|
有人鍾意用焉道嚟替代邊度，唔使講，梗係睇咗彭生嘅《字正詞嚴》嘞：
彭生講得都幾有道理嘅，唔係點會有咁人多信噃？！
老實講，佢有佢道理，我哋有我哋嘅理由，唔輸得晒。
邊度，音就梗係啱啦，唔係點會用咗咁耐呢？！
邊，或者真係焉，但係呢啲係粵語嘅底層用語，唔係咁易話改就改嘅，改咗焉，點讀先？故此，家陣唔好理佢先，要用漢語嚟解釋個邊字，真係好惡搞。
至於個度字，彭生話道至啱，噉係咪啱晒呢？未必噃！
度字有噉嘅用法，譬如話，第幾度空間。大家都知，我哋睇到至多就係三維嘅嘢，第四度空間就係時間，相信好多人到知，重有第五、第六度呢？聽講最新嘅講法係有十一度空間。
講咁多空間，點解呢？事關你諗過未，當我哋講邊度嗰陣，唔淨係話邊條路、邊笪碇咁簡單喎，無論你瞓喺度、坐喺度、企喺度，甚至你飛起嚟，都講得嗰喎！點解呀？噉係你講嘅係度，唔係道，講幾多度空間都得，你睇下，粵語幾有先見之明！幾高科技！十足外星人噉嘅境界！啊，應該係外外星人噉嘅境界！（最後呢句搞笑啫 ）
你而家喺邊度呀？得咗！ | 
發表於 2009-5-13 00:34:37
發表於 2009-5-13 08:32:45