踏或搭沉船?

lawman

兩字都可解釋,可否指點?

外外星人

搭沉船

lawman

原帖由 外外星人 於 2009-5-23 22:19 發表 搭沉船

賭博或投機,通常跟紅頂白,即有人當旺,其他人跟當旺人下注,點知一買即輸,

呢句究竟係貶個當旺人,抑或跟風人呀?

外外星人

邊個搭船？邊隻船沉？諗真啲，你自己都有答案啦！

lawman

原帖由 lawman 於 2009-5-23 22:33 發表 賭博或投機,通常跟紅頂白,即有人當旺,其他人跟當旺人下注,點知一買即輸, 呢句究竟係貶個當旺人,抑或跟風人呀?

我諗:

如果係貶個跟風人,應是踏沉船,本來贏緊錢嘅,一踏即沉,

如貶個當旺人:

"咁唔好彩,早唔搭,遲唔搭,搭咗隻沉船!"

外外星人

原帖由 lawman 於 2009-5-23 23:03 發表 我諗: 如果係貶個跟風人,應是踏沉船,本來贏緊錢嘅,一踏即沉, 如貶個當旺人: "咁唔好彩,早唔搭,遲唔搭,搭咗隻沉船!"

人哋隻船啱啱坐夠人，點會沉呢？你唔搭，點會超重呀？

 

點解你咁鍾意踏呢？邊個教你咖？

lawman

原帖由 外外星人 於 2009-5-23 22:58 發表 邊個搭船？邊隻船沉？諗真啲，你自己都有答案啦！

賭仔性賴喎,你賴我踏沉船,我賴你搭沉船都得掛!

lawman

原帖由 外外星人 於 2009-5-23 23:09 發表 人哋隻船啱啱坐夠人，點會沉呢？你唔搭，點會超重呀？   點解你咁鍾意踏呢？邊個教你咖？

因為有個損友咁解釋,我諗過"通喎"!

外外星人

粵語嚟講，幾時用過踏呀？真係教死唔聽！

 

搭船，首先就係講返隻船，你未搭過船咩？至於講到賭錢，係借嚟用啫！違反天然規律嘢，講出嚟，邊個明喎？除非黑話啦！但係，呢句話，點睇都唔似黑話啫！

[ 本帖最後由 外外星人 於 2009-5-23 23:21 編輯 ]

lawman

原帖由 外外星人 於 2009-5-23 23:19 發表 粵語嚟講，幾時用過踏呀？真係教死唔聽！   搭船，首先就係講返隻船，你未搭過船咩？至於講到賭錢，係借嚟用啫！違反天然規律嘢，講出嚟，邊個明喎？除非黑話啦！但係，呢句話，點睇都唔似黑話啫！ ...

外外星人閣下:

我來這討論區目的為求知,及交流討論啫,但閣下開口埋口以訓話式回答,使唔使呀?

有陣時啲詞語,諺語,本來嗰解釋唔係咁,例如"朝三暮四"原意係作弊咁解,但而家啲人用嚟形容啲唔得專一嘅人,當大部份嘅人當作後者嚟用,咁就隨俗喇!

另一例子,"射"與"短"兩字明顯掉轉,咁有冇人用"高短炮","射小精悍"呀? 呀蛇?

外外星人

得，你踏你嘅船，我搭我嘅船。

UngooChan

跟咗條友買大細，點知輸咗，叫做搭沉船。

畀條友跟自己買大細，點知輸咗，叫做陀衰家。