会再畀我一个人嘅……？点解唔答我窝？…… 哩个时候，有一个女人推开门冲咗入离 係啊ｚ　ｍｕｍｙ——我见过距张相 距好伤心咁喊住趴係啊ｚ身上 －啊猎……，对唔住吖，ｍｕｍｙ竟然係哩个时候先哩探你，我真係唔配做人妈妈……啊猎，你醒吓啦…… 我行咗出病房，脑中茫然一片。 冇几耐，有人拍一拍我膊头，係啊ｚ　ｍｕｍｙ －妳係咪钟意啊？ －係啊，伯母。……对唔住吖，我冇睇住距，搞到发生咁严重嘅事…… －…唔关妳事嘅，我一直都冇尽到做啊妈嘅责任…… －伯母，唔好喊啦，距一定冇事噶。 －岩先我翻过屋企，见倒啊ｚ枱上摆住哩本簿 我接过本簿，啊ｚｍｕｍｙ行咗去搞手续 我行翻入病房，坐係啊ｚ床边，用抖震嘅手翻开枣红色嘅封面，第一页写住 ｍｙ　ｄｉａｒｙ part59 1996 9。1 晴 今日係高一嘅第一日，面对新学校新同学，我一d感觉都冇。 只係不断回忆初中时嘅每一件冇办法忘记嘅事。 身边嘅人倾计嘅声音都变得特别嘈。 我望向窗外，发觉楼下有一个好得意嘅女仔，距竟然一个人同自己讲嘢，似乎同自己打气咁，最后仲自己一个人“yeah”咗一声。 冇嘅耐听到有人嗌“钟意”。 我听倒个咁奇怪嘅名就望过去。 原来係岩先楼下果个女仔。 距个样睇上去好舒服，比其他人都简单得多，令人不自觉咁精神起嚟。好耐都冇咁嘅感觉喇。 原来距叫钟意。 1996 9。12 晴 一向对于学校嘅事我都唔会理，但今日见倒我个同位为咗帮个friend而郁手，竟然令我捻起好多嘢。 以前我都曾经有一班“兄弟”，但每一次我有亲咩事，距地都闪得无影无踪。 估唔倒一个女仔都可以咁有义气。 点解我身边冇一个可以信任嘅朋友？ 1996 12。28 阴 “嘅然係事实，点解要选择逃避啊！”听咗哩句话之后，我成个怔住咗。 终于都畀人知道咗哩件我一直唔肯面对嘅事。 虽然钟意冇安慰我，只係好大声咁叫我醒吓，但係比其他同情我嘅人令我好过d。 我好恶咁叫距唔好理我d事，其实我并唔係憎距， 只係好惊距会一路讲晒d我唔敢听嘅嘢出离。 为咗一个唔係度嘅人，我已经好辛苦，好辛苦…… 好惊人地睇出自己点捻。 直到今日係距面前流下嘅一滴眼泪，似乎解开咗自己心里面嘅一道防线。 ……… 1997 2。27 晴 我竟然係同学面前话我中意钟意。唔知点解会突然间讲出d咁嘅话。 可能我只係唔想见倒距畀班女仔虾。 但係经过一段时间，距係我心目中有一种好特别嘅感觉。 距係一个活係未来嘅人，而我就好似永远停係过去一样。 每日距都好似好有精神咁，笑住同我讲“早晨”。 无论咩事距都会我行我素，只要距觉得岩嘅就会坚持。 只要见倒距温暖嘅笑容，就会觉得未来好似向我招手一样。 1997 3。16 晴 今日係我上咗高一以嚟最开心嘅一日，自从dady mumy去咗加拿大做嘢之后，每日我都係一个人对住冷冰冰嘅屋企。 今日钟意整咗一餐好好味嘅饭畀我食。 仲有一碗忌廉汤。 虽然同以前另一个人煮嘅味道唔同，但係距煮嘅饮落去会觉得心里面温暖无比，好似打足气一样。 钟意走咗之后竟然上气唔接下气咁跑翻转头叫我记得整早餐。 唔知点解我好想锡距，于是就照住自己心捻咁做，距竟然吓到跑咗去。 其实我真係好想好想有一个人能够关心自己， 好想好好咁对距。 1997 4。25 晴 今日钟意距地係艺术节度拿咗奖，距真係好开心，一直係度笑。 见倒距笑，我自己d心情都会好起上离。 係精品店度，距望住一个好大嘅玻璃瓶，好似好中意咁，隔离有好多好精致嘅玻璃制品， 距都唔望，反而睇岩一个咁普通嘅玻璃瓶。 钟意话个玻璃瓶好靓，我睇真d都有咁嘅感觉， 清澈透明，就好似--用泪水积累而成咁。 脆弱而单纯。 于是我送咗个玻璃瓶比距，距似乎好感动咁。 出现咗一种好可爱嘅表情。 1997 4。28 大雨 点解我要咁做？本来可以同距开开心心一齐出去玩，点解我会搞成咁？ 因为今日係4月28号，我真係好惊，每当我同钟意一开心嘅时候，距就似乎开始嫉妒， 就开始不断出现係我脑中，我觉得自己好对唔住距，冇胆再去爱其他人。 钟意陪我係雨中淋，距点解要对我咁好，所有嘅问题都係我身上，如果我放唔低过去嘅，就唔应该同距开始。 所以，我好狠心咁嗌距走，但係距喊住话 “我会一直留係你身边，直到你离开我为止” 我知距睇我以前嘅日记，不过我冇阻止距， 我一直都畀过去嘅回忆压到透唔倒气，又冇办法讲出口，我唔介意距知道我以前嘅事， 或者畀距以为我仲爱住以前嘅果一个，距会死心离开我。 1997 5。14 晴 最后我选择咗离开。 係摩天轮上面，距问我有冇中意过距。 有，从第一次锡距嘅时候，我就知自己已经中意咗距。 只係我一直唔敢向自己承认，距係一个好好嘅女仔，所以我真係好惊自己伤害倒距。 我怕我只係用距嚟填补自己嘅空虚。 离开，我真係好唔舍得。 不过我同自己讲，我要去第二个地方，令自己从过去走出嚟。 等我可以面对自己，面对距嘅时候，等我变得更加好嘅时候， 一定会翻离揾距。 所以我冇答距，只係贴紧距双唇。 距嘅眼泪不断滑落离，夹住我嘅泪水。 希望距将我送畀距嘅玻璃瓶当係我，无论我去到边，都一样会好挂住距。 ………… 1999 7。15 小雨 不知不觉，係加拿大已经过咗两年，哩两年真係好充实。 每日都係忙碌嘅学习同实习中， 每当我遇到唔开心嘅事，遇到困难嘅时候，总係会捻起距温暖嘅笑容。 咁样自己就觉得充满信心同希望。 今日同啊谦行过一间精品店，见倒入面摆咗好多玻璃制品，惟独缺少咗果种好大嘅玻璃瓶。 突然间发现自己好挂住距。 不过唔紧要啦，就好似距所讲咁，无论相隔几远，头上总有一片蓝天牵引着彼此。 2001 12。31 晴 啊谦已经完成大学嘅课程，翻广州揾嘢做。 少咗距哩个兄弟，以后我可能会闷好多，而且好难揾翻个咁有默契嘅拍档喇。 我都好想同啊谦一齐翻广州，咁我就可以快d见倒距。 不过我仲未够好，一定要学多d嘢，等起码有d成就先翻去搵距。 2002 6。18 晴 终于可以翻广州，心情真係好兴奋，一心捻住好快就可以见倒钟意， 唔知7年冇见，距变成点呢？ 但係一落机，啊谦就话带我去见距女朋友--钟意。 当时我嘅心情就好似畀寒雷当头劈落离咁。 点解距唔改个普通d嘅名，咁我仲可以同自己讲“名有相同姐”。 估唔倒咁快可以见倒距，见倒一个係人地臂弯中嘅距。原来距已经唔再属于我。 见倒距同啊谦咁好，我真係好矛盾。 究竟係开心，定伤心？ 2002 8。30 晴 今日我差d做咗件对唔住啊谦嘅事。 翻去以前高中嘅时候，咁岩见倒钟意都係度，后离我地仲同d细路玩“卟哩哩”。 厘係树丛后面嘅时候，我见倒距成块面都红晒，仲好认真咁望住前面。 已经好耐冇咁近望过距，就算e+翻咗广州，我都係好挂住距。 只要见唔倒距，就觉得好似身边少梗d嘢咁。 就算见倒距，啊谦都会係距身边，我必须默默压抑自己嘅感情。 果一刻我差d就锡咗距，好彩后离个细路嚟咗，如果唔係我一定会好内疚。 我惟有再不断同自己讲：距係我最好朋友嘅girl friend。 2002 9。31 阴 送完恩儿翻加拿大，翻到离已经係夜晚，竟然係街上见倒钟意喊住咁跑。 我抓住距，距係我怀中不断流眼泪，个身係咁震。 我揽实距，见倒距咁伤心， 我个心真係好痛，好痛…… 后离我带咗距上我度先，知道咗原来啊谦同咗第二个女仔。 夜晚因为冷气坏咗，我训咗过距铺床度。 虽然我眯埋眼，但其实我成晚都训唔着， 係距训着咗嘅时候，我望住距，距眼角仲带住泪痕。 我好想距永远留係我身边，令距幸福，但我知哩个时候我唔应该再增加距嘅负担。 2002 10。8 晴 今日好开心！钟意终于应承咗同我一齐！！！ …… …… …… 2003 8。5 阴 今日我知道咗原来当初啊谦係为咗我同钟意， 先扮到离开距咁。 钟意好唔开心，好内疚。 但我就咩都做唔倒，因为我一样觉得欠咗啊谦。 原来唔係我留係距身边，距就会开开心心。 哩个时候，我只会令距觉得更加烦，所以我决定畀时间距一个人冷静落嚟。 係留低距係街上嘅果一段路中，每步路都异常沉重…… 2003 8。22 阴 我终于冇办法忍受同距分开，好挂住距，好想见距…… 打电话畀距，但係打唔通。 上距公司距同事话距拿咗个大假，跟住我开始惊，发晒癫咁揾距。 最后距mumy话距去咗新加坡个friend度。 我就即刻买机票飞去揾距。 我地跑过马路果时，差d畀部车撞倒，跟住钟意就一直好惊。 距话如果我畀部车撞倒嘅话，可能会跟我一齐走。 我话唔准距咁做。 距问，如果死果个係距，我会点。 我当时冇答距，因为我比距仲要惊面对哩个问题。 曾经我身边嘅一个好重要嘅人已经离我而去， 到我再揾倒一个好爱距嘅人嘅时候，真係好惊会再次失去。 如果部车真係撞埋距度，我一定不顾一切咁保护距，就算冇咗条命都唔紧要。 如果……如果真係失咗手，我就会同距一齐走。虽然我唔畀距为我咁做。 但係我讲过无论去到边都唔会畀距一个人。 2003 11。6 晴 听日就到我生日喇，捻起自己23年前嘅哩一日，离到咗哩个世界上， 我觉得好幸运。 如果唔係有哩一日，我就唔可以遇到距，唔可以同距一齐经历咁多美好嘅事。 我要距永远留係我身边，畀最幸福嘅生活畀距。 所以…… 我简咗一只距一定会中意嘅钻石戒指， 准备听日同向距求婚，等我可以一生一世照顾距。 part60 我合上啊z嘅日记，好似癫咗咁冲咗翻屋企，将距送畀我嘅玻璃瓶带咗过嚟。 推咗病房门，啊ｚ仲係未醒 我捧住玻璃瓶坐低 握住距只手话 －你係咪发梗个好好嘅梦，所以唔想再醒翻啊？三点九喇，你做乜仲训吖？唔好咁啦……乖啦，快ｄ醒，我有嘢同你讲吖…… 我真係傻，啊ｚ根本唔会听倒 －好……，我陪你等埋最后哩十五分钟，如果你唔醒，我就用哩个玻璃瓶嘅碎片成全我地。你话过一生一世照顾我，你都做唔到，所以……我都要做翻件对你唔住嘅事，我离揾你，无论你去到边度…… 我抱住玻璃瓶，苦涩嘅泪水一滴一滴流落去， 一秒一秒嘅时间无情咁係指间溜走 －你真係好狠心，四点两喇……既然係咁，你等我…… 我係距嘅日记簿嘅最后一页留低两行歪歪斜斜嘅字： ２００３　１１。７　晴 今日好开心！钟意应承咗嫁畀我，永远同我一齐！！！ 我举高玻璃瓶，正准备向下撞 轰隆——＋—— 出面竟然传离巨大嘅雷鸣 透过泪水，朦胧中睇倒啊ｚ嘅眼睫毛微微咁郁咗一吓 －钟意…… 　　　　　　　　ｔｈｅ　ｅｎｄ 　　　　ｔｈａｎｋ　ｙｏｕ　ｖｅｒｙ　ｍｕｃｈ 后记 （唔知点解一定要写翻篇后记先觉得有成功感，哈哈～～～～～） 经过多个月离既努力，《装泪水的玻璃瓶》终于完成！真系觉得好开心好开心！ 当然好多谢咁多位一直以嚟既支持同鼓励，我先可以写到ｅ＋。 本来打算１９ｐａｒｔ就系ｅｎｄｉｎｇ，但系发觉大家原来好中意个故事， 所以就尝试写落去。虽然过程中有唔少时候觉得好烦，会冇灵感， 但系就算我唔系度既时候，都仲系有好多朋友不断帮我ｕｐ贴，实在非常感激！ 仲有一样要讲既系，多谢大家对钟意同啊ｚ既厚爱，相信长期以离，距地已经活 系大家心中。个故事虽然结束咗，但世界上千千万万个爱情故事依然继续，系望 大家都可以好好珍惜自己身边既人，坚持自己既信念，坦白对其他人讲出自己既 捻法。如果真系冇勇气去做一件事既时候，不如捻吓：如果听日我死咗既话点办？ 咁咪永远留低个遗憾咯！ 其实最后一集我本来系写啊ｚ死咗噶。不过我知你地都好中意啊ｚ，女仔中意既话 我可以理解，但前一排竟然系ｑｑ度见倒位人兄个ｑ名叫“啊ｚ”，哈哈～真系畀面！ 而且大家都话好惊个结局会系ｓａｄｎｅｓｓ　ｅｎｄｉｎｇ，其实我都唔忍心架～ 所以就要距地一齐生存落去，直到永远…… 系喇！写完哩个故事我有排都唔会再写新嘢噶喇！ 如果大家想揾我，可以加我ｑｑ——４６９９７５３２ 或ｍａｉｌ我——ｋｅｙｙａｙａ@avl.com.cn