點解粵協咁靜局？

大陆灿

呢度比5到人言论自由，不能畅所欲言，要睇亚爷面色，好多野都5能够在粵協讲原因除左亚爷,仲有顾忌自己言论又会比人话影响粤協生存，所以好小上来。

不关云和月

原帖由 外外星人 於 2009-5-13 18:35 發表   唔好意思，生三十個怕者難為咗你，打個折頭囉！

 

去市场买菜呀？

不关云和月

分析下原因，原来云月嘅空闲时间去咗「开心」做耕田养猪工作啰！

有怪莫怪！

vincent10

原帖由 砖拍后尾枕 於 2009-5-14 07:10 發表 讲完笑就讲句真嘅啦，我觉得哩个论坛有啲不良不娼、不庄不谐嘅感觉。正经文字，冇乜人感兴趣；戏谑话题又放唔开。点搞呢？

 

我都有啲咁嘅感覺   好似兩頭唔到岸 

 

留唔到新客  舊客又覺得太悶

粵嚟粵掂

原帖由 大陆灿 於 2009-5-14 13:15 發表 呢度比5到人言论自由，不能畅所欲言，要睇亚爷面色，好多野都5能够在粵協讲原因除左亚爷,仲有顾忌自己言论又会比人话影响粤協生存，所以好小上来。 ...

 

幾啱。

家陣真係冇乜熱誠。

我阿媽個女

原帖由 大陆灿 於 2009-5-14 13:15 發表 呢度比5到人言论自由，不能畅所欲言，要睇亚爷面色，好多野都5能够在粵協讲原因除左亚爷,仲有顾忌自己言论又会比人话影响粤協生存，所以好小上来。 ...

咁好難怪嘅，我見過好多次明明係議論緊問題，結果嘈嘈下就粗口連篇、人身攻擊，跟住就一發不可收拾……為咗方便管理，忍耐下啦~！！話唔定，以後D人質素高D，就唔會將討論變成罵戰，咁就自由言論啦~~！！

vincent10

原帖由 粵嚟粵掂 於 2009-5-14 20:52 發表   幾啱。家陣真係冇乜熱誠。

 

粵生會唔會喺其他地方發表偉論

 

？？？

外外星人

原帖由 粵嚟粵掂 於 2009-5-14 20:52 發表   幾啱。家陣真係冇乜熱誠。

都元老級咯！重冇乜熱情？

外外星人

原帖由 不关云和月 於 2009-5-14 16:59 發表   去市场买菜呀？

冇，慌妳生得辛苦過頭，生少兩個噉啫！ 當然啦，若果妳係都要生夠三十個嘅話，我咪至多勤力啲做嘢囉！

我阿媽個女

原帖由 外外星人 於 2009-5-14 22:49 發表 冇，慌妳生得辛苦過頭，生少兩個噉啫！ 當然啦，若果妳係都要生夠三十個嘅話，我咪至多勤力啲做嘢囉！

咦喂？！有D嘢咁喔~~~！

外外星人

原帖由 我阿媽個女 於 2009-5-14 23:04 發表 咦喂？！有D嘢咁喔~~~！

下下都有千軍萬馬咖啦！ 都唔知人哋受唔受添！

我阿媽個女

原帖由 外外星人 於 2009-5-14 23:14 發表 下下都有千軍萬馬咖啦！ 都唔知人哋受唔受添！

 

十萬禁軍總教頭喔~~！！

外外星人

而家就係， 加埋以前嗰啲唔止添！

我阿媽個女

原帖由 外外星人 於 2009-5-14 23:26 發表 而家就係， 加埋以前嗰啲唔止添！

衝鋒陷陣，哽有死傷嘎啦~~！

外外星人

原帖由 我阿媽個女 於 2009-5-14 23:52 發表 衝鋒陷陣，哽有死傷嘎啦~~！

係咪好似秦沛話事偈，打衝鋒、撞死馬噉呀？

                                                    ↑

                                               請厾入呢個網址查詢！

雨夜街燈

原帖由 外外星人 於 2009-5-14 22:49 發表 冇，慌妳生得辛苦過頭，生少兩個噉啫！ 當然啦，若果妳係都要生夠三十個嘅話，我咪至多勤力啲做嘢囉！

真係辛苦你喇細佬,為你嘅下一代請多保重

Jean

原帖由 外外星人 於 2009-5-14 22:49 發表 冇，慌妳生得辛苦過頭，生少兩個噉啫！ 當然啦，若果妳係都要生夠三十個嘅話，我咪至多勤力啲做嘢囉！

哇，終於知道點解中國人口世界之最啦。

vincent10

好地地又變咗水貼

 

 

 

粵嚟粵掂

原帖由 vincent10 於 2009-5-14 21:45 發表   粵生會唔會喺其他地方發表偉論   ？？？

 

有偉論都喺呢度發喇，點會去第度。係激發唔起熱情啫。

 

Barbecue5354

好哋哋一張爲粵協著想嘅帖，就得返班風流不成變下流之輩喺度吹埋嗮啲「自以為有趣」嘅嘢（睇到人起雞皮），冇任何一個管理層願意討論，面對，回應，解決呢個問題，呢個咪就係粵協靜局嘅原因囉。

本來粵協係一個好好個論壇，彙聚咗一班「同聲同氣」熱愛廣府文化之人，探討粵文化，研究正音正字，開發粵語輸入法，曾經亦不乏對政治嘅討論，（記得以前呢度有光明頂，）==有好多值得討論，有水準嘅嘢可以噏下嘅，喺呢度查實學到個嘢真係唔少。可惜，誠如21樓仁兄所言，喺政府嘅打壓下，呢度猶如驚弓之鳥，刪咗好多好精彩嘅文章，敏感嘢唔可以發。不過呢樣嘢都唔可以怪粵協，鬼叫人在屋簷下，鬼叫我哋喺大陸，鬼叫冇言論豉油賣，鬼叫屍屍P統治緊大陸！

一個粵語論壇唔討論政治，查實問題並唔大，可以回歸返討論粵語上面。
不過，一尐你識寫，我識寫嘅字，有幾個人想去「研究」？？
學完基本嘅「係」「喺」呢啲就走人喇！深入少少嘅，咪學埋「罅」「搣」先囉……
雖然話學海無涯，但係大家都要返工返學，邊有咁好恒心？

粵語正字呢個範疇，話佢大，又唔算，話佢細，又唔係。
粵協查實係咪應該以粵語研究為主嘅情況下，向多方面發展下，例如，前嗰牌潘X林咪話恢復正體字，同時，網路上一直都好多人想學好正體字嘅，成日見啲人「隻是」「髮生」呢啲錯得離譜嘅詞！
查實，粵協可以順便研究埋正體字，（雖然呢樣好似一直都有，不過似乎無乜專題專區）吸引埋嗰啲對正體字有興趣嘅人士。

再者，粵協嘅複印機橫行，令人覺得呢個論壇內涵不足。既然你啲料都係喺第二度copy過嚟，我使乜上呢度？我直接自己google一下！或者去閣下嘅資料來源網站豈不是更方便快捷？！無料唔好扮有料！唔識唔好扮識！
有啲嘢重荒謬，一個好哋哋嘅學粵語正音正字論壇，偏偏有啲人鍾意發啲錯音上嚟！自己又無料整啲正確嘅返返上嚟！教壞人！

一個學術論壇，只見吹無聊嘢，「曖昧嘢」成風，不見學術文化，不見具有討論意義的話題。
呢個學術論壇不再具備學術韻味嘅時候，亦係佢失去吸引力之時！

呢個論壇，學識之士不屑出聲，不學無術之人卻呀文呀武！





[ 本帖最後由 Barbecue5354 於 2009-5-16 15:53 編輯 ]