請教「生晒」一詞。

风之子

生晒意思唔系至於动词之后表示重复不停动作。有「嘈生晒」。有「点生晒」。

「噏生晒」即係重複不停噉樣噏。請問粵語有冇呢種講法？類似「講生晒」有冇？

2特定「 乜生晒」係有幾多個？

唔該晒大家！！！！！

bajatvj

原帖由 风之子 於 2009-3-30 01:46 AM 發表 生晒意思唔系至於动词之后表示重复不停动作。有「嘈生晒」。有「点生晒」。 「噏生晒」即係重複不停噉樣噏。請問粵語有冇呢種講法？類似「講生晒」有冇？ 2特定「 乜生晒」係有幾多個？ 唔該晒大家！！！！！ ...

可以改成嘈住晒......意思一樣，正在進行時

godette

只聽過「嘈生晒」，其他未聽過。

highyun

「講生晒」有，可以理解為「四圍唱」或者「成日喺你耳邊囉嗦」兩種意思。

×生晒重有好多例子，例如「嗌生晒」、「催生晒」，呢個動詞係及物動詞。

风之子

原帖由 highyun 於 2009-3-31 00:18 發表 「講生晒」有，可以理解為「四圍唱」或者「成日喺你耳邊囉嗦」兩種意思。 ×生晒重有好多例子，例如「嗌生晒」、「催生晒」，呢個動詞係及物動詞。 ...

版主，不愧為人為到底。家吓人哋聽得最多嘅就係「嘈生晒」佢哋以為係固有詞。其實係"嘈+生晒"。類似「點生晒」「點+生晒」形容一個人不停噉樣指指點點。噉，之前照理我所話「噏生晒」。都冇錯到吖。噏+生晒，係形容一個人。把口不停噉樣口噏噏。但係就有好多人就話，冇 聽過，冇呢啲噉嘅講法。所以特登搵版主你嚟糾錯，解答！！！多謝晒！！！

godette

粵語一般是口頭上的約定俗成，除咗「嘈生晒」經常聽人講，其他「乜乜生晒」即使符合語法，如果冇人講嘅話，都係嘥氣，起碼廣州呢度從未聽過，老一輩有無噉嘅講法就唔知啦，比較舊D香港電影好似聽過有噉講，但冇乜印象。

顺德水蛇粥

天然生晒腊肠、腊肉

羊城客

「嘈生晒」、「点生晒」、「噏生晒」、「講生晒」，係廣州我聽過晒。

羊城客

        講"X+生晒"好多时并非表示重复不停动作，而係表达对呢種动作含有不满嘅意思。「嗌生晒」、「催生晒」、「嘈生晒」、「指生晒」、「点生晒」、「噏生晒」都係噉。

        例如講：「你咪噏生晒啊。」係对你噏表示反感，唔一定你喺噏咗好多。

[ 本帖最後由 羊城客 於 2009-4-11 23:47 編輯 ]