虚与委蛇

highyun

呢个词确切点解？点解个“蛇”要读ji4？

余OK

我記得高考複習時老師都著重講咗呢個詞嘅發音，個「蛇」嘅普語拼音係yi2，現代漢語詞典解作：對人假意敷衍應酬。應該出自某個典故，但手頭上冇資料，我諗情形就類似於古人名「酈食其」讀作「力義基」。。。

highyun

呢个词嘅意思我都唔系太明确知道。 而家谂返起高考嘅时候遇到嘅好多四字词其实都系几有意思嘅，不过当时真系见都未见过嗰啲词。

dada

古人重音唔重字﹐例如「早」字偏要寫為「蚤」。 重兼有「聲義同源」嘅講法。段玉裁有句﹕「有義而後有聲﹐有聲而後有形﹐造字之本也。形在而聲在焉﹐形聲在而義在焉﹐六藝之學也。」 簡單嚟講﹐凡係從某一個聲符嘅字﹐意義多半相通。例如《說文》﹕「句﹐曲也。」「句」聲「曲」義嘅字有﹕鉤、笱、痀、耇、枸、苟、拘…… 又例如《廣雅》﹕「徜徉﹐戲蕩也。」可以寫為﹕倘佯、尚羊、常羊、當羊、商羊、相羊、相佯、襄羊、忀佯……甚至轉為「消遙﹐忀徉也。」 所以呢個ji4「蛇」唔係嗰個se4「蛇」。 委蛇ji4﹐蜿蜒曲折的樣子﹐引申為隨順的樣子。同音同義嘅重有﹕逶迤、逶夷、威夷、委移、委佗……

highyun

但系都睇唔出个“蛇”同“迤、夷、移”有咩相通，佢哋点解会同从一个j声？

dada在2005-10-26 18:04:13說道：[br]古人重音唔重字﹐例如「早」字偏要寫為「蚤」。 重兼有「聲義同源」嘅講法。段玉裁有句﹕「有義而後有聲﹐有聲而後有形﹐造字之本也。形在而聲在焉﹐形聲在而義在焉﹐六藝之學也。」 簡單嚟講﹐凡係從某一個聲符嘅字﹐意義多半相通。例如《說文》﹕「句﹐曲也。」「句」聲「曲」義嘅字有﹕鉤、笱、痀、耇、枸、苟、拘…… 又例如《廣雅》﹕「徜徉﹐戲蕩也。」可以寫為﹕倘佯、尚羊、常羊、當羊、商羊、相羊、相佯、襄羊、忀佯……甚至轉為「消遙﹐忀徉也。」 所以呢個ji4「蛇」唔係嗰個se4「蛇」。 委蛇ji4﹐蜿蜒曲折的樣子﹐引申為隨順的樣子。同音同義嘅重有﹕逶迤、逶夷、威夷、委移、委佗……

dada

「蛇」有「移」音﹐係古典講嘅。《類篇》﹕「又余支切」﹔《字彙》﹕「又余支切﹐音移。」《正字通》﹕「又支韻﹐音移。」《鄭箋》：「委曲自得之貌。委，於危反。蛇音移。」 音韻嘅嘢﹐我唔係好清楚﹐不過一個字有幾個今日完全唔同嘅音﹐都唔係奇怪。例如「車」本來讀「居」﹐中古分韻嗰時又加咗個「唓」音。