當碩士變成民工

gboss

　　如果有睇過《廣日》今年1月11日嘅「考研人潮堪比春运」呢篇報道，我諗都唔難理解我嘅文章題目想提出嘅問題。對于如此波瀾壯闊嘅场面，真係要概嘆自己少讀書，未見識過大蛇屙屎……

　　當然，唔使我講，呢位記者朋友都已經展現出足夠嘅創意，將民工回鄉潮類比大學生考研潮。但問題始終係解決唔到個噃，冇人去創業，職位就係咁多，冇經驗嘅話，讀到「聖鬥士」都唔會請你咖啦！雖然我係潑冷水，但我一方面，我係講事實；另一方面，大家都見到學期一結束，少年宮就逼滿幫仔女報名讀興趣班嘅家長，細路尚且生活得咁壓抑，何況你啲大齡青年？

　　倘若要講啲諸如「研究生第日都要掃街」噉嘅話就無謂嘞，呢啲都係留畀廣大讀者去思考，我衹係拋磚引玉。但當今做過老世或者重做緊老世嘅人都會發現，請個民工返嚟任勞任怨，請個碩士生就諸多Gie趷，嫌錢少又唔肯做粗重嘢，鬧兩句就跳槽云云。噉久而久之，有啲高學歷嘅人，學歷反而成為佢搵工嘅障礙。

　　雖然并非所有高學歷嘅人都如是，但你要講贏我係冇用嘅，最緊要係改變嗰啲老世對你嘅認識。我發現噉係有啲難度，因為做得老世都係以自我為中心嘅人，好難聽得入人哋講嘢。其實講到底，無論你學歷幾高，無非都係求一份收入穩定嘅職業啫，因此喺老世眼中，呢啲人嘅本質，同民工係冇乜區別嘅。而且你諗下，中國最唔缺乜嘢？



PS：最近聽聞有個新名詞，叫「海帶干」，係話嗰啲待業在家嘅「海歸派」，話說點解呢啲人要「海歸」呢？據我一位朋友所講：外國雖然人少，但職位都唔多，反而中國大陸人夠多，相對職位反而多啲，而且返嚟重有得競爭下。哦！我恍然大悟，又係「圍城」。

[ 本帖最後由 gboss 於 2009-1-13 12:02 編輯 ]

Jean

原帖由 gboss 於 2009-1-13 11:51 發表 8428　　如果有睇過《廣日》今年1月11日嘅「考研人潮堪比春运」呢篇報道，我諗都唔難理解我嘅文章題目想提出嘅問題。對于如此波瀾壯闊嘅场面，真係要概嘆自己少讀書，未見識過大蛇屙屎……　　當然，唔使我講，呢位記者朋友都 ...

講真，呢個社會又真係幾畸形~不過作為沙塵百姓，唯有畀迫住一齊畸。不過，呢啲壓力都係無形嘅，唔使用支槍指住你個腦。。。所以你話，呢啲決定係自願定係被迫嘅呢？我估無人識分喇~~~唉。

gboss

原帖由 Jean 於 2009-1-13 12:34 發表 講真，呢個社會又真係幾畸形~不過作為沙塵百姓，唯有畀迫住一齊畸。不過，呢啲壓力都係無形嘅，唔使用支槍指住你個腦。。。所以你話，呢啲決定係自願定係被迫嘅呢？我估無人識分喇~~~唉。 ...

五十五十啦 ，順便打個電話問現場觀眾，到底咩搞到個網咁慢，我想改個「概」字都等咗10分鐘，最屘都改唔到？

普君南拆遷居民

魔頭當年鼓吹人多好辦事，猛叫人生仔。結果搞到而家人滿為患，人重賤過蟻，話之你碩士博士，冇人帶協就等住食屎。

gboss

原帖由 普君南拆遷居民 於 2009-1-18 15:36 發表 魔頭當年鼓吹人多好辦事，猛叫人生仔。結果搞到而家人滿為患，人重賤過蟻，話之你碩士博士，冇人帶協就等住食屎。

歌仔都有得唱：沒有orz就沒有新囧國，沒有新囧國就沒有忄生生活……領導叫生，就搏命生；叫你咪生，一樣搏命生。

Jean

原帖由 gboss 於 2009-1-20 14:20 發表 歌仔都有得唱：沒有orz就沒有新囧國，沒有新囧國就沒有忄生生活……領導叫生，就搏命生；叫你咪生，一樣搏命生。

畀我唱，就係「沒有窮癱檔就沒有新冬瓜」。。。