用番枧洗净把口

芬1012

用番枧洗净把口

一年一度嘅亚洲小姐选举，爆咗句新式粤语：用番枧洗净把口。

 

呢句话嘅原创系其中嘅一位候选佳丽。主持人问姖若果畀人骚扰，妳会点嬲法（题目同当年考杨恭如一样）。呢位佳丽答咗两三句，主持人重嫌唔够喉，故此，呢位佳丽就拎咗句妈咪教嘅英语出嚟，然之后就翻译畀大家听，即系话要阿边个「用番枧洗净把口」。

 

呢位佳丽有少少似番鬼妹，估计系自细喺外国读得番书多，谂嘢都系优先用英语，讲咗句英语，先会用粤语表达。点都好，姖呢句「用番枧洗净把口」确实几有粤味，你话新又得，旧亦得，总之，就系得咗。

羊城客

        多年前，我听过长辈用此话回敬口臭之人。

外外星人

唔該芬記，你有心喇！

 

之但係噉，冇理由我發嘅帖要你發過先擺得喺呢度咖？時間都唔啱！況且，版權所有，翻版算點先？！

芬1012

之前聽人講咗句：「啲水好乾淨|」，即時就覺得好ngang耳。

 

 

ham世界都冇乜嘢濕得過啲水嘅囉啩，噉啲水又點得嚟「乾」呢。

 

 

另外，嗰啲反對用「姖」字嘅人，夠姜就連「她」字都咪撚用。

外外星人

哦，你講《乾淨》嗰張帖吖嘛，畀人搞到花晒。

 

好明顯，乾淨係胡言亂語嘅結果。