阳去有冇降调？

alex

阳去有冇降调？阳入系唔系一定有降调．

 

１，自已讲嘅时候主观感觉有冇？

２，听人哋讲，仔细辨音．

用呢两种方法答题目嘅两个问题．

嶺南散人

原帖由 alex 於 2009-5-18 22:13 發表 阳去有冇降调？阳入系唔系一定有降调．   １，自已讲嘅时候主观感觉有冇？２，听人哋讲，仔细辨音．用呢两种方法答题目嘅两个问题．

去聲理論上係降調，但係廣州話係平調。

入聲係促調。

alex

唔好讲理论,十几年前就知.

你都冇用上边所讲嘅方式嚟进行具体分析.

JUMPSEY

根據我嘅感覺，有降調。

 

其實，我好早就覺得粵語音韻嘅書所講嘅聲調調值唔妥，雖然啲出書嘅人聲稱粵語係以廣州音爲標準音，佢哋所講嘅聲調係廣州話嘅調值，但係我感覺真係唔係佢哋所標註嘅調。事實上網上嘅粵語語音生成網站，使用啲磚家著作上嘅調值所生成嘅粵語係怪聲怪調嘅。唔信你自己去個網站度輸一段話試試。

 

根據我自己嘅感受：陰平嘅高平、陽平都係平調；陰上陽上都係升調；陽去係降調。即使係陰去，雖然接近平調，但係其實仍有些少嘅下降感覺，如果以5度嚟標，確實可以話係平調，但係如果以更細緻嘅12平均率嚟劃分，其實陰去都有一個半音嘅下滑，相當於Fa-Me嘅感覺。

 

順便發個我讀嘅聲調語音圖譜，其中下半部分嘅藍綫就係表示頻率，從中可以睇到我各個聲調發音嘅頻率走勢。我係土生嘅廣州人，三十幾歲。

按順序，我發嘅音係：si1, si2, si3, si4, si5, si6, sit7, sit8, sit9

[ 本帖最後由 JUMPSEY 於 2009-5-20 02:35 編輯 ]