|
近日網絡流傳草泥馬等十大神獸，但均以普語諧音出之，粵人讀之一時三刻難解其意。今余無聊而作粵版神獸，只為博君一笑~
其一：貂狸
喺茫茫雪山之上，生活住兩種動物，一種叫雪貂，另一種叫雪狸。由於生殖隔離，所以喺正常情況之下兩種動物係唔會雜交嘅，但凡事都有例外，當呢兩種動物正值發情期，又搵唔到配偶，都會頂住檔解決咗燃眉之急先嘅。而佢哋雜交所產之子就謂之貂狸。由於好難得先有雜交種產生，所以貂狸嘅數量十分稀少。然而，佢哋嘅皮毛卻係非常好嘅保暖材料，因而遭到唔少唯利是圖嘅不法份子嘅捕殺，導致原本數量已經夠少嘅貂狸變得更加稀少，瀕臨絕種，急需我哋嘅保護。細隻嘅貂狸正式係叫做毛都未生齊，一般唔會遭到獵殺，而成熟嗰啲佢哋嘅皮毛被剝落嚟，稱之為貂狸老毛，聽講係越老嗰啲保暖效果越好。所謂千里之行始於足下，尤其係對於喺雪山打獵嘅獵人嚟講，對腳嘅保護更為重要。所以當地嘅獵人多數會將打到嘅貂狸老毛製成鞋，叫做貂狸老毛鞋。據聞喺寒冷嘅冬天着住佢，腳上面連一粒蘿蔔仔（凍瘡）都唔會生，所以非常受當地人歡迎。然而，製成嘅鞋同原料嘅毛唔同，唔係越老越值錢，啱啱相反，當地人稱着舊咗嘅貂狸老毛鞋叫做老鞋，啲老鞋着得人非常之唔舒服，所以一般人都唔鍾意老鞋。
後來有個從外地調嚟雪山嘅新領導。佢上台之前係自己用禾稈草織鞋賣嘅，嚟到之後佢以權謀私，大肆推廣佢嗰啲禾鞋，就係噉，佢啲禾鞋漸漸取代咗貂狸老毛鞋。不過話又講返轉頭，呢啲禾鞋又確實係幾好嘅，用啲人唔要嘅禾稈草為原料既環保又襟着。而且最重要嘅係救咗啲可憐嘅貂狸，都算係個狗官做咗件好事嘅。
其二：福鰩
鰩係一種生活喺海洋深處會放電嘅生物又叫電鰩。而嚟自大西洋嘅福鰩則係堪稱鰩中之王，至於佢嘅真面目就似乎冇乜人真正見識過。對於佢呢個咁怪嘅名嘅來由就更係眾說紛紜。有話係因為最早發現佢嘅人個名有個福字；有話係因為佢放出嚟嘅電形狀似個福字；亦有講法係話因為佢極之罕見，所以見過佢嘅人都係非常之有福氣嘅。然而，喺研究佢嘅人當中卻大多數持另一種特別嘅見解，佢哋認為呢個福其實係一個避諱嘅講法，就好似我哋叫空屋做吉屋，叫通書做通勝噉，之所以叫佢福係因為佢一啲都唔福，唔係福不但止，反而係禍，因為據聞出現呢種福鰩嘅地方好容易會引發海嘯（tsunami），呢個可能係同佢哋放出嚟嘅電波有關。不過呢種講法只係一種傳聞，至今重未得到證實，千祈唔好為咗見吓福鰩一眼就走去搵海嘯嚟睇啊~
其三：岸鳩
與高爾基筆下不畏風雨嘅海燕相比，岸鳩就顯得怕死好多，只敢喺岸邊徘徊，唔夠膽出海。
其四：蹦螲
水蛭，係一種專吸人畜血液嘅軟體動物，而蹦螲因為彈跳力極強，所以可以輕易跳到人畜身上去吸血，防不勝防，危害更為嚴重。
其五：霹狼
速度如霹靂一般的狼……
其六：獅狒龍
三棲動物，因擁有雄師嘅威武，狒狒嘅矯健，同埋龍一般上天落海嘅本領因而得名。
其七：多膠魚
生活於鹹淡水交界處，肉質鮮美，富含膠原蛋白、不飽和脂肪酸ω3，長期食用有美容健體嘅功效（當然，亦都係好易肥嘅），係法國大餐嘅必備原料。
其八：伸高虎
於非洲大草原之上，為獵食高大嘅長頸鹿，迫於環境，只好不斷使自己伸高。
其九：避刃兔
因長期穿梭於荊棘叢生嘅灌木叢中，因而練得一身敏捷嘅身手。對刀槍劍擊等利器尤為敏感，難以捕捉。避刃兔因此得名。
其十：車頭海狗身嘅怪物
傳說中一怪物，頭大如車頭，身壯如海狗。據現存記載，僅於歲晚朝曾出現過。
神獸之王——第十一大神獸：鯉鵬
北冥有魚，其名為鯉。鯉之大，不知其幾千里也。化而為鳥，其名為鵬。鵬之背，不知其幾千里也。怒而飛，雙羽一振，壓下無數浮雲~
（以上內容純屬虛構，如有雷同實屬巧合）
歡迎大家繼續補充
[ 本帖最後由 羊城惜花人 於 2009-3-22 15:08 編輯 ] | 
發表於 2009-3-22 14:37:32
發表於 2009-3-22 14:53:45
發表於 2009-3-22 15:48:42
