saang2乾淨啲污漬

小狼

「saang2」乾淨啲污漬
個「saang2」字點寫？

包詏颈

磢

——粤拼cong2、coeng2。释义：1、用碎瓦、石块等冲刷（器物）；2、磨擦；3、峡谷。

 

 

——粤拼cong2。释义：1、用碎瓦石块等冲刷去垢；2、没有烧透的瓦器。

UngooChan

㨘  鏡

 

㨘  汚漬

包詏颈

原帖由 UngooChan 於 2009-2-25 20:53 發表 㨘  鏡   㨘  汚漬

——擤的异体字。擤，捏住鼻子，用气排出鼻涕：擤鼻涕。

jun2982804

《粤讲粤过瘾》之《搡牛黄》啊集话用「搡」哦！

xiss

[ 本帖最後由 xiss 於 2009-11-14 12:28 編輯 ]

neolite

摤手係应该用摤或者磢嘅。摤，磨滌也。或作磢。从石，指其物，从手，指其事。

 

至于个搡，虽然读音一样，但表示击打、用力推嘅意思，好似搡波饼，畀个波搡亲。「搡牛黃」呢，可能都係用摤，查到基本字义係「古同「戗」，触；撞。」因为係触到，摸到牛黄嘅意思，而唔係用力推，或者击打嘅「搡」。

xiss

原帖由 neolite 於 2009-11-14 16:12 發表 摤手係应该用摤或者磢嘅。摤，磨滌也。或作磢。从石，指其物，从手，指其事。   至于个搡，虽然读音一样，但表示击打、用力推嘅意思，好似搡波饼，畀个波搡亲。「搡牛黃」呢，可能都係用摤，查到基本字义係「古同「戗」，触；撞。」因为 ...

「搡黃牛」肯定係用「搡」，因為「搡黃牛」唔止廣東有呢種講法，喺全國其它地方都有呢種講法，而且意思重係一樣添，佢哋就係用「搡」呢個字嘅。讀作sǎng黃牛。
粵語嘅「搡黃牛」里面「搡」字唔讀平時嘅「song2」而變讀成「saang2」音，好可能受外地音影響，同理，呢個音變嘅「搡」可能就被引申到其它粵語用法中，而慢慢「搡」就分多出一個音，就係「saang2」，表示有關意思時就用呢個音嘞。

至于你話搡解作「推」，似乎與「洗」無關。我就覺得，最初粵語里面嘅「saang2」，唔係注重「洗」嘅意思，而係注重「洗嘅動作」，用力到好似「推」一樣噉嘅「洗」。就好似「搡黃牛」，應該係指沿住平面（牛肚皮）大力一推，「推」啲黃牛出嚟，呢個沿住平面大力推嘅動作就叫「搡」。而我哋平時洗地板，抹瓷磚嗰時嘅動作，好用力噉喺物件嘅平面道「刮洗」，就好似「沿住平面大力推」一樣，我哋祖先可能就同樣將呢個動作叫做「搡」（繼續係音變嘅saang2）。

慢慢，呢個「搡」就同「洗」（「刮洗」）聯系上，「搡」喺粵語上就逐漸衍生多一個意思「沿住平面大力推噉去洗」嘅意思，然後聯系得越嚟越密切，逐漸變成一個與「洗」「刮洗」有關嘅動詞「搡saang2」，繼續用于粵語嘅其它方面。而原來讀 song2 音嘅「搡」，就繼續保持「大力推」嘅初始意思。
[ 本帖最後由 xiss 於 2009-11-15 11:21 編輯 ]

neolite

你硬係將兩個字統一到一個字，都無辦法。摤本身就係洗滌嘅意思，講得好清楚：摤，磨滌也。或作磢。从石，指其物，从手，指其事。 你牽强附會「搡」可以引出洗，就比較自圓其說咯。你話其它地方都係咁用，個「乜」夠用到街知巷聞啦，但其實係「乜斜」嘅意思又有幾多人認同呢。以前用「俾」用得好理直氣壯嘎，而今唔係都要用返「畀」。既然係錯誤，大家都可以犯嘅嗻。認識係逐漸加深嘅。

xiss

原帖由 neolite 於 2009-11-16 12:23 發表 你硬係將兩個字統一到一個字，都無辦法。摤本身就係洗滌嘅意思，講得好清楚：摤，磨滌也。或作磢。从石，指其物，从手，指其事。 你牽强附會「搡」可以引出洗，就比較自圓其說咯。你話其它地方都係咁用，個「乜」夠用到街知巷聞啦，但其 ...

我谂你有啲唔清唔楚喔。

「乜」嘅喺其它大众嘅误用岂能与「搡」相提并论呢？

前者系粤语嘅方言字俗写问题，粤语方面大众写俗字有前科，所以粤语大众喺方言意上嘅习惯用字固然唔可以当作正确依据啦。

但系「搡黄牛」呢种写法外省都系噉写啊，证明咗呢个市井之词唔止广东有，外省都有，如果话得广东写成「搡黄牛」嘅话，尚可以用大家都流行起嚟嘅误写作为解释原因，噉但系宜家连外省都噉写喔！！更何况，呢种流行误写只有喺常用嘅词语上出现，例如「D」「o的」啊之类嘅，「搡黄牛」呢个词平时已经喺广东少人用（至起码近年嚟已经甚少听到呢个词嘞），爱好上网爱好粤语写文章嘅新一代就更加少用嘞，本身就失去咗流行嘅前提，又如何出现流行误写呢？所以，电视台，外省都不约而同地用到「搡」呢个字，证明其来源确有根据啊。

 

至于你话「摤」，可能系你个人觉得意思真系好耦合啊，意思上绝对解释到过去咖。但系你唔畀呢种只系偶合？呢种例子确实比比皆是咖，例如「见惯不怪」，意思上真系好同咖，但系偏偏正确写法就系「见怪不怪」。