畀呢三个字搞到我一头霧水！干、幹、乾嘅用法

waizai

今日接咗份香港稿件，系膠水用途，我哋為咗呢個字嘈到面紅耳綠！

 

香港原稿件內容：「黏力特強、快乾，用法簡單效果顯著。」

 

因為佢哋畀嘅系JPG文件，要求我哋重新打過，咁我哋就將個「乾」打成「幹」字，傳到過去香港話唔啱，傳畀廣州公司又話要用番簡體「干」字！

 

好煩啊！究竟呢個字點用嘎！

李四

打唔出『乾』濕個『乾』字，冇相『干』。學外省人講句粗口：『幹！』，發洩下啦。

gsn8510

其实呢个係简化字带来嘅问题

 

干 包含了 乾幹干

黄百万

乾坤之乾

乾濕之乾

主幹之幹、幹部之幹、幹事之幹

天干地支之干、

干預之干

 

soonsing

簡體字之害！！

唔三唔四蠢魚

繁体字真麻烦！还是简体字来得干脆，一个「干」字搞掂，轻松自在，快捷简便。

desmond

學多兩個字都嫌麻煩，是否低估了中國人的智慧？

唔三唔四蠢魚

唔係低估智慧，而係要善用智慧。
好似日本人咁，制定当用汉字表，并根据使用概率，不定期咁增加或减少其中嘅汉字，从而使大家嘅智慧唔使浪费喺啲十年九世都用唔上嘅文字中去。
中国嘅汉字太多啦，本身就浪费紧中国人嘅智慧，如果学多一个汉字需要一分钟嘅话，全中国就会为一个汉字而浪费1300000000分钟！呢个係几大嘅浪费！否则聪明嘅中国人又点会俾日本人超过？
单单靠简化汉字嘅笔划係唔够嘅，因为再简单嘅字都要花时间去学，我地要简化嘅重应包括汉字嘅数量，减少汉字嘅数量，係减少智慧浪费最有效嘅方法，中国应该根据本国人使用汉字嘅习惯，制定中国嘅当用汉字，汉字数量应该控制在1500以下，报纸杂志尽量唔用非当用汉字，非当用汉字留返畀班古文学家就得啦！

黄百万

原帖由 唔三唔四蠢魚 於 2009-2-5 01:15 發表 唔係低估智慧，而係要善用智慧。好似日本人咁，制定当用汉字表，并根据使用概率，不定期咁增加或减少其中嘅汉字，从而使大家嘅智慧唔使浪费喺啲十年九世都用唔上嘅文字中去。中国嘅汉字太多啦，本身就浪费紧中国人嘅智慧，如果学多 ...

强盗逻辑，难怪有人提出汉语拉丁化。不如用英文26个字母啦。

嶺南散人

原帖由 唔三唔四蠢魚 於 2009-2-4 18:54 發表 繁体字真麻烦！还是简体字来得干脆，一个「干」字搞掂，轻松自在，快捷简便。

按照該個邏輯，華字真麻烦！还是拼音字来得干脆，任何同「干」同音嘅字，一个[kon]搞掂，轻松自在，快捷简便。但至怕華人嘅頭腦會變得越來越簡單。

華人幾解該叻，幾千年來華字對於華人頭腦嘅訓練功不可沒。

[ 本帖最後由 嶺南散人 於 2009-2-5 14:37 編輯 ]

嶺南散人

原帖由 唔三唔四蠢魚 於 2009-2-5 01:15 發表 唔係低估智慧，而係要善用智慧。好似日本人咁，制定当用汉字表，并根据使用概率，不定期咁增加或减少其中嘅汉字，从而使大家嘅智慧唔使浪费喺啲十年九世都用唔上嘅文字中去。中国嘅汉字太多啦，本身就浪费紧中国人嘅智慧，如果学多 ...

發明文字就係人類智慧嘅象徵，文字系統愈豐富愈完善則愈智慧。

嶺南散人

原帖由 黄百万 於 2009-2-5 12:12 發表 强盗逻辑，难怪有人提出汉语拉丁化。不如用英文26个字母啦。

華字羅馬化業已被歷史同現實證明係失敗嘅

黄百万

 

gboss

幹！是一種美德……

李四

原帖由 唔三唔四蠢魚 於 2009-2-4 18:54 發表 繁体字真麻烦！还是简体字来得干脆，一个「干」字搞掂，轻松自在，快捷简便。

舊年人民網文章標題：
还有多少贪官为「干女儿」以身试法

同一篇文章，佢地個正體中文版標題：
還有多少貪官為〝幹女身〞以身試法

一個『干』字真係輕鬆自在，搞到貪官要亂倫！！

李四

原帖由 唔三唔四蠢魚 於 2009-2-4 18:54 發表 繁体字真麻烦！还是简体字来得干脆，一个「干」字搞掂，轻松自在，快捷简便。

『轻松自在』？？？人托杉，你托松？唔托點知松樹輕？

唔三唔四蠢魚

原帖由 李四 於 2009-2-7 11:45 發表 『轻松自在』？？？人托杉，你托松？唔托點知松樹輕？

你觉得简体字嘅「松」唔轻，我亦觉得繁体字嘅「沈」唔重。
松树固然唔轻，但唔通个个姓沈嘅都係肥佬咩？

学人地玩多音字啰啝！
睇来你地都几无知下，
中国人玩文字游戏玩咗几千年，
大部分时间係玩紧繁体字！

重創漢字

呢几个係繁体嘞啩？你地唔係认定繁体字唔会有问题咩！
咁，问题莅啦！
佢嘅意思係「重新创造汉字」，重係「沉重伤害汉字」？
简体字就係「重创汉字」，睇下你点理解啫。

黄百万

原帖由 唔三唔四蠢魚 於 2009-2-7 13:52 發表 你觉得简体字嘅「松」唔轻，我亦觉得繁体字嘅「沈」唔重。松树固然唔轻，但唔通个个姓沈嘅都係肥佬咩？学人地玩多音字啰啝！睇来你地都几无知下，中国人玩文字游戏玩咗几千年，大部分时间係玩紧繁体字！重創漢字呢几个係繁体嘞啩？你 ...

將「 重創漢字」 的 「重創」釋爲 「重新創造」係你自己無知，

好好的一個 「復」 字你唔識用， 重好意思譏笑人哋無知。

 

唔三唔四蠢魚

原帖由 黄百万 於 2009-2-7 14:56 發表 將「 重創漢字」 的 「重創」釋爲 「重新創造」係你自己無知， 好好的一個 「復」 字你唔識用， 重好意思譏笑人哋無知。  

当然要讥笑啦，尤其係你呢种无知嘅人！笑多几次都得！
点解唔能够用「复」呢？你自然係唔知啦！因为睇死你都唔知「复」字点解。
如果你知，咁你就唔係无知啦，係冇？
以你咁嘅文字水平，无论你学乜嘢字，你都学唔好㗎嘞，无谓惹我笑啦。

李四

原帖由 唔三唔四蠢魚 於 2009-2-4 18:54 發表 繁体字真麻烦！还是简体字来得干脆，一个「干」字搞掂，轻松自在，快捷简便。

『干了這麼久，終於濕潤了！！』

唔好心邪呀，呢個唔係『幹』呀！係講乾旱地區終於落雨，田地濕潤喇！！