請教鄉巴佬的說法

huining

我睇電影《葉問》時未聽清楚，發音好似係「外疆佬」，唔知啱唔啱，重有勞各位高人指教，多謝！

唔三唔四蠢魚

「外江佬」啩。

普君南拆遷居民

舊時叫外省人係叫外江佬，叫得唔係咁客氣，即係相當於而家嘅撈佬。

 

《功夫》入面阿森哥都叫馮小剛做外江佬。

Jean

原帖由 唔三唔四蠢魚 於 2009-1-19 22:00 發表 「外江佬」啩。

《葉問》中口白係講「外江佬」，不過我覺得外江佬翻譯成「鄉巴佬」唔係幾妥當，個人覺得應該係「外省人」。

「外江佬」又稱「外江人」，呢處嘅「江」唔知係咪指「珠江」？

 

普君南拆遷居民

本省嘅鄉下人都可以稱外省嘅城市人做外江佬。所以外江佬絕對唔等於鄉巴佬。

紮那魯剛多

原帖由 Jean 於 2009-1-20 16:08 發表 《葉問》中口白係講「外江佬」，不過我覺得外江佬翻譯成「鄉巴佬」唔係幾妥當，個人覺得應該係「外省人」。「外江佬」又稱「外江人」，呢處嘅「江」唔知係咪指「珠江」？   ...

外江係指珠江，係廣州對外省人最早嘅稱呼

barryshawn

原帖由 普君南拆遷居民 於 2009-1-20 16:38 發表 本省嘅鄉下人都可以稱外省嘅城市人做外江佬。所以外江佬絕對唔等於鄉巴佬。

 

邵逸夫係外江佬，但佢來香港時香港人仲鄉下過佢。

顺德水蛇粥

贴主老兄，外江佬即系非珠江流域嘅非广府话人，泛指广东以外省份人士，广西操广府话区域除外。

唔三唔四蠢魚

广东话叫乡巴佬做「卜佬」，本字「菔」。典出《方言》：「南楚凡骂庸贱，谓之田伯，或谓之菔。」南楚即楚国之南，亦即係广东。

外外星人

叫鄉下人做卜佬，皆因佢哋要揸鋤頭卜地球。文革嗰陣嘅產物，古人有冇噉講法真係得個估字。