dit, 啲

芬1012

dit —— 英文嘅 bit

 

啲 —— 英文嘅 some

 

而家有啲人好鍾意寫個「 尐」字，真係好想知呢個「尐」字指嘅係「dit」定係「啲」呢？

嶺南散人

原帖由 芬1012 於 2009-5-11 02:23 發表 dit —— 英文嘅 bit   啲 —— 英文嘅 some   而家有啲人好鍾意寫個「 尐」字，真係好想知呢個「尐」字指嘅係「dit」定係「啲」呢？

尐[tit]

 

啲[ti]

neolite

『尐』基本字義有少，小。

　　此意思的延伸在现在的粤语当中仍有使用，表示「一些」，但大多人不会写该字，故俗作「啲」。

百度百科的解釋。信不信由你。

 

 

芬1012

原帖由 neolite 於 2009-5-11 22:17 發表 『尐』基本字義有少，小。 　　此意思的延伸在现在的粤语当中仍有使用，表示「一些」，但大多人不会写该字，故俗作「啲」。百度百科的解釋。信不信由你。     ...

 

乜噉都引伸到嘅咩？你諗真未咖？

 

兩個字變一個字，家陣粵語同你有仇啊？

 

重有，點解唔講粵語嘅呢你？

neolite

用普通話係因爲，上百度查完資料一時轉唔過來嗻，我都話咗信不信由你。另外，我覺得唔似係我對粵語有仇，似乎係你對其他人嘅發言唔尊重，我起碼係去查資料得到嘅結論，你又有咩根據話人唔恰（啱）先。希望你可以平心靜氣一『尐』。

neolite

嶺南散人

唔好唔記得，「尐」同「啲」係兩個詞來咖，一個係促音，一個係舒音，一個讀[tit]，一個讀[ti]，兩者唔可以混淆，譬如「一尐[tit]啲[ti]」。

neolite

亦都有可能係同個字兩個唔同讀音，感覺例如『尐咁多』，讀dit同dik都順口。不過都係唔該晒『嶺南散人』嘅提醒。我會再去搵下資料，或者睇下有無其他人有更高嘅見解。

芬1012

我都特登寫咗兩個英文嚟對照囉，若果係唔信英文嘅，噉用滿大人嘞：

 

dit —— 一點

 

啲 —— 一些

 

係唔係兩個字啊？

 

唔信我，信你自己把口嘞：「dit咁多」，去咗個「咁」字 ——「dit多」。你唔會講成「啲多」嘎，係唔係？

neolite

噉又係，『尐多』真係用尐順口。如果係『快尐』呢？我嘅水平區分唔到。想再問下，『來』同『嚟』係唔係都應該係個『來』字？

包詏颈

啲＿＿粤拼注音di1;dit1;di4;ti4

嶺南散人

原帖由 neolite 於 2009-5-14 09:41 發表 噉又係，『尐多』真係用尐順口。如果係『快尐』呢？我嘅水平區分唔到。想再問下，『來』同『嚟』係唔係都應該係個『來』字？

祇有「快啲」冇「快尐」，「快尐」即係「快尐尐多」，即係「唔使好快」，同要表達嘅意思並唔恰切。

 

冇錯，一律用「來」。

外外星人

贊成啲、尐分開嘅，都冇懶音。話係同一個字嘅，留意下自己嘅發音啦。

neolite

我原意支持，同一个字两个音囉，汉字感觉亲切『啲』。

芬1012

啊，真係死牛一便頸嘅喎你都，都話咗係兩個字嚟嗰咯，點會係「一個字兩個發音」嘅呢又？

 

你唔鍾意寫"dit"咯，噉咪寫「啲」「尐」囉。

 

有時真係懷疑啲乜書物書係唔係毒藥嚟嘅呢，點解睇得多啲腦筋會變到古老石山噉，實哂嘅呢？

使君子

原帖由 neolite 於 2009-5-12 08:37 發表 9327

图中这条友摆到明乱写，如果是「子列切」，就应该读 jid。所以绝不应叫
「正字正确」，而应该叫 错字错觉。

neolite

一個字唔可以有多個讀音咩？好似『困』有，kwan3、wan3、fan3；『厨』有ceoi4、cyu4；『嚼』有ziu6、zoek3；『來』有lai4、loi4。對于『尐』我都唔肯定，我嘅動機都係想减少口字旁嘅字嗻。既然大家話要區分開，噉就區分開啦，我好隨和。

使君子

原帖由 neolite 於 2009-5-15 09:15 發表  

我嘅動機都係想减少口字旁嘅字嗻。既然大家話要區分開，噉就區分開啦，我好隨和。 

嗯，虽然未必同意你个观点，但欣赏你个态度。各大粤语论坛就需要建立此种斯文宽容的讨论氛围。握手。

外外星人

到底有音先定係有字先？

 

——本嚟，呢個問題提都係多餘嘅！之但係噉，恐防有啲人睇得書多，唔記得，提下水噉啫！

neolite

有音先。文字出現係為咗信息傳播更廣。不過文字亦都有佢獨到之處，文字自身包含大量信息，可以話係濃縮語音嘅精華。但係，亦都有其它語言係以音定字嘅，好似韓文。日本都唔敢廢除漢字，係因爲如果全部拼音，睇起來會好攰，漢字可以提高閱讀效率。所以唔可以以音斷字，亦唔可以以字斷音。