討論粵拼

desmond

from 中文輸入法世界 中文輸入法世界論壇 http://inputclub.foruto.com/cgi-bin/forum/ultraboard.cgi?action=read&bid=6&tid=17932&p=1&sid=166369 「粵語審音配詞字庫」之中並沒有香港教育署語文教育學院中文系所編的《常用字廣州話讀音表》粵語拼音方案。的確如此，十分可惜。為什麼會這樣？要問「粵語審音配詞字庫」製作者他們最清楚。 “香港語言學學會的粵語拼音方案”宣傳工作做得不錯，“香港教育署語文教育學院中文系所編的《常用字廣州話讀音表》粵語拼音方案”應該努力。 2000年初版，2004年第二版的《廣州話正音字典》集合了省港澳的幾十位著名粵語學者，經過前後逾十載編輯而成，注音合理，字頭兼列繁體，是粵音字典的首選。主編該字典的廣東語言學會會長、暨南大學博士生導師詹伯慧教授認為，這套拼音方案「多年來已為香港中、小學廣泛採用」，為香港教師所熟悉。故此，香港華通採用此粵語注音音標系統為《粵語拼音輸入法》增加的新功能「粵語拼音正音」的依據。 敝人相信當今粵語權威詹伯慧教授主持《廣州話正音字典》之粵語注音方案是珠三角地區及全球華人粵語社區可行的粵拼方案。各位是否學習/採用入不了珠三角地區粵拼的方案，請三思。

desmond

我曾向「粵語審音配詞字庫」反映，建議他們加進「香港教育署語文教育學院中文系所編的《常用字廣州話讀音表》粵語拼音方案」，可惜意見接受，態度…… 然而，像「小學中文科常用字研究」(http://alphads10-2.hkbu.edu.hk/~lcprichi/) 這些給中小學語文教師和學生的網站，用的仍是「香港教育署語文教育學院中文系所編的《常用字廣州話讀音表》粵語拼音方案」。 我自己寫《詞．兒．細譯》網站，用的也是這個拼音方案，稱作「教院式」。 教院式不分oe、eo，我個人認為不必分。 樓上desmond舉的例子，豬叫聲那個還未掌握。至於「cert」這外來詞，到底是英文，還是真的是中文？中文可以直接吸納、吸收一些英語字詞，但這些英語字詞本身是中文嗎？其讀音也真的是中文系統嗎？去到這個層次的事宜，用的該是國際音標吧？

desmond

香港教育署語文教育學院中文系所編的《常用字廣州話讀音表》粵語拼音方案 http://www.cle.ied.edu.hk/chinese/le/chinese/speaking/introd.htm

wai

香港就好喇，有咁多粵語方案。 個《常用字廣州話讀音表》粵語拼音方案 同 香港語言學會嗰個粵拼方案有啲唔同。 多啲粵拼方案討論，等粵語拼音系統啲。點都支持粵語拼音~~~ em2:

蟲子

总係觉得广东喺做好粤语发展方面不够用心!

desmond

因為粵語唔係法定語言，唔可以被全面應用。

Cactus

http://inputclub.foruto.com/ 呢個網站冇咩人氣，係自己攞嚟衰。 有次我講咗啲相反意見，就被禁止發帖。 所以我決定以後都唔再上去。 覺得，粵語協會個输入法可放主頁上提供下載。 而且，應該加入一份詳細粵拼方案在說明書中。 至於字詞输入應該係先完成粵拼方案之後嘅事。 我現時就係用單字版输入法，唔求快，只求用字準确。

Cactus

desmond在2005-10-04 23:52:54說道：[br]因為粵語唔係法定語言，唔可以被全面應用。

呢種諗法唔要得，當初微軟只係一間小公司，後來發展成今日主導世界電腦行業標準嘅龍頭大哥。 當初一定唔會有人可以想到會有咁嘅成就。 ------- gbk 字集出現時，只係微軟內部使用，ibm -- apple 等竟爭對手都唔承認 gbk。 但係因為 gbk 用家太多，因此國家 gb18030 標準係以 gbk 作為基礎。 法定標準永遠係跟随市場，而唔係主導市場。 明唔明我講咩呀？

阿松

7樓講得真係啱, 想下嗰個電腦界藍巨人ibm,一味睇衰個人電腦pc同網路市場, 後來被迫唔不止趕喺apple後面出pc,又出網路設備‧ 打到而家,連pc的thinkpad都只好賣畀大陸聯想, 而佢嘅大型主機也畀pc server伺服器, 網路打到喘唔過氣。以前紅透半邊天嘅迪吉多digital(威脅到龍頭ibm添)咪係畀pc打到撲街; hp而家都唔係好咖,睇佢又幾時撲啦. 邊個有市場, 邊個就係最後嘅一哥.正一係「誰怕誰」who怕who?

desmond

我意思係話因為粵語唔係法定語言，唔可以被全面應用，所以有人會覺得广东喺做好粤语发展方面不够用心。

Cactus

粵拼本來係法定語言。 現時內地六、七十歲嘅人，佢哋讀書時都係用粵拼方案。 點解我知？因為有次我教一個長輩學打字，佢話普通話拼音唔同佢讀書嗰種。 咁我就問佢學嗰種拼音係點架？寫出來 張 cheung，原來係粵拼。 普通話拼音應該係中國文革時期攪出來嘅嘢。 內地三十歲以下嘅人，讀書時就學普通話拼音。 覺得，如果你想打開內地市場，祇有從廣東入手。 珠三角係講粵語，最容易接受粵拼输入法。 但係我前面都講過，佢哋未受過粵語拼音教育。 因此，需要有系統咁將一套粵拼方案做成教材 cd。 我相信，祇要方法適當，粵拼係有前途。

chenliangax

长见识！好好！ em10:

書生

引用 catcus 話 : 法定標準永遠係跟隨市場，而唔係主導市場。 明唔明我講咩呀？ 再上一個層次是 : 開闢/開拓 (有潛能)新市場 , 帶領潮流 , 導引(兼影響)所謂標準 , (因為標準亦會隨客觀條件變化而變化) ! 當然這需要深度智慧(觸角)和魄力才可以 ! 任何人(團體組織)皆有可能主導市場 ! 看你的功力而已 ! (所以除非你不愛護自家文化語言 , 否則 "粵語拼音教育" 一定有市場, 有人跟隨的!)

Cactus

可能有人唔知咩叫做 gbk 字集。 要講返中文版 windows 個歷史，當初微軟做嘅第一個中文版 win95 係臺灣版。 用嘅字集係基於臺灣最流行個大五碼，共收錄一萬三千個繁體字。 然後，再加入大約三千個香港字集（hkscs），做出香港版 win95。 最後，做簡體版 win95 時，以內地 gb2312 字集（約三千個簡化字）再加上原先一萬五千個港臺繁體字合成 gbk 字集。 gbk 字集特別之處係簡體字形其實只有大約 20%，其餘係 80% 繁體字形。所以簡體版 windows 可以同時顯示簡體字同繁體字，但係繁體版就唔可以顯示簡體字。 呢個就係點解一篇文字係簡體版上睇落冇事，但繁體版上就開天窗（缺字）嘅原因。 經過分析中港臺三個字集，我認為係可以做出一個三地通用嘅輸入法。只保留大五碼（hkscs）同 gbk 字集共有字形，大約係一萬三千個。呢個共同字集包括所有常用繁體字，但係冇簡化字。因為，我覺得簡化字基本上係冇存在價值，繁體字中己經存在同義字，唔會對文字表達做成任何影響。 更多資料 http://home.pchome.com.tw/life/finalhuman/