找回密碼
 註冊

QQ登錄

只需一步,快速開始

搜索
熱搜: 活動 交友 discuz
查看: 2717|回復: 16

[純水無大礙] 录取公务员唔使考粤语先至系无稽之谈! 

[複製鏈接]
發表於 2005-10-5 17:52:51 | 顯示全部樓層 |閱讀模式
如果畀我早知道寻日嘅日报大大只字标题《录公务员考粤语系无稽之谈》,《广州日报》嘅记者 李桂文、通讯员史伟宗同评论员闻过一定畀我打电话闹到佢哋狗血淋头、仆街冚家铲(再次强调呢句 唔系粗口,只系诅咒人哋嘅说话。冇文化,尤其是唔识南粤文化嘅人先会以为呢句系粗口)!   讲埋一大堆废话,打住推广普通话嘅旗号,罔顾民意,讲乜嘢“必须懂粤语或懂粤语优先”就系 歧视性条件——试问广州市政府各级机关部门有冇搞过学历歧视?有冇搞过身高歧视?   成日以为外来嘅和尚先识念经!我呸!呸!呸!呸!呸!呸!呸!呸!过去四年引入广州嘅超过 十万名所谓“人才”做咗啲咩出嚟咁巴闭呀?!   我净系成日听见好多广州人失业、冇工开、生意难做……可以讲系民不聊生、怨声载道——梗系 啦,超过十万个职位落入所谓“过江龙”手上,广州人点会唔失业?边会有饭开先得嘎?都唔使旨意 有好日子过咯!   广州点解时时都咁脏、乱、差?即使咩“国家卫生城市”嘅称号都只不过系虚名嚟嘅——真正嘅 广州可以话系乌烟瘴气、乱七八糟、不知所谓!就系因为多得嗰班所谓嘅“过江龙”——佢哋根本就 唔爱广州,当广州系佢哋嘅垃圾场,淘到宝嘅就返乡下叹世界,揾唔到食就喺庶屙屎屙尿——反正又 唔系佢哋屋企,乌糟邋遢又唔关佢哋事!   我成日都强调一样嘢——归属感。一个人如果对嗰个地方、对嗰个企业、对嗰个家庭系冇归属感 嘅,你都唔使旨意佢会有咩贡献,甚至乎佢可能仲会搞破坏添——呢个就系中国人嘅劣根性之一,系 由于教育落后所引致嘅!   最简单不过嘅就系,喺广州唔识听、唔识讲广州话嘅人,对广州肯定就冇归属感,呢啲人点会为 广州全心全意服务?点可能做出咩好嘅成绩畀我哋睇?广州对于佢哋嚟讲,只系升官发财嘅踏脚石、 弹跳板,最紧要系佢哋个荷包有几肿涨,佢哋嘅乌纱官袍有几高级!   唔肯学广州话嘅人根本就冇心为广州人民服务——因为佢哋根本就唔想听基层嘅声音,漠视民间 嘅意愿——呢种人点可能系社会主义建设嘅栋梁?!   《公务员法》都冇话唔可以将听、讲某一地方方言作为录用公务员嘅条件,如果将识听、讲某一 地方方言作为公务员录用嘅限制性条件,点算违背咗国家法律法规关于公务员录用嘅的平等、竞争同 非歧视性嘅法制精神呢?   既然可以限制投考公务员嘅学历,咁即系学历歧视啦——重学历而唔系重能力,咁对我哋嘅社会 有咩好处呢?须知道,好多人系高分低能嘅,更加唔好讲嗰啲学历系假嘅添!   前几年广州市公安局招110报警台接线生都规定身高要几多几多先可以报考啦——咁样就唔系 歧视嘞咩?唔通咁就冇违背公平同非歧视性嘅法制精神?真系州官放火就可以,百姓点灯就唔得?   当我歧视又点啊?你吹咩?你歧视我呢样,我歧视番你嗰样——呢啲就叫以牙还牙,以眼还眼, 以其人之道还治其人之身!   入乡随俗系好自然嘅事,系中国人民千百年以嚟嘅传统美德。以往江书记、朱总理等领导同志到 香港、广东等地参观访问,都会学几句广东话,以求同当地人民有亲切友好的接触。最近国家副主席 曾庆红去香港主持迪士尼乐园嘅开幕典礼,都识得周围“多谢大家”。   个个主子都知道点样可以取悦人民,点样先可以同百姓有良好嘅沟通,何解班奴才咁猪兜,咁都 唔明白主子嘅心意!一日到黑净系识得拍马奉迎!   汇丰银行喺世界各地都有分支机构,而且业绩彪炳,佢嘅成功之道就系“善用当地嘅地方智慧” ——嘿嘿,原来就系咁简单。不过啲猪兜就冇咁样嘅智慧同胸怀!   广州系开放嘅城市,具包容性系一大特质,但容忍同样亦都系有限度嘅!某啲别有用心嘅人就系 要慷广州人嘅慨,用广州人嘅大方嚟建立佢自己嘅丰碑,到咗广州人无法忍受嘅时候,自然就会作出 反应。   身为广州人,我就系要为广州作贡献,我就系要要求录取公务员要过语言关——系广州话嘅语言 关;身为广州人,我就系要将广州话呢份珍贵嘅中国古老文化同世界文化遗产发扬光大,所以我哋就 要——支持本地化,抵制普通话;实现国际化,推广广州话!   下次作狗吠嘅时候,唔该先听下人哋嘅声音,猜度清楚主人嘅意思,唔好系又吠,唔系又吠
 樓主| 發表於 2005-10-5 18:04:40 | 顯示全部樓層

Re:录取公务员唔使考粤语先至系无稽之谈!

呢篇就半个月前写嘅,又冇乜胸上嚟蒲,望各位见谅! 欢迎大家得闲去踩下场——原文地址:http://www.blogcn.com/user25/general_lo/blog/24798759.html
發表於 2005-10-5 19:46:25 | 顯示全部樓層

Re:录取公务员唔使考粤语先至系无稽之谈!

盧總,有啲嘢我係完成支持你嘅!
 樓主| 發表於 2005-10-5 19:57:34 | 顯示全部樓層

Re:录取公务员唔使考粤语先至系无稽之谈!

蟲子在2005-10-05 11:46:25說道:[br]盧總,有啲嘢我係完成支持你嘅!
揾多啲人支持我先得嘎!
發表於 2005-10-6 08:32:22 | 顯示全部樓層

Re:录取公务员唔使考粤语先至系无稽之谈!

唔识粤语何来服务大众。 所以只识讲普通话嘅公务员喺广东只会畀人一种高高在上,摆晒官腔嘅感觉。
 樓主| 發表於 2005-10-6 18:10:45 | 顯示全部樓層

Re:录取公务员唔使考粤语先至系无稽之谈!

只识讲普通话嘅公务员喺广东点可能会有“高高在上”嘅感觉呢?! 粤语呢啲咁高尚嘅文化都唔识,可见其层次同水平啦! 对我哋摆款系冇用嘅,盏迟早畀我哋收拾!
發表於 2005-10-7 05:40:16 | 顯示全部樓層

Re:录取公务员唔使考粤语先至系无稽之谈!

就凭报纸嗰条标题,卢总,我撑你!
發表於 2005-10-9 09:12:09 | 顯示全部樓層

Re:录取公务员唔使考粤语先至系无稽之谈!

歧视粤语者当斩!
發表於 2005-10-10 02:32:33 | 顯示全部樓層

Re:录取公务员唔使考粤语先至系无稽之谈!

除咗支持,都冇辦法囉
發表於 2005-10-10 04:40:44 | 顯示全部樓層

Re:录取公务员唔使考粤语先至系无稽之谈!

可以唔使难度太高嘅,识少少都算心意
發表於 2005-10-10 07:19:01 | 顯示全部樓層

Re:录取公务员唔使考粤语先至系无稽之谈!

普通話主要喺同啲省外人士交流使用嘅,識講就得,但亦不能拒絕,點講我哋都要同人哋交流咖,但係啲省外人士嚟廣東工作就要識得廣東話先好噃,入風隨俗,畀人感覺親切啫嘛!.
發表於 2005-10-10 12:10:42 | 顯示全部樓層

Re:录取公务员唔使考粤语先至系无稽之谈!

喺粵語區,普通話係外語。 點解一定要用普通話啫,叫佢哋講英文喇,笨~~~
發表於 2005-10-11 00:33:36 | 顯示全部樓層

Re:录取公务员唔使考粤语先至系无稽之谈!

wai在2005-10-10 04:10:42說道:[br]喺粵語區,普通話係外語。 點解一定要用普通話啫,叫佢哋講英文喇,笨~~~
哈哈,你以為中國人英文水平好高咩!
發表於 2005-10-11 02:23:45 | 顯示全部樓層

Re:录取公务员唔使考粤语先至系无稽之谈!

我认为国家录取公务员时使用普通话,其实系合理的.因为要体现公平和开放的原则.我地应该欢迎有能力的人,包括外省的朋友都来建设我地广东.但系,当佢地正式成为广东公务员的时候,就应该因地制宜学习当地的方言,甘样,才能更好甘开展工作,尊重当地的群众,拉近政府与人民群众之间的距离,真正做到和群众打成一片.
發表於 2005-10-18 01:24:59 | 顯示全部樓層

Re:录取公务员唔使考粤语先至系无稽之谈!

强烈支持卢总你啊,我都系广州人,我宜家都系失业中啊,d外省人落来广东广州搞到广州各方面都甘差,我唔敢话距地落来对广州一d贡献都无,但我见到差既情况多d咯。特别系治安,卫生等方面。希望政府真系要限制下外来人员既数量同素质啦!
發表於 2005-10-18 06:09:27 | 顯示全部樓層

Re:录取公务员唔使考粤语先至系无稽之谈!

法理不外乎人情,乜都依法,唔係唔好,都要體察吓民情吖。 中國成日都話搞有中國特色乜乜。 點解唔可以搞有地方特色乜乜呀? 古語有云:因地制宜;以民爲本。 廣東係粵語地頭,冇理由要人哋乜都講普通話吖。公務員係日日都要同市民打交道,唔通市民就要每日都要遷就返公務員講普通話?噉樣我哋要公務員嚟做乜?似乎係市民爲公務員服務多過公務員爲人民服務。 總之,唔使做嗰啲人,淨係識得貪污,兼且瞓喺度嚟諗嘢,我好肯定佢哋根本冇體察民情。
發表於 2005-10-18 09:40:55 | 顯示全部樓層

Re:录取公务员唔使考粤语先至系无稽之谈!

公务员可以唔考粤语,但公务员上任后一定要去学习粤语。
您需要登錄後才可以回帖 登錄 | 註冊

本版積分規則

Archiver|手機版|粵語協會

GMT+8, 2024-6-17 08:53 , Processed in 0.064800 second(s), 21 queries .

Powered by Discuz! X3.5 Licensed

© 2001-2024 Discuz! Team.

快速回復 返回頂部 返回列表