请教「炖冬菇」、「炒鱿鱼」的来历

samfan

经常听广东人说「炖冬菇」，意思跟「炒鱿鱼」大概是一样的吧，都是被解雇的意思。可不明白被解雇为什么被称为「炖冬菇」、「炒鱿鱼」的呢？当中有什么典故和来历吗？

唔三唔四蠢魚

非也非也，「炖冬菇」并非「解雇」，而係指「降职」或「不再重用」。
以前香港警察嘅军装警员所戴嘅帽係斗笠形嘅，类似当年清兵戴嘅，形状好似冬菇咁。可以参考成龙嘅《A计划》里面嘅警察着装。
香港嘅警察中，便衣警察比军装警察待遇好，福利高，兼且又易升职，所以从军装部门调到便衣部门就等同升职，相反，如果便衣因为犯错而调到军装，就等同降职，前途一片黑暗。「炖冬菇」就係警察部门对便衣转军装嘅暗语，后随警匪片而流行坊间。就好似周星驰嘅《逃学威龙2》咁，周星星畀人调去做交警，咁就叫「炖冬菇」。

紮那魯剛多

「炒魷魚」我就知，又可簡化成「炒魷」，因為廣州人中意吃一道名菜，叫「豉椒炒鮮魷」，眾所周知，魷魚一遇熱就會縮成一圈，好像一個包袱咁，所以以前啲老細要辭退員工，佢唔會做得咁明顯，都係會畀你吃返餐飯，而飯入邊偏偏有「豉椒炒鮮魷」呢道菜，久而久之，人哋要辭退員工就叫「炒魷魚」啦。