蒐集創作：本土「潮語」創作比賽試邀各位後生參與

紮那魯剛多

粵語要有更多嘅新嘅詞彙灌沖先至有活力，先至唔會咁快消亡，我向各位提議，不如喺此貼處，舉辦一次蒐集創作本土「潮語」比賽。大家一齊以發揚粵語為宗旨，廣州話「潮語」蒐集創作亦與現今網絡時代發展相吻合。且「人才要發掘，好料無謂嘥」，喺香港「潮語」多囖囖嘅今日，羊城本土亦應該行動起來，發展本土嘅語言文化啦，慢慢趕走撈化「潮語」和「網絡語言」。因此，我提議舉辦本土「潮語」創作比賽，具體事項如下：

　　1、本貼以《蒐集創作》為主題，實行「「潮語」蒐集」及「「潮語」原創」（在此一律統稱為「新詞蒐集」），本次比賽原創「潮語」要獲得大家的一致認同。
　　2、「「潮語」蒐集」要選取現今廣州年輕一代嘅口頭禪，不要跟帖90年代以前嘅廣州話「潮語」。
　　3、必須以本土事物同易記特色，出於配合音韻需要，詞語中可以出現少量英語或者音標。
　　4、參賽者以跟帖形式發佈，最好喺該帖附上詳細解釋同例句（能有圖說明嘅最好發圖）。

蒐集創作：本土「潮語」創作比賽試邀各位後生參與

各位新新人類，以自己嘅行動嚟發揚同振興廣州話啦！

紮那魯剛多

我第一個發嘅本土「潮詞」係山寨、老翻、水貨（行貨）同翻新，都係同手機有關嘅，我一一解釋畀大家：

山寨：通俗啲講就係盗版、克隆、仿制等，多數指由民间力量发起嘅盜版同仿製行為。

老翻：指嘅係比盜版更嚴重嘅盜取他人知識產權嘅商品，盜版商品勝在夠平同大眾化。

水貨：係指由国外、港澳台地区通過偷稅漏稅而进入内地市场嘅产品，可以講係廣州特有嘅一個詞，但後來傳遍咗整個網絡。

行貨：係指經過合法嘅報關手續等正規渠道進入國內市場嘅境外商品，同水貨相反。

翻新：指將二手產品經過特殊嘅加工使佢嘅外表或者性能恢複到新機水平。

[ 本帖最後由 紮那魯剛多 於 2009-2-5 22:44 編輯 ]

紮那魯剛多

我都嚟讲吓我学过嘅潮语啦...
垃圾睡眠——症状系一个人喺何时何地都可以入睡...
步拉松——指用散步嘅方式去完成马拉松嘅路程....
五加二——指情侣或夫妻喺一个星期入便嘅5日做嘢，2日碰头....
手机DJ——指喺公共场合唔理人哋感受大声播放自己手机音乐嗰啲人

紮那魯剛多

我嘅「潮語」係大家都認同嘅：

黐膠花同黐膠線，相信係喺廣州話粗口嚟嘅，咁我就作個例句畀大家參詳一下啦：
例句：「今日天文臺話會落雨啵，咁我哋重出唔出去踢波吖？」「落雨去踢波？你黐膠花（黐膠線）吖？」
兩個詞可以代替使用嘅，

重有一個詞係「呻」，意思係傻咁解：
例句：食飯冇餸，你「呻」嘎！
「呻」有可以加強語氣嘅作用

「傻LaauLaau」亦係話人傻嘅意思，不過就幾有卡哇伊嘅感覺
例句：未見過咁大個人著鞋唔著襪嘅，都「傻LaauLaau」嘅。

「揼冰」呢個係指而家啲初中雞變成飛仔進行搶劫嘅犯罪行為
例句：唉，今日一出校門就畀人「揼冰」啦，真係陰功吖！

 

「11路電車」話人哋唔坐任何交通工具，自己行路去到目的地，
例句：荷包冇錢，唯有搭「11路電車」返去啦。

[ 本帖最後由 紮那魯剛多 於 2009-2-7 11:29 編輯 ]

李四

原帖由 紮那魯剛多 於 2009-2-5 22:22 發表 我第一個發嘅本土「潮詞」係山寨、老翻、水貨（行貨）同翻新，都係同手機有關嘅，我一一解釋畀大家： 山寨：通俗啲講就係盗版、克隆、仿制等，多數指由民间力量发起嘅盜版同仿製行為。 老翻：指嘅係比盜版更嚴重嘅盜取他人知識產權嘅 ...

山寨係潮語？
上世紀五、六十年代香港已經出現不少山寨廠，你問下香港七、八十歲老人家山寨廠係乜，個個都答到你！

紮那魯剛多

刀仔鋸大樹：意思為以弱勝強，不自量力。
例句：國足同巴西開戰（踢波），簡直就係刀仔鋸大樹啦。

xiss

蒲 pow4

[動詞]，形容前往舞廳、K房及其它潮人集散地進行潮人活動。例句：又去邊道蒲啊？

[形容詞]，形容前往舞廳、K房及其它潮人集散地進行潮人活動的年輕人。例句：佢十足係一個蒲精。

[衍生詞]

蒲精：形容經常前往舞廳、K房及其它潮人集散地進行潮人活動的年輕人，頻率大於每兩日去一次。

蒲壇：指舞廳、K房及其它潮人集散地。

xiss

豬扒 zü1 pa2 [名詞]

指長相奇異的年輕女生。

恐龍 hung2 lung4 [名詞]

①指長相奇異且類似于某种史前生物的年輕女生。

②指長相一般且性格火爆的年輕女生。

皇后 wong4 hau6 [名詞]

指操縱欲強且極具領袖氣質，説話不容置疑的性格剛強女生。

宅男 zaag6/2 naam4 [名詞]

指形容休息時全天候窩在家中拒絕除外參與社會活動的年輕男生。

非主流 fei1 zü2 lau4 [名詞]

指熱愛潮流打扮，但不擅長潮流打扮，濫用打扮手段，導致形象庸俗的另類潮流年輕人。由於此類人以非廣東籍年輕人居多，逐漸引申出指代非廣東籍的熱愛潮流打扮的年輕人。

亦有指非主流風格的打扮及非廣東潮流風格的打扮之意。

bajatvj

香港有一名称叫「港女」，意为物质主义者