粵讴

紮那魯剛多

http://www.tudou.com/v/wM6CxFstFBo

 

粵讴是廣東曲藝說唱之壹，與木魚、龍舟、南音、板眼被稱爲粵調。粵讴起源于珠江壹帶的蛋歌和鹹水歌，本來是珠江花舫、妓院妓女唱詠的情歌，後爲岸上瞽姬師娘等人的歌唱。

沿革
　　清朝人招子庸在道光元年（1821年）輯《粵讴》壹書，收錄這類歌曲，于是這些歌亦被稱爲粵讴；粵越同音，所以又叫越讴。《南海縣志》招子庸傳記曰：「雖巴人下裏之曲，亦饒有情韻」，又話詞中「粵東方言別字亦得所改正，不若诘屈聱牙。壹時平康北裏，譜入聲歌」。
　　其實，在此之前，也有文人馮詢創作粵讴，但是他並沒有把自己作品出版刊印，後來出任官職後更把所有作品銷毀，所以沒有流傳下來。

演唱者
　　粵讴由師娘瞽姬（失明歌妓）所唱，出名的有二妹師娘、英華師娘、李銀嬌師娘等，亦有少數瞽師唱詠時候以琵琶、揚琴伴奏。二妹師娘首創「解心腔」，英華師娘以古腔唱粵妪聞名，而李銀嬌師娘就留有《桃花扇》壹曲錄音傳世。在第二次世界大戰後，懂得唱粵妪的師娘相繼淡出，粵妪從此失傳。

曲目
　　·《解心事》，招子庸作品，有兩首：
　　（壹） 「心各有事，總要解脫爲先。心事唔安，解得就了然。苦海茫茫多數是命蹇，但向苦中尋樂便是神仙。若系愁苦到不堪，真系惡算，總好過官門地獄更重哀憐。退壹步海闊天空就唔使自怨，心能自解，真正系樂境無邊。若系解到唔解得通就講過陰隙過便。唉，凡事檢點，積善心唔險，妳睇遠報在來生，近報在目前。」
　　（二） 「心事惡解，都要解到佢分明。解字看得圓通，萬事都盡輕。心事千條就有壹千樣病症。總系心中煩極講不得過人聽。大抵癡字入得症深都系情字染病。唔除癡字就系妙藥都唔靈。花柳場中最易迷卻本性，溫柔鄉裏總要自出奇兵。悟破色空方正是樂培，長迷花柳就會墜落愁城。唉，須要自醒，世間無定是楊花性，總系邊壹便風來就向壹便有情。」
　　《揀心》，招子庸作品
　　「世間難揾壹條心，得妳壹條心事我死亦要追尋。壹面試佢真心，壹面防到佢襟[2]，試到果實真情正好共佢酌斟。襟襟嚇襟到我的心虛，個個都防到薄幸。就系佢真心來待我，我都要試過兩三勻。我想人客萬千，真嘅都冇壹分，嗰啲真情撒散[3]，重慘過大海撈針。況且妳會揾真心人亦都會揾，真心人客，妳話夠幾個人分。細想緣份各自相投，唔到妳著緊。安壹嚇本分，各有來由妳都切勿羨人。」
　　·《唔好死》
　　·《聽春莺》
　　·《吊秋喜》
　　·《桃花扇》，招子庸作品
　　「桃花扇，寫首斷腸詞，寫到情深扇都會慘淒。命冇薄得過桃花，情冇薄得過紙。紙上桃花，薄更可知。君呀，妳既寫花容，先要曉得花的意思。青春難得，莫誤花時。我想絕世風流都冇乜好持。秋風團扇，怨在深閏。寫出萬葉千花，都爲情壹個字。唔系妳睇侯公子李香君，唔系情重，點得遇合佳期。」
　　·《心心點忿》
　　·《唔系乜靓》
　　「妳唔系乜靓啫，做乜壹見我就心傷。想必妳未出世就整定銷魂今世惹我斷腸。妳系前世種落呢根苗，今世正有花粉孽賬。故此我拼死去尋花，正碰著妳呢朵異香。紅粉見盡萬千，唔似得妳咁樣。相逢過壹面，番去至少有十日思量。舍得死咯敢話死去會番生，我又同妳死賬。難爲我真正死咯，嗰陣妳話冇乜相幹，呢會俾個天上跌個落嚟，我亦唔敢去亂想。真真要見諒，莫話粒聲唔出就掉轉心腸。」
　　·《乜得咁廋》，招子庸作品
　　「乜得妳咁瘦，實在可人憐。想必妳爲著多情惹恨牽。見妳弱不勝衣，容貌漸變。勸妳把風流兩個字睇破嚇，切勿咁绻纏。相思最會把精神損。妳睇癡蝶在花房，夢得咁倒顛。就系恩愛到十分亦唔好咁绻戀。須要打算，莫話只顧風流唔怕命短，問妳壹身能結得幾個人緣。」
　　·《真正惡做》，招子庸作品
　　「真正惡做，嬌呀妳曉得我苦心無。日夜共妳癡埋重慘過利刀。近日見妳熟客推完，新客又不到。兩頭唔到岸，好似水共油撈。早知道唔共妳住得埋，不若唔相與重好。免使挂腸挂肚，日夕咁心操。勸妳的起心肝尋番過好佬，共妳還通錢債，免使到處受上期租。河底下雖則系繁華，妳見邊壹個長好到老。究竟清茶淡飯都系揀過上岸至爲高。況且近日火燭咁多，寮口又咁惡做，河廳差役終日系咁嗌嘈嘈。唔信妳睇各間寮口部，總系見賒唔見結，白白把手皮撈。就俾妳有幾個女都養齊，好似話錢債易做，恐怕壹時唔就手就墮落酆都。雖則鸨母近日亦算有幾家系時運好，贖身成幾十個女，重有幾十個未開鋪。想到結局收場未必真系可保。況且百中無壹個的境遇實在難遭。妳最好撥埋心水揾著地步，唔怕冇路，回頭須及早，好過露面抛頭在水上蒲。」
　　·《生得咁俏》，招子庸作品
　　「我生得咁俏，怕冇鮮魚來上我釣。今朝挈在手，重系咁尾搖搖。呢回釣竿收起都唔要，縱不是魚水和諧都系命裏所招。我想大海茫茫魚亦不少，（妳班衰佬）休要亂跳，鐵網都來了，總系壹時唔上我釣啫，我就任妳海上逍遙。」
　　·《結絲蘿》
　　「清水燈心煲白果，果然清白怕乜妳心多。白紙共薄荷包俾過我，薄情如紙妳話奈乜誰何。圓眼沙梨包幾個，眼底共妳離開暫且放疏。絲線共花針，妳話點穿得眼過。真正系錯，總要同針合線正結得絲蘿。」
　　·《難忍淚》，招子庸作品
　　「難忍淚，灑濕蓮枝。記得與君聯句在曲欄時。妳睇粉牆尚有郎君字，就系共妳倚欄相和那首藕花詩。今日花又複開，做乜人隔兩地。未曉妳路途安否，總冇信歸期。蓮筆叫我點書呢段長恨句。愁懷寫不盡好似未斷荷絲。今日遺恨在呢處曲欄提起往事。唉，想起就氣。睇住殘荷凋謝咯，我就想到世事難爲。」
　　·《點算好》
　　（壹） 「點算好？共妳相交又怕唔得到老，真情雖有，可惜實事全無。今世共妳結下呢段姻緣待等來世正做，妳爲和尚我做齋姑。唔信妳睇紅樓夢上有段鴛鴦譜，嗰個寶玉共佢無緣，所以黛玉得咁孤。佢臨死哭叫四個字，壹聲唉，寶玉妳好。真正無路可訴，離恨天難補。罷咯不若共妳淡交如水，免至話我系薄情奴。」
　　（二） 「點算好，君呀妳家貧親又老，八千條路咁就冇壹點功勞。虧我流落呢處天涯，家信又不到。君歸南嶺，我苦住京都。長劍雖則有靈，今日未吐。新篁落箨，或者有日插天高。孫山名落朱顔槁。綠柳撩人重慘過利刀。金盡床頭清酒懶做。無物可報，珠淚穿成素。君呀，妳去歸條路，替我帶得到家無。」
　　·《除卻了阿九》，葉茗生作品
　　·《問阿桂》
　　已故香港典故專欄作家魯金說過，粵讴是不限字數的民歌，好像同是壹首《解心事》，第壹首只有壹百二十字，第二首就有壹百三十七字；所以粵讴歌者，往往透過掌握上下句的句法，就能別出心裁，唱得婉轉而動聽。

翻譯
　　金文泰（1925年港督）擔任新界土地登記官的時後，愛好粵讴，翻譯了不少粵讴內容成英文，彙編成1904年出版的《嶺南情歌》（"Cantonese Love Songs"），是粵讴最早的英譯本。

學術研究
　　有關粵讴的研究包括：洗玉清的《招子庸研究》同《粵讴與晚清政治》、許複琴《招子庸與珠江粵讴》、薛汕《粵讴》，載其所著《書曲散論》、蔡衍棻《粵讴》、區文風《木魚、龍舟、粵讴、南音等廣東民歌被吸收入粵劇音樂的曆史研究》、陳志清《南音粵讴的詞律曲韻》、陳潞《讴聖與香港的關系》、〔日本〕波多野·太郎《木魚·龍舟·南音·粵讴》、梁焙熾《南音與粵讴之研究》、招勉之《關于粵讴及其作者的尾巴》......。