|
自从３年前认识咗「网格运算」呢样先进科技，我就周不时都会向人推介呢项自己出少少力，但贡献良多嘅计划。
「金融海啸」之后，估计「粮食危机」同埋「能源危机」嘅爆发都系迟早嘅事！点样先可以将呢两个危机对我哋嘅影响减到最低呢？由于「能源危机」暂时只能够喺呼吁大家注重环保、注意节约能源等方面出力，于是我就将注意力转到关注「粮食危机」上面。
「网格运算」最近喺完成咗对抗爱滋病、「人类蛋白质组折叠」项目第二阶段、发现治疗登革热嘅药物、征服癌症等运算项目之后，又进行紧新项目——全球营养水稻。
虽然呢个项目有可能同基因改造有关，但系毕竟佢主要都系为咗解决贫穷、饥饿同埋营养不良，所以我都觉得应该向各位推荐一下！
其实参与「网格运算」嘅方法好简单，只要去相应嘅网站（ＷｏｒｌｄＣｏｍｍｕｎｉｔｙＧｒｉｄ）下载一个唔够１０Ｍ嘅程序落嚟安装，然之后将你个「屏幕保护程序」设置成为呢个「网格运算」专用嘅程序，噉佢就会喺后台静静噉运算，唔会阻碍你一般嘅正常工作！
我１１月创建咗一个名为「开心果」嘅团队，当你加入咗「世界共同体网格组织」，成为佢哋嘅一员之后，请你搜索一下加入我哋嘅队伍——「开心果」！
「开心果」嘅口号同宗旨就系：开心其实好简单，肚屙唔使揾屎坑。快乐查实亦唔难，喫饱毋须啃净饭。目前「开心果」嘅ＢＯＩＮＣ团队标识为21289，欢迎及期待你哋嘅加入！
最后预祝加入「开心果」嘅朋友要风／峰得风／峰，要雨／乳得雨／乳，想点就点！
| 
發表於 2009-1-1 22:09:16
發表於 2009-3-15 23:00:52
