「斗蟋蟀」粵語點講？

风之子

如題。「斗蟋蟀」粵語點講。

重有裝蟋蟀容器。粵語有冇特別講法？唔該！！！

melop

好似聽過叫「鬥蟀(zeot1)「，唔知係咪。

外外星人

呢啲嘢睇怕失傳囉！

唔三唔四蠢魚

斗蜶。
广东嘅蟀叫做「织蜶」，同北方嘅蟋蟀不同种嘅，
广东织蜶体型大，三尾。






北方蟋蟀体型细得多，而且係两尾嘅，如果有三尾嘅就係唔识斗嘅蟀毑。


北方话中有一个词为做「三尾（音「引」）儿」，係用来讥讽一啲冇斗志嘅人，但广东人斗嘅蟀却偏偏就係「三尾」嘅。
文化嘅差异真嘅好奇怪。最记得当年係北京读书时，北方佬食莴笋係食骨（茎）唔食叶，而我地班广东佬就食叶唔食骨，后来我地同佢地倾掂数，大家夹钱买莴笋，佢地要骨，我地要叶，各取所需，皆大欢喜。所以比较中意同北方佬做朋友，因为大家对利益嘅着眼点相当之唔同，所以好少嘢争，而江南佬（长江以南）反而容易同广东佬争，因为佢想要嘅大多亦係广东佬想要嘅。好似食饭咁，广东佬同江南佬都争饭食，而北方人就懒得到你争饭，佢地都唔中意食饭，佢地食面。有个老奶奶听我讲广东人平时嘅主食就係食饭时，就好同情我，讲你地广东人好可怜，主食嘅花样咁少，唔觉得腻嘅咩！

风之子

多謝！2，3L朋友幫手解答！請問吓水魚兄。而家，粵語口語講「蟋蟀」係照直講，定抑或係講

「zik1zeot1"唔該！！！

沈發

蠢魚兄真有料,問乜答乜,而且適時提供照片,真是大開眼界,多謝！從南北種体型的差異,如果帶廣東蟀遠征,北佬肯接受挑戰嗎?

vo1ce5

原帖由 沈發 於 2009-5-8 07:47 PM 發表 蠢魚兄真有料,問乜答乜,而且適時提供照片,真是大開眼界,多謝！從南北種体型的差異,如果帶廣東蟀遠征,北佬肯接受挑戰嗎?

呢種高尚情操唔係個個都有嘅．

佛山霍先生

织卒

佛山霍先生

斗「织卒」，斗「卒」仔

外外星人

我哋淨係講「卒子」（音係噉），讀咗書先知有蟋蟀呢樣嘢。韞住啲「卒子」畀佢哋打交，叫「鬥卒」。