ng母與零聲母有何區別?

zzzcan

是不是所有的零聲母字同時又可以讀成ng母?

 

有無兩者相互對立的現象?

 

南汉

少数人有对立

例如「欧au」与「钩ngau」。

小狼

本身是零聲母的字，不建議通作ng音。
這只會混淆兩者間的分別。

馬萬千

原帖由 小狼 於 2009-4-4 06:59 發表 本身是零聲母的字，不建議通作ng音。這只會混淆兩者間的分別。

 

直程建議嚴格區分「NG」聲母字同零聲母字。

 

全讀零聲母則係懶音。全部「NG」聲母亦係矯枉過正。

 

現時香港傳媒人個個都驚俾人話有懶音、

 

所以大部分人唔理三七廿一全讀「NG」來明哲保身、

 

毎次聽到AVT記者異常作状講「NGAA洲電視」都好唔舒服。

 

※懶音人群零聲母發音方式条利会放「PE5」唔郁、所以難聽。而其實零聲母發音得當会好聽好多。

嶺南散人

四邑話嘅[ng]聲母字同零聲母字絕唔會混淆。

TaiKeiTau

一般嚟講，粵語廣州話零聲母同舌根鼻音聲母NG系區分得十分清楚嘅，原因系兩者來源不同：讀零聲母之字大多數來源于古影母字，而NG聲母字則系來源自古疑母字。發零聲母時喉部基本不需做動作，直接發韻母則可，而發NG聲母則需要喉部先稍微用力振動，再發韻母。
時下大部份粵語廣府片嘅人都失落NG聲母殆盡，家人、教師甚至社會都冇呢方面嘅正音意識，加上民眾學習語言本來就不抱絕對字正腔圓之心，久而久之就變得求其五個leng35啦。

UngooChan

零聲母字未必都可以讀ng聲母，例如「啊」aa3就唔可以讀ngaa3。而ng聲母字更加唔可以隨便略去ng，否則就成懶音。

kevinchen

零聲母字未必都可以讀ng聲母，例如「啊」aa3就唔可以讀ngaa3。而ng聲母字更加唔可以隨便略去ng，否則就成懶 ...
UngooChan 發表於 2010-2-19 17:30

    係咪所有嘅零聲母都可以唔讀ng聲母，但部分又可以讀ng聲母，例如
晏字，有人讀aan3，有人就讀ngaan3，究竟邊個讀法先係啱嘅，定係兩個都啱？啱字都係，讀啱aam1定啱ngaam1？

嶺南散人

係咪所有嘅零聲母都可以唔讀ng聲母，但部分又可以讀ng聲母，例如
晏字，有人讀aan3，有人就讀ngaan3，究竟邊個讀法先係啱嘅，定係兩個都啱？啱字都係，讀啱aam1定啱ngaam1？
kevinchen 發表於 2010-6-8 01:08

    勿係

[ng]聲母同零聲母係兩箇截然不同箇聲母 兩者判若涇渭 不容混淆 特別體現向四邑話瓦頭

四邑話毫無疑義該何將晏讀成[an] 將啱讀成[ngam]

如果向四邑話瓦頭將晏讀成[ngan] 將啱讀成[am] 該何無話人若 自己都勿會知隨自己向址講緊物

高涼那海

除咗特殊例外。一般阴声调读零声母。阳声调读ng。
因为，零声母起源于影，影母字一定读阴声调。
ng起源于疑母，疑母一定读成阳声调。
例外
1，变调字。硬係ngaang2hai6
2，变声母的字。比如钩。ngau1，源于牙母，根据韵书，理论上读作gau1.后来变成ngau1.
至于亚，读aa3.
爱，读oi3.

倒影青春

關於疑母同埋零聲母嘅問題，好似係歷史性問題，好耐之前就有呢個問題嘅喇~
一唔係就全部讀疑母，一唔係就全部去疑母~~

HKCantonese

上面所說的是：如果一個字可以對應漢字的話，可以根據陰聲調或陽聲調來決定聲母是ng-聲母，還是0-聲母。

但是，廣府話口語中那些對應不到漢字的字又如何呢？