寻找雅言之 齐齐整整！

黄百万

齐齐整整 读音应为（zi1 zi1 zing2 zing2）

 

估计系因为 翘首弄姿 导致用咗别字（姿姿整整）

 

而 齐 发 zi1 音的一个例证：五服制度的 齐衰（齐缞）发音（姿崔）。

 

大家话人 ：乜你咁鬼「姿整」咖。嘅时候，记得个字系 齐整

Lucciora

經常一用返正字就會引起歧義

僆仔

姿整与 齐整 係二码事

普君南拆遷居民

zi1整個zi1，同知zi1微mei1 個知，意思有啲近磅。

黄百万

原帖由 僆仔 於 2009-1-17 11:35 發表 姿整与 齐整 係二码事

朋友，唔系执你字虱。系「两码事」

唔三唔四蠢魚

读书不可一知半解。
「齐」读「姿」音时并唔係「齐整」嘅意思，而係「纃」字。
「齐衰（纃縗）」嘅「齐（纃）」读「姿」音，但其意思係指「衣下缉」，即衣服嘅布边係用针线缉好咗嘅，亦即係广东话所讲嘅「鈒骨」，「齐衰（纃縗）」就係布边用针线鈒咗骨嘅麻布衣，而唔鈒骨嘅麻布衣就叫「斩衰（斩縗）」，其布边就係切口，唔用任何针线缉边。
广东人所用嘅「鈒骨」嘅「鈒」（音「集」）字，其本字反而可能就係读「姿」音嘅「齐（纃）」字，因为「鈒」嘅意思同「齐（纃）」字完全一样，而且「鈒」所用嘅音旁「及」，其普通话读音同「姿」亦极为相近。

黄百万

原帖由 唔三唔四蠢魚 於 2009-1-20 09:29 發表 读书不可一知半解。「齐」读「姿」音时并唔係「齐整」嘅意思，而係「纃」字。「齐衰（纃縗）」嘅「齐（纃）」读「姿」音，但其意思係指「衣下缉」，即衣服嘅布边係用针线缉好咗嘅，亦即係广东话所讲嘅「鈒骨」，「齐衰（纃縗）」就係布边用 ...

老友，你呢個「纃」字係咩年代先有嘎？

唔三唔四蠢魚

「纃」係后起字，其目的就係要将「衣下缉」嘅「齐」同「齐整」嘅「齐」进行分离。
因为「齐」字原来的意思太复杂，在表达不同意思又有不同读音，为咗更加明瞭清楚，所以后人陆续创造出「剂」、「脐」、「斋」、「齏」、「纃」、「跻」等一系列字，分别对应「齐」字意思嘅一部分。
所以你应该明白自己将「姿」音嘅「齐」当成「齐整」嘅「齐」係几无知。

黄百万

原帖由 唔三唔四蠢魚 於 2009-1-20 23:52 發表 「纃」係后起字，其目的就係要将「衣下缉」嘅「齐」同「齐整」嘅「齐」进行分离。因为「齐」字原来的意思太复杂，在表达不同意思又有不同读音，为咗更加明瞭清楚，所以后人陆续创造出「剂」、「脐」、「斋」、「齏」、「纃」 ...

咁 「齐」 事实有 「zi 」呢个音吖，咁「齐整」 又点解唔可以读 「zi整」 呢？

齐整

qí zhěnɡ

齐整（齊整）

---

 

【zdic.net 漢 典 网】

◎ 齐整 qízhěng

(1) [in good order]∶整齐

队列齐整

(2) [(woman) sedate;dignified]∶指妇女姿容端庄

(3) [rectify]∶整顿;整饬

◎ 整齐 zhěngqí

(1) [tidy;neat]∶有秩序;不乱

将他的住处收拾整齐

其次整齐之。——《史记·货殖列传》

(2) [put in order]∶使整齐

整齐步伐

(3) [even;regular]∶大小长短差不多

出苗整齐

(4) [integral]∶合乎一定的形式;完整

座座房屋都很整齐

(5) [reorganize]∶整顿

整齐风俗

你唔好主观武断，去翻下资料再讲。

[ 本帖最後由 Lucciora 於 2009-1-21 08:40 編輯 ]

唔三唔四蠢魚

原帖由 黄百万 於 2009-1-21 00:40 發表 咁 「齐」 事实有 「zi 」呢个音吖，咁「齐整」 又点解唔可以读 「zi整」 呢？ 你唔好主观武断，去翻下资料再讲。

你识拼音个嗬？咁唔该你自己睇下你自己资料上面嘅注音先啦！

「齐」有「姿」音，但唔等于「齐整」呢个词亦有「姿」音，
「齐」读「姿」音时，其意思有三，一係「纃」（衣下缉）；二係「粢」（粢饭）；三係「资」（资助）。

呢个就同「银行」嘅「行」字，绝对唔会读成「品行」嘅「行」字一样，如果你硬係话「行」有「杏」音，「银行」一定要读「银杏」嘅话，咁我唯有去揾樖银杏树来种下，然后话俾全世界听，我屋企开「银行」啦！
——唔係，係「种」银行先啱！记住，要读「总」银行，问你怕未！