香港復活要先受難？

desmond

香港復活要先受難？

(明報)4月10日 星期五 05:05

【明報專訊】大家都知金融海嘯殺到嚟，人人都好想知實際災情會有幾慘？特首曾蔭權    噚日出席由行會非官守成員搞嘅政商界午宴，其間講到本港經濟，當佢祝完大家復活節快樂之後，就話復活之前，必定會先經歷釘十字架之苦。在場嘅議員同商界人士都笑咗出嚟，知道煲呔其實想暗指「香港要復蘇，必先經歷有如釘十字架嘅痛苦」。

海嘯痛苦程度如釘十字架

有份出席嘅民主黨    副主席劉慧卿    話，其實金融海嘯殺到，大家都知道香港難免受影響，但係估唔到原來痛苦程度有如釘十字架。卿姐話，當煲呔講咗呢句「啟示錄」之後，在場人士都唔知係「好笑」定係「苦笑」，總之大家心領神會，知道經濟前景會有幾堪虞。

聽卿姐和專業會議劉秀成    講，煲呔話知道有班「politicians」（政客）要求政府在預算案加碼，但強調政府會喺適當時間出招。

劉秀成引述煲呔，政府要刺激經濟，唔一定要使好多錢，政府會有完整計劃應對，又話政府會好努力㗎啦。Emily諗，佢咁樣講可以順手為預算案拉票喎。

教識Emily兩個英文字

卿姐和劉教授話，煲呔成篇演辭都係英文。Emily聽完佢哋引述，就喺煲呔身上學咗兩個英文字，「復活」嘅英文係「Resurrection」，「Crucifixion」係釘十字架。

cingsan

有朝庭撐著…驚乜嘢吖？？？