細露？細路？

外外星人

睇下細露點嚟先：

 

無錯，就係細露麵喇！

——記得細時病嗰陣，阿媽會煮啲細露麵或者衛生麵畀我頂肚。

有人記性好，睇咗細露麵呢幾個字，就執咗寶噉，嗱嗱聲話畀人知，細路仔個路字，應該寫成露嘞！重望文生義噉解釋話：露，即係露水，細露，即係細小嘅露水。

真係豬噏當秘笈！

 

細露錯咩？錯到極！

記得從我睇到細露麵呢三個字到而家，都諗唔明點解寫成噉。若果你將個細露解成「細小嘅露水」嘅話，起碼錯咗兩個字，事關《粵語唔小》；而粵語都唔會講露水，開講都有話，霧水、霧水，邊會講露水呢？真係一頭霧水！

 

故此，就算要講都係講細霧，唔會講細露，除非你話細露《唔係越語》。

 

噉露字錯咗，細路啱唔啱呢？有人解釋過，「小孩子喜歡在路上玩、因而又叫細路仔」。

查實，我哋多數會講細蚊仔，諗返轉頭，舊底阿爺、阿嫲，都係講細蚊仔，好少可聽到佢哋講細路仔、細路女。

 

姑勿論細路啱唔啱，千祈咪話細露就得，若細露得，細霧重得！細蚊仔就實冇走雞！

嶺南散人

細佬、細佬哥、細MAN仔。

使君子

差D唔记得「细路面」了，多谢楼主！

外外星人

原帖由 嶺南散人 於 2009-4-30 22:17 發表 細佬、細佬哥、細MAN仔。

東莞話講「誓問宰」

childe

明白佐~Thank you~

外外星人

有人話細孥先係正字，若果係噉，就更加之證明咗細露係無稽之談。

                ↑

            請厾入呢個網址查詢！

張圖唔得，發過。

兜兜

哦~明白晒~多谢！
细佬~

嶺南散人

原帖由 外外星人 於 2009-6-18 23:17 發表 有人話細孥先係正字，若果係噉，就更加之證明咗細露係無稽之談。                 ↑         & ...

「孥」係泥母，「細佬哥」嘅「佬」係來母，[n]、[l]唔好混淆。 [ 本帖最後由 嶺南散人 於 2009-6-19 11:16 編輯 ]

外外星人

原帖由 嶺南散人 於 2009-6-19 11:10 發表 「孥」係泥母，「細佬哥」嘅「佬」係來母，[n]、[l]唔好混淆。

即正字係細佬哥？

嶺南散人

原帖由 外外星人 於 2009-6-19 11:18 發表 即正字係細佬哥？

冇錯

外外星人

細佬哥，冇錯係讀音啱。但，若果兩兄弟，大佬同細佬，噉又點分呢？要諗埋呢度喎！事關細佬哥有時會慳咗個字讀細路，噉寫成細佬咪分唔到？

神七咁早

原帖由 外外星人 於 2009-6-21 00:04 發表 細佬哥，冇錯係讀音啱。但，若果兩兄弟，大佬同細佬，噉又點分呢？要諗埋呢度喎！事關細佬哥有時會慳咗個字讀細路，噉寫成細佬咪分唔到？

 

你条友正一死蠢，咁简单都唔识分

 

两兄弟嘎话，细佬咪叫细佬啰，大佬咪叫细佬哥啰

 

 

嶺南散人

原帖由 外外星人 於 2009-6-21 00:04 發表 細佬哥，冇錯係讀音啱。但，若果兩兄弟，大佬同細佬，噉又點分呢？要諗埋呢度喎！事關細佬哥有時會慳咗個字讀細路，噉寫成細佬咪分唔到？

該何祇能向讀音上變爲「路」音，向書面上冇法子區分。

外外星人

原帖由 嶺南散人 於 2009-6-21 00:26 發表 該何祇能向讀音上變爲「路」音，向書面上冇法子區分。

噉咪好「擇使」？

1701

呵呵~睇咗又学到嘢喇

neolite

我都係支持用「孥」，「佬」喺粵語略帶貶義，用來形容小朋友不妥。况且，粵語「細」相當于北方「小」。「孥」，子也。用「細孥」等于「小孩」無咩問題啊。我更覺得「細佬哥」係「細孥哥」變音來嘅，「哥」只不過係一種修飾，好似「學生哥」。所以「細佬」喺度行唔通。

dengjun

在粤语次方言四邑系次方言开平话中，现在仍然说细佬（弟弟），细佬哥（小男孩），没有说「细路」的。"孥"的声母是n,不是 l。粤语次方言往往保存更古老的说法。

jun2982804

原帖由 neolite 於 2009-9-1 15:22 發表 我都係支持用「孥」，「佬」喺粵語略帶貶義，...

「佬」本身唔带贬义，只系喺某啲用词上有贬义啫！唔冇混淆！

外外星人

原帖由 dengjun 於 2009-9-4 20:10 發表 在粤语次方言四邑系次方言开平话中，现在仍然说细佬（弟弟），细佬哥（小男孩），没有说「细路」的。"孥"的声母是n,不是 l。粤语次方言往往保存更古老的说法。 ...

噉，有冇細佬妹呢？

攸固

叫人大佬何來有貶義?