|
詳而不實 睇到眼凸
等包剪提供「最詳實」資料啦！唔該留心聽清，咪再擾亂視聽！
李小龍，原名李振藩、英文名Bruce Lee、乳名「細鳳」，生於1940年11月27日；李小龍生時揚威國際，死時震驚全球，卒於1973年7月20日，終年33歲。
好！終於真相大白！
「龍迷」自世界各色人種，佢有幾威、英年早逝幾乎冇人唔知，點會係42歲而唔係33歲呢！呢9年咪係李小龍「不死之謎」囉！「龍迷」白流多9年眼淚，整單咁冤案，你話唔嬲就瓦燒！好彩申訴有門、沉冤得雪。
「愛上女主播」乃人之常情，但新聞質素先係吸引觀眾最大誘因。如果「詳」而不「實」，就真係聽到耳側、睇到眼凸！
今次報錯料！下次死錯人，點算！
百年成之不足、一旦壞之有餘！
有線泱泱大台，新聞部猛將如雲，乃戰陣精英，聲名打拚，得來不易，假使你唔珍惜、觀眾會好嘆息！ | 
發表於 2009-5-20 22:03:47