《葉問》觀感

UngooChan

　　琴晚，終於睇咗原聲版本嘅《葉問》。作為練習詠春之人，而且作為佛山人，咁遲先睇呢齣戲，真係有啲慚愧。由於之前聽到好多對呢部片嘅讚譽之聲，所以一開始就對佢期望好高，睇完之後並冇特別驚喜嘅感覺。冇驚喜並唔係話呢齣片唔好，而係所有本應令我驚喜嘅嘢經已一早預咗。

　　無可否認，《葉問》係一齣成功嘅電影，起碼係近幾年一部最出色嘅功夫電影之一，其中嘅武戲部分冇令我失望。接觸詠春僅僅數月嘅甄子丹，能夠將一代宗師嘅功力以及詠春嘅神髓淋灕盡致展現出嚟，一來得益於甄先生嘅武術根底以及非凡嘅領悟力，二來要歸功於對詠春甚為熟悉嘅武術指導洪金寶設計出最能表現詠春寸勁短打特色嘅動作。據說成齣電影總共有十二場打戲，場場精彩，各有特色。最美中不足嘅就係，最後對日本人嘅決鬥唔夠激烈，呈一面倒之勢，畀人高潮之處未能達到高潮嘅感覺。不過話時話，實際嘅詠春搏擊中，都係幾秒解決問題，並冇太多你來我往互有功防嘅花巧動作。

　　講到文戲，就有啲失望喇。失望並唔在於文戲太少抑或演員演技唔好（相反，甄子丹嘅演技大有進步，比我預期已經好咗好多），而係在於劇情嘅設計與現實差距太大，令熟悉葉問嘅人睇落覺得好唔慣。呢度略舉幾點，等其他人對真實嘅葉問都有多啲認識：
　　1、日本軍隊未進駐過佛山，只係從佛山汾江河以北經過，佛山當年有幸避過一劫據說係多得有佛保祐。但電影中講到日軍侵入佛山，連葉問嘅大屋都搶埋，同實情差距好大。
　　2、葉問同日本人根本冇過節，而且佢早年有去過日本留學，唔會唔識聽日文。
　　3、葉問根本冇同日本人打過擂臺，喺佛山時亦根本冇咁出名，佢只係私下收過幾個徒弟。
　　4、葉問去香港唔係因為日本人，而係。。。。。。佢赴港嘅時間係1949年。。。。。咩原因，相信唔使多講。
　　5、葉問只係一個愛好詠春嘅富家子弟，並冇咁多民族大義，佢將詠春發揚光大亦只係歷史嘅偶然。當然，詠春得以有今日確實係因為葉宗師。
　　6、葉問老婆邊有咁靚。呢樣係人都知，亦情有可原，為咗票房，當然係搵個養眼嘅花瓶做女主角好啲啦。
　　7、葉問嘅佛山口音好重，香港拍出嚟嘅電影，當然唔可能搵個又打得，又識講佛山話嘅演員。但，甄先生嘅懶音實在犀利咗少少，「恨運」、「緊係」……好難接受一個有懶音嘅葉問，不過講到身手，除咗甄子丹，都冇第個合適架喇。
　　8、武館街根本就唔存在，葉問只係詠春拳嘅高手，但喺佛山，其他拳術一樣高手如雲，劇中講到其他武館師父都好水皮，即使為咗襯托葉問高手都唔使噉啩？
　　9、其他人物，例如周清泉、李釗、武癡林等人，就更加係杜撰。

　　雖然如此，呢個編出嚟嘅故事都算有紋有路，只要忘記劇中主角叫葉問，呢齣戲絕對好睇過李連傑嘅《霍元甲》。

　　最後講多個笑話，據說一部介紹李小龍嘅英文紀錄片，經過福建某間音像公司繙譯成中文字幕之後，詠春（Wingchun）變成「翅膀春」，葉問（Yipman）就無端端變咗個鬼佬「依普曼」。真係阿問公都會畀呢班白癡仔激返醒。

 

本文版權屬於UngooChan，轉載務必註明出處

lhk

據聞有3個位刪剪改動，睇下呢度：
http://ent.sina.com.cn/m/c/2008-12-18/13102301594.shtml

有兩度係關於個北方大漢嘅，又係驚傷害「人民感情」

禾苗小昭

只不过电影一部遮，只为塑造任务形象，我谂无需挑剔太多。

Jean

作為練詠春嘅佛山人，對呢部電影自然至有發言權架喇

睇過呢部電影，都覺得係時下難得嘅武打佳作！甄子丹冇令人失望，甚至喺我睇完之後都有想練詠春嗰啲靚招嘅衝動，尤其係嗰一連串好有速度同力度嘅短打。幾COOL！

不過有個地方唔知係咪剪輯有問題，喺葉問同個外江佬比試嘅時候，外江佬用刀向左邊劈葉問，而葉問都係向同一方向避讓，結果都劈唔到，嗰個鏡頭重係放慢播添，畀人感覺好唔符合邏輯同視覺感。

UngooChan

北乜鬼方大漢，其實就係典型嘅香港仔樊少皇。

 

真正詠春係唔好睇嘅，可觀程度確實比唔上北派嘅武功，不過就係勝在實而不華。

Barbecue5354

葉問(1893年－1972年)，祖籍現佛山市南海區（前屬順德縣）羅村譚頭，世居佛山市（前鎮）。

目錄 [隱藏] 1 簡介 2 可信歷史 2.1 佛山－吳仲素詠春拳 2.2 不談出身，恐家眷受害 2.3 香港－梁贊詠春拳 3 成立詠春體育會 4 外部連線 5 參考資料

[編輯] 簡介

葉問，佛山南海人，世家子弟，著名武術家，梁贊之徒孫。1950年，於香港發揚詠春拳。著名傳人有梁相、駱耀、黃淳樑、徐尙田、招允、李振藩(李小龍)、盧文錦、蕭煜民、梅逸、梁挺等，他們都遵照其遺志, 把詠春拳發展至世界各個角落。故葉師逝世後，被譽為一代宗師。

佛山是廣東著名古鎮，位於珠三角，為水陸交通要塞，居民生活富裕，工商業發達，對文化藝術也有需求，人們閒來學習武術，尚武成風，南派武術大師如梁贊、陳華順、都出自佛山。

[編輯] 可信歷史

葉問一名繼問，生於桑園大街葉家莊。庄內有十多條巷，有廿多間大屋。內有芸草書塾，葉問在此啟蒙開學。左邊大祠堂，租與陳華順。所以在11歲(1904年)那年，得以跟隨名師陳華順習武並得到二師兄吳仲素指導，從此對功夫極度熱愛。可惜陳華順兩年後中風，返回鄉間休養。二師兄吳仲素遷到普君墟綫香街設館，葉得隨師兄學習。

葉問有姐嫁與香港商人，當時因為政局不穩定，其父將16歲(1909年)的葉問送到香港聖士提反讀書，在港期間巧遇師公梁贊之子梁璧（其師伯），盡得其傳。

廿餘歲(1917?}，曾到日本欲求深造未果，等待到民初政局穩定後返回佛山。

先任職佛山偵緝大隊書記，從隨伍蕃任廣州防務稽查長。

因衣食無憂及對詠春極富熱忱，閒來與二師兄吳仲素及幾位同好互相研習，亦師亦友。葉問當時已經名聞佛山。

[編輯] 佛山－吳仲素詠春拳

對日抗戰初期，葉留在佛山做抗敵工作。1938年，日本軍隊佔領佛山，奪取了桑園葉家莊作為司令部。因為不滿與偽敵政權的關係，葉家生活十分艱難，葉於1941—1943年間在晚間借得佛山富商周雨耕與周清泉父子在永安路的「聯倡」花紗店，傳授友人和下屬詠春拳。其間，在對面糖麵店工作的郭富經過大半年的要求，葉問也終於接受他來學習。傳授了兩年多時間。其徒還有周雨耕的孫子周光裕、人稱六仔、外甥倫佳，以及郭富等第一批徒兒。葉問是年輕人，在傳授朋友及下屬詠春拳的時候，不喜歡人們叫他師父，所以徒弟們都稱他為「問叔」。抗戰後期，隨著「聯倡」的結業，葉便遷到郭富鄉間居住。

當時在佛山所授的詠春拳，從小念頭開始，黐手，散式，及樁拳，即陳華順式詠春拳（吳仲素所傳）。

戰後國民黨時期返回佛山任警察局刑警隊隊長，升督察長、代理局長，最後于1949年出任廣州市衛戌司令部南區巡邏隊上校隊長。

[編輯] 不談出身，恐家眷受害

1949年共產黨執掌政權後，因害怕被清查及連累家眷，留下妻子及四名年幼兒女，乘夜隻身逃往香港，是年五十六歲。其生前從來不說戰前的事業，甚至連兒女都不知道。1976年，改革開放之後，其好友李民在報紙上才提及了他的出身。

[編輯] 香港－梁贊詠春拳

來港之初，得在報館工作的好友李民(天培)介紹，先安頓在深水埗大南街之港九飯店職工總會。不料自此將詠春拳發揚光大。早期先後在海壇街和油麻地利達街授徒。這時所傳的詠春拳是有系統的，合符科學解釋的所謂梁贊式（梁壁所傳）。梁壁兩兄弟自小被迫學父親拳術，本身對拳術發展並無興趣，未有學習其他拳術，純粹是父親由易至繁所授的系統，集合順序編排成現有系統。葉問亦未有習其他派別功夫，亦聲明不會改變傳統拳套。

後在港娶得一名來自上海的女子為妾，生了一名兒子葉少華。兩名正室兒子於1962年到港，晚間居於父親教拳處，日間出外工作。當時相處並不和睦。葉問長子葉準，生於1924年農曆月二十五日。一九七二年，父親逝後，始教功夫。

[編輯] 成立詠春體育會

葉問宗師晚年，最大心願便是集合同門組織成立一個聯會，發揚『詠春拳』。六十年代末，於彌敦道成立詠春體育會（現為詠春梁挺拳術館），後遷往自置會址旺角水渠道；1974年正式註冊成立。葉問先生晚年最後所收之弟子（徒孫）梁挺於七八十年代間，將其發展至歐美各國，成為世界知名拳術。

Barbecue5354

維基錯??

Barbecue5354

齣戲真係同實情爭好遠噃,明明係因為CCP先走佬去HK,就入蘿蔔頭數....

阿葉準咁都無意見??

普君南拆遷居民

葉問，一代詠春宗師，偶今天抱著港臺招牌動作片和甄子丹粉絲的心態興沖沖的看，卻一邊看一邊罵.....

 

1：丑陋的民族大義

 

又是宣揚老掉牙的民族大義，又是把日本人寫成招牌式的狂暴，暴力，血腥的老掉牙形象。到底現在中國能有幾出片子能夠帶點新意帶點亮點？日本人從當初對侵華戰爭宣傳為解放中國，幫助中國人的正義戰爭的意識形態，也開始在90年代初逐漸有所轉變，有所思考，有所領悟，現在日本人對那段歷史，起碼在在宣傳上也能夠承認那是給亞洲人民帶來無盡痛苦和悲劇的不正義的戰爭。反觀大陸中國，卻仍然死守著這個所謂的底線，日本人殘暴毫無人性不折手段，幾十年仍然如是。

 

2：日本人不配學中國功夫？永遠不明白武術內涵的真理？

 

在最后一幕，甄子丹最后出戰日本將軍之前的一段獨白，大義是中國武術內涵儒家思想，日本的暴力將永遠不明白武術的武德？日本人不配學中國武術，甚至泛開去日本人不配中國文化？真是天大笑話，日本的武士道精神是什么？日本的空手道，相撲的內涵又是什么？現在哪個國家可以保存最正宗最正統的中國文化--不在中國，卻是日本，日本的茶道，日本劍道，有哪點不配學中國武術？有哪些地方是拙劣而缺乏武德和狹義？？

 

 

 3：池田博之扮演一個被中國英雄糟蹋的日本人。換成弘揚日本英雄打死中國人，這個「中國人」的角色有中國人敢演嗎？

 

一個弘揚中國英雄，踩低日本人（在日本人的角度）的影片，而出演這個被中國英雄「糟蹋」的日本將軍是日本小有名氣，曾經出演過GTO麻辣教師的日本影星池田博之出演。日本人的胸親可想而知。假設，如果一出日本影片，是弘揚日本英雄，踩低中國人，而且最后日本英雄拳打腳踢打死中國人。這個中國人的角色有中國影星膽敢出演嗎？就算敢，中國大陸各方糞青會放過這個中國「漢奸」嗎？一個章子怡當初出演日本藝伎已經召來無數中國糞青怒罵，可想而知池田博之這個角色如果是一個中國人去演，下場不敢設想。

 

（轉載自人網）http://www.hkreporter.com/talks/thread-722005-1-2.html

Jean

原帖由 普君南拆遷居民 於 2009-1-20 11:17 發表 葉問，一代詠春宗師，偶今天抱著港臺招牌動作片和甄子丹粉絲的心態興沖沖的看，卻一邊看一邊罵.....   1：丑陋的民族大義   又是宣揚老掉牙的民族大義，又是把日本人寫成招牌式的狂暴，暴力，血腥的老掉牙形象。到底現 ...

撇開民族精神唔講，我至佩服日本人嘅就係佢哋甘於忍辱負重，呢一點可能同日本傳統嘅「忍者」武士精神有關。而中國人就易躁，下下都要嗌得成個地球都知。其實呢啲道理，係人都知，之不過係知道又點啫，除咗有聲冇聲嗌幾聲作為發洩之外，重可以做啲乜？

講真，電影係種藝術，唔一定要下下都拍成紀錄片噉，而「霍元甲」、「陳真」、「黃飛鴻」、「李小龍」呢啲人物，而家再加多個「葉問」，之所以會畀諸多中國人鍾愛，全賴佢哋嘅民族英雄形象畀上下兩個層次嘅人所認同，可以達到一種官民共鳴（好難得嘅交集），完全滿足咗佢哋嘅民族義憤。呢啲嘢又係好自然，乜嘢都係由「娃娃抓起」，中國人多數唔係親身經歷過戰爭年代，就係自細接受咗噉嘅國民教育，就好似細個時人哋成日用狼啊虎啊嚟嚇你，即使你從未見過狼虎，聽到呢啲動物，就好自然會有恐懼感嘅。

cantoncar

http://www.fotoe.com/sub/100266/2 1938年11月，日軍攻佔佛山

Jake_ct

我睇《叶问》嘅感覺：

 

1. 戲院裡面嘅外省人居然都睇，我好好笑，心諗：點解你地唔去睇國語版？

 

2. 戲院裡面嘅外省人真係好嘈，一家大細，啲細路又嗌又叫，啲阿媽居然由得佢，重一齊好大聲咁講嘢。部分外省人嘅修養真係要好好提高。

 

3. 裡面嘅群眾演員好多一睇就知係外省人，我并非歧視佢地，但係劇中講嘅地方係喺佛山，拍到咁明顯，好多一睇個樣都知係外省人嚟嘅，咁就太過假嘞。

 

4. 自由同實力係一體兩面嘅。睇下外江佬點樣喺啲佛山人面前趾高氣揚，受到教訓後死死地氣咁且就知。

 

5. 唔使阿爺吹雞，市場影響之下，香港電影就喺意識形態方面自動向大陸靠攏，幾咁可悲。香港深圳化睇嚟祇係時間問題。