求教各位高人「冇莊冇閒家」係乜意思？

风之子

請各位高幫手解釋吓！

順便再幫在下造多個例句！唔該！！！！

旺旺

大意係話人不分主次，有啲似「無大無細」。

第一次看你的問題，真係唔知你問乜。呢句說話唔會咁講，有時會話：「唔分莊閒」，有時又會變為：「無（分）莊無（分）閒」。至於因為音轉的問題，如果改成「無莊無閒家」，一時間可能會唔知你講咩。

佛山霍先生

2楼有料到，顶你一嘢

外外星人

閒字要變調

风之子

原帖由 旺旺 於 2009-5-11 11:54 發表 大意係話人不分主次，有啲似「無大無細」。 第一次看你的問題，真係唔知你問乜。呢句說話唔會咁講，有時會話：「唔分莊閒」，有時又會變為：「無（分）莊無（分）閒」。至於因為音轉的問題，如果改成「無莊無閒家」，一時間可能會唔知你講 ...

高手唔好意思！係我問題有錯！多打一個「家」字另你會錯意！不過都要多謝你嘅解答。

可唔可以就 「冇莊冇閒」造多個例句！！！唔該！！！

外外星人

冇莊冇閒好少可聽人噉講，冇大冇細就有，唔分莊閒會多啲人噉講。

旺旺

例：

擦鞋仔同老闆去 A 公司傾生意，由於形勢比人強，A公司要啃豬頭骨，A公司老闆條氣已經唔順，而擦鞋仔又係度寸寸貢，卒之攪到 A 公司老闆發火：呢度幾時輪到你呢啲二打六出聲？無莊無閒，你快啲同我收嗲。