我想我哋係八十年代成長唧呢班人對于棒棒冰呢樣嘢一定唔會覺得陌生啦。
嚴嚴夏日，放學踢（或者打，你中意啦）完波之後，整返支健力棒棒冰，消暑又解渴，果種感覺，實在係太好。
我仲記得果陣時睇卡通片之前果首廣告歌：
健力，健力，我愛健力，將冰凍感覺散開～～
好味，鮮味，真真好味，齊齊來分享～～
（好，唔使驚，我唱完）
其實所謂棒棒冰，係將果汁放入一個兩節三十公分左右唧棒狀塑料容器入面，然後急凍，將果汁雪成冰。食果時，中間拗佢柴，「啪」一聲分開兩節即可享用。
老實講，念返起我覺得棒棒冰呢樣嘢其實係引發我哋人類原始本能同獸性唧一個陰謀！
首先從打開方法講起。
你念下，中間拗柴哦～～唔明啊？我舉個例子：
士多啤梨味，少少融，當你拗開果陣，「啪」！紅色液體四濺。果種感覺爽唔爽？殘唔殘忍？你有冇睇過《異形》系列啊？
再從外型講。圓碌碌，棒狀，直徑四公分，三十公分長。絕對係令所有女士期待同所有男士羡慕唧SIZE啦。
唔明？你實係處唧！！唔使狡辯。
如果以上兩個論據都唔可以令你認同我講唧嘢，唉……係你逼我咖，我都唔想咖。我唯有出絕招——講下食棒棒冰！
因爲開口比較細，而塊冰比較大，所以當你食果陣，四大絕招：含、吹、舔、吮，如果都唔得再加埋「咬」先得食得到。當食到一半塊冰變細，你要係咁楂係咁楂，楂碎塊冰然後「唧」上來先可以繼續食。又或者通過你靈活唧舌頭，從細小唧開口伸入去繼續舔都得。
你哋話勒，如果幼時長期食棒棒冰冇直接或者間接令你唧「吻技」或者「吹技」有所長進唧，可以拆我祠堂。
够勒！
如果你仲係GET唔到，我爲你默哀。係你蠢！我已經忍受唔到繼續寫呢啲咁不雅唧文字勒。
所以以後當你條女或者你條仔問你「點解你咁叻咯？」果陣，你就可以回答佢：「食棒棒冰囖！」又或者，當你想你另一半變叻果陣，俾佢食棒棒冰啦！
| 
發表於 2009-4-7 19:29:20
發表於 2009-6-2 14:09:52
