粵語詞彙小測（二）

六叔

仲未系我嘅答案，不過你又諗多一個字啦。越諗越多講法添。

 

呢啲材料唔一定系我嘅老作，大多數系我收集返嚟嘅坊間語錄，即系執人口水尾嘅嗟。我做嘅只系將佢地整理同修改一下，做成題目。

 

你講得啱，呢度唔系考科舉，亦唔系搞學術研究，我嘅目的只系希望有興趣嘅朋友，同埋我自己，用娛樂嘅方式同心態熟習一下我哋地道嘅粵語詞彙，因為有好多精妙嘅用法，如果大家都忽略咗，慢慢就會畀人淘汰了。

 

喺語言嘅三要素（語音、詞彙、語法）當中，語法最難改變，（但系而家一樣有畀人改變咗嘅地方，比如粵語構詞法有啲同普通話相反，例如「人客」、「晨早」、「經已」，系對應普通話嘅「客人」、「早晨」、「已經」，但系你哋留意一下就知道，而家好多粵人已經跟普通話一樣講法了）；語音次之（但懶音等現象值得重視）；而最容易發生改變嘅，就系詞彙了。粵語嘅原有詞彙流失得比較嚴重，亦畀普通話同化得比較嚴重。所以最有必要經常溫習同運用。

 

 

至今仲系剩返以下兩題未中，革命尚未成功……  如果冇人估到我就星期五開估啦。

 

l        今次（3）梗，我哋都系諗定後路先啦。

l        人家都已經夠淤啦，你哋仲要（6）行佢。

 

 

 

外外星人

人客，之前都係噉講嘅，冬瓜煲耐咗，先改晒口啫！記得細時爸爸同我講過一個笑話，啲人讀書唔睇字，將人客講成人容，笑大人個口。故此，人客讀成人容嗰啲人，被人笑住話「笑死人容」。有人客嚟，千祈咪亂噏嘢，唔係就笑死人容囉——大家記住喇！

 

晨早，同辰七咁早有乜拏掕，有冇人考究過？

外外星人

既然係噉，你個題目都好應該改下：

 

l        今次（3）梗，我哋都系諗定後路先啦。

l        人哋都經已夠淤啦，你哋重要（6）拫佢。——都字查實慳返唔寫都得。

 

我出嘅題目有冇人答到呀？

六叔

 

開估先~：fficeffice" />

 

l        做跑差首先要學識四樣嘢：千里眼、順風耳、飛毛腿、（神）（仙）肚。

 

l        今次（鑊）梗，我哋都係諗定後路先啦。——【大鑊】嗰「鑊」，呢處活用作動詞。

 

l        今日鋪頭嘅（東）（主）有喜，你哋聽日再嚟過啦。

 

l        人哋都經已夠淤啦，你哋重要（潤）拫佢。——【潤色】嗰「潤」，形容點紅點綠、添油加醋。

 

l        老竇啲錢你都夠膽落（膈）？你重係唔係人嚟咖！

 

l        地方（淺）窄，佢哋都係朝（行）晚拆咋。你唔嫌屈（質）就將就住落先啰。——【朝行晚拆】，意為夜晚訓覺時行床（即鋪床），朝早起身時拆床，連固定嘅床位都冇。照噉講應該「晚行朝拆」至啱呀，點解調轉嚟嘅？原因系【朝行晚拆】更順口（平平仄仄），而「晚行朝拆」（仄平平仄），比較拗口。所以就委屈一下詞義，約定俗成【朝行晚拆】了。

 

外外星人

六叔卒之開估喇！鑊梗我冇意見，潤字雖然都啱，但係同後邊嘅拫搭配好似唔多順口，故此，一直諗緊個響口啲嘅字，你睇好多人都估個踩字就知嘞！

 

個行字睇怕都用得：
2) 用长的针脚将棉衣等活计连缀起来为行。也作「绗」 [quilt]。如:行棉袄;行棉被

 

至於屈質應該係屈仄，仄本身就有窄嘅意思，故此，正字係屈仄。
兩個字都係入聲，但係尾音就唔同，發音係：質zat1、仄zak1——t韻尾舌尖發音，k韻尾舌根發音（喉音）。

六叔

原帖由 外外星人 於 2009-5-29 22:58 發表 六叔卒之開估喇！鑊梗我冇意見，潤字雖然都啱，但係同後邊嘅拫搭配好似唔多順口，故此，一直諗緊個響口啲嘅字，你睇好多人都估個踩字就知嘞！   個行字睇怕都用得：2) 用长的针脚将棉衣等活计连缀起来为行。也作「绗」 [quilt] ...

 

【朝行晚拆】嗰「行」字我唔知邊個至啱，但系發音就一定系「銀行」嗰「行」。不如索性用「杭」？

 

【屈仄】字面梗系似樣過【屈質】，但發音應該系「質」。

 

粵語字真系好需要標準化。曾睇過饒原生嘅《粵語口頭禪》，覺得裏面好多字嘅寫法都唔多妥。

 

[ 本帖最後由 六叔 於 2009-5-30 11:31 編輯 ]

唔三唔四蠢魚

原帖由 六叔 於 2009-5-30 11:29 發表   【朝行晚拆】嗰「行」字我唔知邊個至啱，但系發音就一定系「銀行」嗰「行」。不如索性用「杭」？

好好嘅「行」点解要用「杭」！！！
「朝行晚拆」原指街市啲临时搭建嘅摊档，日头时成行成市，一到夜晚啲摊位就全部拆咗，消失无踪。

六叔

[quote]原帖由 外外星人 於 2009-5-27 21:47 發表 粵語嘅優點就係表達意思準確，詞彙多，兼且唔重複，滿大人冇得同我哋比。   六叔，你嘅創意幾好，故此，撐你！諗多啲題目出嚟，畀大家熟習下粵語，好事嚟咖！  

 

你嘅tips畀到咁（ 白）

 

你出呢啲題目幾啱大家熟習粵語，好到（极 ）！

 

系咪噉啊？

六叔

原帖由 唔三唔四蠢魚 於 2009-5-30 16:39 發表 好好嘅「行」点解要用「杭  

讲笑嗟，至于用边个字啱，留返畀你哋查证。

[ 本帖最後由 Lucciora 於 2009-6-3 02:24 編輯 ]

外外星人

你嘅tips畀到咁（ ），我諗都係個香字冇走雞嘞！

 

六叔，你出呢啲題目幾啱大家熟習粵語，好到（極）！

 

白都得，但係，同我嘅答案有少少唔同。

Lucciora

原帖由 六叔 於 2009-6-1 08:57 發表 讲笑嗟，至于用边个字啱，留返畀你哋查证。

係「行」，講開「行牀」㗎嘛

外外星人

原帖由 六叔 於 2009-5-30 11:29 發表   【朝行晚拆】

【朝行晚拆】嗰「行」字我唔知邊個至啱，但系發音就一定系「銀行」嗰「行」。不如索性用「杭」？

 

【屈仄】字面梗系似樣過【屈質】，但發音應該系「質」。

 

粵語字真系好需要標準化。曾睇過饒原生嘅《粵語口頭禪》，覺得裏面好多字嘅寫法都唔多妥。

 

唔識粵語嘅人都研究得粵語嘅啫！你唔畀人有錢，鍾意出書咩？！

外外星人

你嘅tips畀到咁（盡），我諗都係個香字冇走雞嘞！

 

六叔，你出呢啲題目幾啱大家熟習粵語，好到（極）！

神七咁早

原帖由 Lucciora 於 2009-6-3 02:24 發表 係「行」，講開「行牀」㗎嘛

 

「行房」就听过嘞，「行牀」就第一次听

 

 

外外星人

原帖由 神七咁早 於 2009-6-20 23:17 發表   「行房」就听过嘞，「行牀」就第一次听    

睇怕你都係聽啫！未行過房喎！噉又有乜資格行床呢？同你老祖康熙瞓埋一齊就得！