『胚』究竟点读？

有疑问

粤语审音配词字库话读pui1，得一个音。

1983年版《广州音字典》话读pei1，得一个音。（新版我就唔知）

有疑问

如下图

有疑问

如下图

有疑问

如下图

melop

韻書音係 pui1。我老竇老母都讀 pui1 (有時又讀bui1)。我哋呢脫人受普通話影響，好多時都讀 pei1。
廣州音字典係按照語音調查嘅結果編寫嘅，記pei1; 廣州話正音字典則係傾向於傳統音，所以記 pui1音。

朱利安

原帖由 melop 於 2008-12-29 20:53 發表

韻書音係 pui1。我老竇老母都讀 pui1 (有時又讀bui1)。我哋呢脫人受普通話影響，好多時都讀 pei1。
廣州音字典係按照語音調查嘅結果編寫嘅，記pei1; 廣州話正音字典則係傾向於傳統音，所以記 pui1音。

 

胚字读pei1音完全唔关普通话影响嘅事

根据康熙字典嘅解释

胚字【正韵】铺杯切，音坯

而坯字【集韵】攀悲切，音丕

而丕字【正韵】铺悲切，音胚

亦即系胚字同丕字同音，同系发pei1音

 

当然胚字亦可以发pui1音

因此胚字发pui1音和pei1音都系对嘅

 

 

 

[ 本帖最後由 神七咁早 於 2008-12-30 16:14 編輯 ]

的士佬

原帖由 神七咁早 於 2008-12-30 16:11 發表   胚字读pei1音完全唔关普通话影响嘅事 根据康熙字典嘅解释胚字【正韵】铺杯切，音坯 而坯字【集韵】攀悲切，音丕 而丕字【正韵】铺悲切，音胚 亦即系胚字同丕字同音，同系发pei1音   当然胚字亦可以发pui1音 因 ...

你咁講又會有盲毛話你孭住本字典做人架喇.

melop

原帖由 神七咁早 於 2008-12-30 16:11 發表   胚字读pei1音完全唔关普通话影响嘅事 根据康熙字典嘅解释胚字【正韵】铺杯切，音坯 而坯字【集韵】攀悲切，音丕 而丕字【正韵】铺悲切，音胚 亦即系胚字同丕字同音，同系发pei1音   当然胚字亦可以发pui1音 因 ...

朱兄又有發現啦。。。
敷悲切構擬成phˠiɪ，芳杯切構擬成 phuʌi。用直音字「坯」來注音係出現喺《正韻》，經已係明朝嘅韻書，同集韻嘅成書年代宋朝已經差咗三百幾年。唔知集韻有無話胚係攀悲切呢？
而且正韻中：
胚字【正韵】铺杯切 ; 杯【正韻】晡回切，背平聲。

講明胚字就算係喺正韻年代都依然有介音，又或者喺正韻年代「杯」，「背」等字都已經完全失去介音，同「悲」韻相混。呢個變化正正反映喺官話裡面。所以粵語讀胚如 pei 好可能係受官話影響。至於係唔係現代嘅官話，定係舊時嘅官話就唔知囉。

坏  

【丑集中】【土字部】 坏
【廣韻】芳杯切【集韻】【韻會】鋪枚切【正韻】鋪杯切，音胚。

肧  

【未集下】【肉字部】 肧
廣韻】芳杯切【韻會】鋪枚切【正韻】鋪杯切，音坯。又【廣韻】匹尤切【集韻】披尤切，音䬌。

胚  

【未集下】【肉字部】 胚
【集韻】鋪枚切，音坯。婦孕一月也，或从女作㚰。又【玉篇】匹尤切，音䬌。義同。【說文】本从不作肧。

朱利安

原帖由 melop 於 2008-12-30 20:09 發表

用直音字「坯」來注音係出現喺《正韻》，經已係明朝嘅韻書，同集韻嘅成書年代宋朝已經差咗三百幾年。唔知集韻有無話胚係攀悲切呢？
講明胚字就算係喺正韻年代都依然有介音，又或者喺正韻年代「杯」，「背」等字都已經完全失去介音，同「悲」韻相混。呢個變化正正反映喺官話裡面。所以粵語讀胚如 pei 好可能係受官話影響。至於係唔係現代嘅官話，定係舊時嘅官話就唔知囉。

 

集韻中嘅「胚」字就已经系用「坯」字来注音嘎啦

 

「胚」字【集韻】鋪枚切，音坯

 

「坯」字【集韻】攀悲切，音丕

「丕」字【集韻】攀悲切

 

由此可知 ，系集韻时代亦即系宋朝时，「胚」「坯」「丕」三字系同发pei1音嘅

 

好明显系宋朝时，「枚」「杯」「悲」「眉」等字嘅韵母就已经系互相混用嘎啦

 

因此，粤语「胚」字发pei1音又点会系受现代官话嘅影响嘎呢

 

 

 

[ 本帖最後由 神七咁早 於 2008-12-31 14:05 編輯 ]

melop

原帖由 神七咁早 於 2008-12-31 12:39 發表   集韻中嘅「胚」字就已经系用「坯」字来注音嘎啦   「胚」字【集韻】鋪枚切，音坯   「坯」字【集韻】攀悲切，音丕 「丕」字【集韻】攀悲切   由此可知 ，系集韻时代亦即系宋朝时，「胚」「坯」 ...

朱兄真係明察秋豪嘞
噉話唔埋粵語唔係宋代音呢。。。又話唔埋人地宋代個坯係多音字呢 ，唔知點解係要寫將胚寫鋪枚切，唔寫攀悲切呢

現代官話又係讀 pei，古代又係 pei，鬼知幾時傳來咩，係現代傳來都話唔埋
[ 本帖最後由 melop 於 2008-12-31 16:52 編輯 ]

朱利安

原帖由 melop 於 2008-12-31 16:50 發表

噉話唔埋粵語唔係宋代音呢。。。又話唔埋人地宋代個坯係多音字呢 ，唔知點解係要寫將胚寫鋪枚切，唔寫攀悲切呢

現代官話又係讀 pei，古代又係 pei，鬼知幾時傳來咩，係現代傳來都話唔埋

 

我无话过粤语一定系宋代音嚄

 

集韵作为宋代嘅官方韵书，只将「坯」字标注为攀悲切和貧悲切

 

「坯」字无论系攀悲切抑或系貧悲切，其韵母均为「悲」字嘅韵母

 

集韵系同一本韵书内，只将「坯」字嘅韵母标注为「悲」字嘅韵母

 

同时又将「胚」字标注为鋪枚切，音坯

 

这一证据链只能得出一个结论：即系宋代时，「枚」「悲」二字嘅韵母就已经互相混用

 

咁已经解释咗你所讲嘅「胚」字为何标注鋪枚切，而唔标注攀悲切啦

 

皆因系宋代时，「枚」「悲」二字嘅韵母就已经系互相混用嘎啦

 

至于你话乜「胚」字宋时读pei音，今时又读pei音，话唔埋系现代先传入嚟

 

你此言则差矣，集韵作为宋代官方韵书，成书后必定全国颁布，南粤又岂能例外呢

 

科举应试考官举子均须共同遵守官韵，粤人并非化外之民，又如何能不受其影响呢

 

因此，若要话粤语「胚」字读pei1音系受官话影响嘎话，则远至宋代就已经影响咗嘞

 

 

 

[ 本帖最後由 神七咁早 於 2009-1-1 11:06 編輯 ]

Jesus_

原帖由 神七咁早 於 2009-1-1 10:06 發表   我无话过粤语一定系宋代音嚄   集韵作为宋代嘅官方韵书，只将「坯」字标注为攀悲切和貧悲切   「坯」字无论系攀悲切抑或系貧悲切，其韵母均为「悲」字嘅韵母ei音   集韵系同一本韵书内，只将「坯」 ...

朱生果然係有料之人.

melop

原帖由 朱利安 於 2009-1-1 10:06 發表   我无话过粤语一定系宋代音嚄   集韵作为宋代嘅官方韵书，只将「坯」字标注为攀悲切和貧悲切   「坯」字无论系攀悲切抑或系貧悲切，其韵母均为「悲」字嘅韵母   集韵系同一本韵书内，只将「坯」字嘅 ...

唔一定，有可能坯喺宋代就可以兩讀：ui ei  韻皆可。況且考查粵語嘅 pei 音，重要睇粵語嘅文獻

melop

原帖由 Jesus_ 於 2009-1-1 10:21 發表 朱生果然係有料之人.

朱利安

原帖由 melop 於 2009-1-1 22:48 發表

唔一定，有可能坯喺宋代就可以兩讀：ui ei  韻皆可。況且考查粵語嘅 pei 音，重要睇粵語嘅文獻

 

都已经证明咗系宋代时，「枚」「悲」二字嘅韵母就已经系互相混用嘎啦

 

而且我系6楼就已经讲咗「胚」字发pui1音和pei1音都系对嘅啦

 

至于你话粤语文献嚄，楼主已经系1楼列咗出嚟啦，咪就系1983年版嘅《广州音字典》啰

 

既有宋代嘅官方韵书证明「胚」字可发pei1音，又有现代嘅《广州音字典》证明「胚」字可发pei1音

 

更有为数不少嘅粤人现在仍然将「胚」字发pei1音，咁就足以证明咗粤语「胚」字发pei1音系对嘅啦

 

 

 

[ 本帖最後由 辰七咁早 於 2009-1-1 23:40 編輯 ]