“老歌”抑或“旧歌”？

芬1012

北方人将以前啲歌都叫“老歌”，呢个“老”字又係北方话嘅硬伤。 从文字上讲，“老”“少、幼”互为反义词，如果旧歌叫“老歌”，噉係唔係新歌就叫“少歌”或者“幼歌”呢？ 另外，“老”字表示过时嘅，已经冇咗生命力嘅嘢。但係如果一首旧歌写得好好，一直都有好多人钟意听，甚至一直流行，噉呢首歌算唔算“老”呢？ 从呢个“老歌”谂到其它，我哋成日讲嘅“新欢旧爱”，佢哋会讲成“新欢老爱”。以前嘅而家重挂念嘅恋人本嚟叫“旧人”，佢哋叫“老人”。“旧欢如梦”佢哋叫“老欢如梦”…… 其实只要唔係新嘅嘢都可以讲係旧嘅，但唔一定係老嘅。 可见北方话一啲都唔严谨。 希望大家唔好学北方人，将“旧歌”讲成“老歌”。

desmond

北方亦鍾意叫「傳統字」做「老字」。

蟲子

我哋平時都係話“舊歌”，“新歌”，而可以用到“老歌”嘅時候一般係話“某某某嘅老歌（之前嘅歌）”

highyun

“老哥你唱首老歌畀我听”

Anl

我覺得好贊同嘅一句話係：其實唔係新嘅嘢都可以講舊，但一唔定係老。 我四年前同佢拍過拖嘅女朋友，佢今年都係20歲，相比起上年嗰個(22歲)係細兩歲。係我嘅“舊愛”(20歲)但未必老過我嘅“新歡”(22歲)。 如果“舊愛”要講成“老愛”，眞係唔知乜嘢景象。 我認爲嘅“老愛”係指結婚一齊好多好多年，大家都變白髮老人嘞，先叫“老愛”，而且一直咁恩愛。

alex

我虽然好唔中意北方，而且都相信，粤语进步过北方语言，但我不得不喺讲句公道说话，楼主嘅推导有d牵强，而且好多嘢，係你自己谂到嘅 “从文字上讲，“老”“少、幼”互为反义词，如果旧歌叫“老歌”，噉係唔係新歌就叫“少歌”或者“幼歌”呢？ 另外，“老”字表示过时嘅，已经冇咗生命力嘅嘢。” 呢种讲法并非绝对架，语言往往係习惯，北方话将“旧歌”叫做“老歌”，但“老歌”完全冇表示歌曲过时，冇生命力嘅意思，意思同粤语旧歌完全一样。而且完全冇“少歌”或者“幼歌”呢d讲法。冇将“旧人”叫做“老人”呢种讲法，冇“旧欢如梦”呢种讲法。你要论证粤语优秀过北方话，我好支持你，但一定要以事实为依据，唔可以误导市民

joey

照咁讲,老友就讲"旧友",老同学叫"旧同学"?

豬豬奶茶

老友個老係親密嘅意思,似乎同新舊冇乜關系,同老公老婆一類 地方文化差異啫

南粤高凉仔

北方的老牌子的店铺通常叫“老字号”，如果按甘解释个话，唔就要改为“旧字号”啦。 甘，所谓的“老兄”呢，也改为“旧兄”？好似唔顺口啊。 em4:

芬1012

南粤高凉仔在2005-10-12 20:27:01說道：[br]北方的老牌子的店铺通常叫“老字号”，如果按甘解释个话，唔就要改为“旧字号”啦。 甘，所谓的“老兄”呢，也改为“旧兄”？好似唔顺口啊。 em4:

首先，我讲嘅係喺使用反义词嘅严谨性。“新歌”与“旧歌”，“新欢”与“旧爱”，“新人”（啱啱结婚嘅人）与“旧人”（以前嘅情人） 再就係，你哋两位所讲嘅“老友”，“老婆”“老公”都冇新旧嘅意思，只係一种叫法而已。

芬1012

如果讲顺口，“旧歌”先至係我哋嘅习惯讲法，根本就唔会有粤语人讲“老歌”嘅，呢个先至係关键。

alex

剑走偏锋