[求助]许冠杰[半斤八两]有句歌词系咩意思?

joey

[半斤八两]有句歌词"做到只积噉嘅样"系咩意思?

豬豬奶茶

我估係做到生積噉嘅解 順便問下個積應該係邊個積?

highyun

转载自http://www.xuguanjie.net/bbs/dispbbs.asp?boardid=15&id=485&page=1 记得街灯问过我"积"系乜,百度个吧都有个帖讲半斤八两中既(积)就系千斤顶. 没错.千斤顶俗语系叫"积".呢点好多人都话吾知(街灯就话吾知).其实,年纪大一d同埋经常接触到修车和重金属制作既都会知道.就我自己来讲,开车10多年啦,由学车到依家叫千斤顶都系叫"积".包括认识既司机朋友都系咁叫. 费话少讲,讲翻半斤八两中既(积).如果理解呢度既"积"系千斤顶既意思.咁呢个"积"(千斤顶)就系受气咁意思(你见过千斤顶就知道,上下受[压]力,夹系中间好惨架) 成句就可以理解为做工好辛苦.而且重要受(老板)既气. 重有一个就系解为"生积",呢个"积"解成我哋所讲既"生积"咁意思."生积"大家都知道啦. 就系消化不良,有虫."生积"既人面黄,消瘦.整句解为:做野做得好辛苦面黄骨瘦,个人好似"生积"咁既样. 如果结合埋呢句歌既上一段: 最弊波士郁啲发威(癫过鸡) 一味系处系唔系乱嚟吠唉亲加薪块面拿起恶睇(扭吓计) 你就认真开胃 我就会认为个"积"字系千斤顶咁意思啦. 描写打工仔做野辛苦而且人工又少.想叫老细加工资.但系老细吾肯不但止重要给面色睇给气你受. (好少打咁多字,打字打到我手都冇力,入来既给个面发表吓意见好啵)

samkong

highyun兄解释得相当详尽！

豬豬奶茶

經你噉樣一解釋覺得明白好多