遞日？第日？

外外星人

遞

『說文』遞更易也。『爾雅』遞迭也。更迭間厠相代之義。故遞字有更改而又接續之意。遞日者改日也。異時曰遞時。下年曰遞年。

《廣東俗語考》

攸固

弟字多少有次之意.
第日我覺是有可能.

肥腯腯

学到嘢喇。

neolite

第日表示次日好合理。問題係遞日表示日後，時間更長。「遞日見」就相當于普通話嘅「改天見」，無明確表示第二日，即唔一定表示次日嘅意思。所以好難話究竟邊個錯邊個恰，要睇表達咩意思。

neolite

《南史·袁粲传》：「时 粲 与 齐高帝 、 褚彦回 、 刘彦节 『递日』入直，平决万机。」《南史·儒林传·孔子袪》：「事竟，敕 子袪 与右卫 朱异 、左丞 贺琛 於 士林馆『 递日』执经。」 唐 吴兢 《贞观政要·尊敬师傅》：「 太宗 乃令 洎 与 岑文本 、 马周 『递日』往东宫与皇太子谈论。」

 

古文好嘅朋友，可以研究下里面嘅遞日係咩意思。

外外星人

原帖由 肥腯腯 於 2009-5-22 17:35 發表 学到嘢喇。

學到乜呀？重未寫晒喎！

攸固

neolite
個例唔錯喎.

Lucciora

的確係遞日

外外星人

原帖由 Lucciora 於 2009-5-24 15:47 發表 的確係遞日

點解？好想聽下你嘅意見。（唔好淨係睇上高嘅內容噃）

Lucciora

「說文」遞更易也，「爾雅」遞迭也，「遞」有接續嘅意思，而「第」冇

koshinho

真系复杂，呵呵

嶺南散人

原帖由 Lucciora 於 2009-5-25 08:08 發表 「說文」遞更易也，「爾雅」遞迭也，「遞」有接續嘅意思，而「第」冇

「第二日」又作何解釋啊？

外外星人

冇錯，遞日解釋得有紋有路，喺書面嚟講，係通嘅。【說文解字】係噉解嘅：更易也。从辵虒聲。特計切。照噉睇，遞係動詞囉喎！噉對應嘅「現代漢語」咪係「改日」囉！啱唔啱先？

 

第日，係我哋講第二日嘅口語音，好明顯，呢度嘅第做名詞用：第,次也。——《小尔雅·广诂》。噉點解要安個動詞嚟替代佢啫？！意思咪唔同咗？況且，第日（對應嘅「現代漢語」應該係「次日」），將來時態，語法都啱埋添！你想搵乜詞去替代佢呢？

 

我唔識字嗰陣，覺得係第（二）日；到咗識字，都好自然噉覺得係第（二）日。

外外星人

上高係舊帖，之前貼過。而家再講啲新嘅：

 

好多人，成日睇住個「日」，唔記得咗粵語除咗第日，重有第啲講法。譬如，第樣、第種、第個、第位、第碗.....，唞唞先，睇過呢啲詞有冇得遞？——第局、第鋪、第枝煙仔，最攞命係——第度（第二度，冇得柬），例句：

搬咗去第度。

第度人都有嘅啫！

 

重有：

唔該，第位！

添咗喇，第碗咖喇！

......

 

哇，睇怕呢啲詞、句，用遞就好唔掂，係咪？

 

故此，無論你查過幾多本字典，讀過幾多書，若果唔係對粵語有好深嘅體驗，你係無法用漢語嚟解釋呢啲咁底層嘅粵語詞彙嘅，今時今日噉嘅語言環境，研究粵語，靠本字典？未夠咖！

neolite

我都好明白你嘅意思，如果畀我揀，我都鍾意用「第日」。如果反觀返字典嘅解釋，亦都合情合理。無錯，有「第樣、第種、第個、第位、第碗」嘅講法，都係第二X嘅縮寫，意思另一X。但係，可能時間係一個特殊嘅概念，無辦法好似其它物體一樣，可以咁容易計算，數數。你數普通物件，可以例如：有刀、叉、碟，你叫刀係第一件，叉係第二件，碟係第三件可以；你叫叉係第一件，刀係第二件，碟係第三件又得。但用喺時間身上就有啲困難，如果你話今日係第一日，听日就肯定係第二日，唔可以係第三日，因爲時間係唔以人嘅意志為轉移嘅客觀存在。所以要用到「遞」來表示時間嘅連續變化嘅特徵，不斷更迭。

PS.我只係從典故嘅角度解析，角度唔同嗻，如果企喺你嘅角度，我好認同「第」可以引申到時間嘅角度，所以我認同你嘅講法。