dam2嘢個dam2應該係「沊」

Jake_ct

沊

 

dànㄉㄢˋ

 

◎ 〔～～〕水声。

 

《康熙字典》：沊沊，水聲也。

 

 

 

我地平時會講「dam2嘢」，「唔愛，廢棄」嘅意思。點解我會話dam2係沊呢？而唔係「抌」呢?因為「抌」雖然有個提手旁，符合動作之意。但我好懷疑係應該有擬聲詞先嘅，我對英文有少少研究，英文畀我嘅啟發係，好多擬聲詞係會轉化為動詞嚟使用嘅，呢個係語言發展多樣化嘅要求。好多時，你唔愛一樣嘢，好自然咁沊咗落水處，就會激起水聲。以前起路拆屋，整咗啲水塘出嚟，我沊啲石仔落水，就係「dam2」一聲噶嘞。

 

 

而我地再睇所謂「抌」，佢嘅意思係：

 

● 抌

shěnㄕㄣˇ

◎ 推。

◎ 系物的桩子。

《說文解字》：深擊也。 
 
--試問，邊道嚟「get rid of」（廢棄，唔愛）嘅意思呢？

 

可見用呢隻字做「掉嘢」嗰個意思嘅dam2，係望字生義，強加之而已。

 

 

[ 本帖最後由 Jake_ct 於 2009-1-25 16:50 編輯 ]

Jake_ct

呢個解釋更加反映咗粵語嘅生動同意趣。表明粵語（或曰廣東話）嘅靈活，祇有活潑嘅文化先會有咁嘅語言轉化現象。

Lucciora

我丼尐石仔落水

Jake_ct

丼
拼音：jǐng　注音：ㄐㄧㄥˇ

部首:丶,部外笔画:4,总笔画:5

 

五笔86&98:FJYI　　仓颉:TTI　　

笔顺编号:11324　　四角号码:55000　　UniCode:CJK 统一汉字 U+4E3C

基本字义

--------------------------------------------------------------------------------

● 丼

jǐngㄐㄧㄥˇ

◎ 古同「井」。

 

《廣韻》《集韻》《韻會》《正韻》  同井。《說文》八家一井，象構  形，丶  之象也。《徐曰》  ，井垣也。周禮謂之井樹。古者以瓶  汲。本作丼，省作井。　又姓。　又《集韻》都感切，音黕。投物井中聲。

 

 

-------以上摘自漢典。可見用「 丼」表動作，雖有根據，但意思上比「沊」狹隘。因為「 丼」僅表示「投物井中聲」，而沊泛指「水聲」。再有，「 丼」讀dam2音，僅見於「粵語審音配字」網（該網解釋係「(1)投物井中的聲音 (2)姓氏 」），有dam2音，亦有zing2音。《電腦用漢字粵語拼音表》亦無收錄「丼」嘅dam2嘅讀音。而且，不論係「粵語審音配字」定係《電腦用漢字粵語拼音表》，「沊」就係得dam2呢個音。

 

如果大家承認呢個dam2嘢dam2係擬聲詞轉動詞而嚟，愚見認為「沊」比「丼」肯定更加適合。

 

多謝Lucciora參與討論。

 

 

 

 

 

小狼

「丼」字的「dam2」音其實有典據的。像樓主在上層列出的《康熙字典》解釋中，就說明：「又《集韻》都感切，音黕。投物井中聲。」「都感切」就是dam2了。而「丼」字在日語讀don，亦為旁證。

當然，「沊」亦同有典據，我亦同意樓主所說，「沊」義較「丼」闊。

外外星人

沊一聲，沊低。像聲詞作動詞，呢種用法喺粵語好常見。

 

多謝樓主大膽假設、認真求證。

肥腯腯

O(∩_∩)O谢谢，嘻嘻！！我又上咗一堂课。多谢楼主。

Jake_ct

多謝各位網友回復。

 

個「抌」字既然解「深擊」，我就知點解我好細個嗰陣畀長輩指責我「抌人地背枚」嘞！因為我試過用拳頭好大力咁猛擊落其他小朋友背脊！

 

外外星人講起「沊低（dam3 dai1）」，令我諗起「dan2 低」。

 

兩者讀音接近，但意思絕對唔同。外省人可能會比較容易攪錯。

 

按我嘅理解，前者有「拋棄，不負責任，棄之不顧」嘅意思喺裡頭。譬如，話「×××你英年早逝，狠心抌低老婆仔女不顧而去」。表面聽落係責怪，但往往係一啲長輩，淚流滿面咁喊著講出嚟，表示一種無奈、悲痛，與其話係責怪，毋寧說係一種對命運嘅喝斥。

 

后者，我個人理解為係一個將物件安置或固定喺某個位置嘅動作。查閱過「墩」同「躉」嘅解釋後，我認為呢個「dan2」字係名詞「墩」轉化而來嘅。