流行的粵語來源

desmond

流行的粵語來源 “ 單料同煲”——一滾九熟。形容女人濫交。一和陌生人說上幾句就非常熟了。貶義。單料的銅煲導熱性能強。 巴閉 巴閉”來自廣州話，好耐好耐以前系學習自印度話，漢朝嘅時候廣洲已經同東南亞及中東等國家人民做生意，啲印度商人好鬼嘈，成日叫： “bapre,bapre！”，呢句嘅意思系“我的天呀！”，於是廣州人就學　地啖講，講下講下就變成今日嘅“巴閉”喇！ “混吉 ”嘅由來——原來系因為以前嘅小型飯店，只要你去幫襯就會免費奉送一碗清湯，飯店每日所售嘅雞鴨鵝豬牛肉，都系用呢一鍋水整熟既，所以湯入面有肉味，然後落一堆味精，就系一碗清湯啦！因為系清湯，所以入面乜料都　，即系空空如也，香港人覺得“空”等於“凶”，所以就改成“吉”，所以碗湯就叫做“吉水”。當時，有好多窮人，入到飯店，一坐低，夥記就摞一碗“吉水”嚟，啲窮人一口氣飲完，靜雞雞就走咗去，因為呢碗湯系免費，所以飯店唔可以捉　，所以夥記就叫呢種混騙嘅行為叫做“混吉”！ “杯葛 ”嘅由來——其實，“杯葛”是英文boycott的譯音，意思即系“反抗和抵制”，唔講你唔知，此boycott原來系一個人名，　全名叫做charles cunningham boycott，生於1832年，死於1897年，系北愛爾蘭一個惡漢，專替貴族大地主等收租，手段凶殘，專逼害那些窮困的佃戶，一遇到　錢交租嘅，就會諸多逼害。於是，呢班佃戶一呼百應，聯合起來對付逼害者。杯葛打唔過　地，惟有落荒而逃，自始面目無光，備受困擾痛苦而死。愛爾蘭佃戶今次打勝仗，轟動一時，影響很大。此後但凡抵制或斷絕關系，成為政治經濟斗爭手段，就以此位愛爾蘭收租佬的姓氏命名，叫做“杯葛”也。 “ 大耳窿”嘅由來——原來開阜初，香港洋人印（度）人大集會，而放貴利嘅多數系“白頭摩棉”，呢啲“摩棉差”戴白頭巾，所以人人都叫　地做“白頭摩棉”。白頭摩羅扮相古怪，愛戴一隻大如銅元的耳環，所以耳朵要穿個耳洞，港人覺得可憎，稱　哋為“大耳窿”。不過，另有一說，當時放貴利，都系放小額款項如三幾毫紙畀勞苦大眾，為使人哋知到　哋有錢借，就將一個銀元塞喺耳仔嘅耳窿，作為記號，令人認得。 “ 一蚊雞”嘅由來——原來我地所講嘅“一蚊雞” 系與塘西風月扯上關系；話說去塘西召妓，初步手續先寫一張“花紙”，而格式亦有一定，先寫自己名號（以幾多自稱），中間寫妓女名字，最後一行寫妓院名稱。寫好之後，便交由酒樓雜役帶去妓院，那些阿姑接到“花紙”，便應召“出局”。妓女每次局票收一元，而省港人士向來稱妓女為“雞”，既然一元召得一“雞”，後來就索性稱一元做“一蚊雞”。順帶一提，這一元只是陪酒談笑而已，屬“體面上”的手續，如果飲客要有更進一步的行動，還要花很多很多錢，這“一蚊雞”只系美夢嘅開始！ “ 十三點”嘅由來——“十三點”是上海市井俚語，因為解放之後大量上海人南移，才變成趣怪廣州話。“十三點”初時意謂“敲亂鍾”，原來舊時的時鐘，每逢一小時便報時一次，例如下午四時，鐘擺便會敲響四下，五點敲五下，至多系十二點，也不過敲十二下，但居然敲出十三響，唔通有十三點不咩？當然系出咗問題，正如俗語所講癲癲地！所以，《十三點》就系代表人既性格《癲癲地》。 “ 丫嗚”嘅由來—— 有好長一段時間，廣東人已遺忘“丫嗚”這俗語，不過，大約是一九八五年林子祥所唱的《丫嗚婆》，重新使“丫嗚”流行了一陣子。“丫嗚婆”，丑怪女人，因為 “丫嗚”本身已經系怪物，而“丫嗚婆”當然系好極有限。其實，以前有個漢朝大將軍叫做劉胡，因為皮膚坳黑，所以叫呢個將軍做“坳胡”。蠻人非常害怕大將軍之武功，每遇小兒扭計哭啼，就索性拿這個惡人來嚇孩子們：“劉胡來啦！”“坳胡來啦！”“丫胡婆來啦！”...“丫胡公來啦！”由此可見，“丫嗚”不算系甚麼怪物，只是個貌丑的黑炭頭將軍，後來才渲染成為鬼怪！ “ 捉黃腳雞”嘅由來——原來呢個搞笑俗語系出自廣東的農村，農民養雞，專養雌雞而唔中意養雄雞，因為雌雞可以生雞蛋，所以價錢不錯。所以如果要拜神，當然先□雄雞黎拜，點捉雄雞？農民先將谷撒在門外，群雞就會“雞　腳”嚟食谷，當班雌雞食緊谷嘅時候，班雄雞就“色心起”！懶得去食谷，一撲就撲上雌雞背上，交配......呢個時候，正系捉雄雞的最好時候，那色鬼當時並　防範，農民捉住它的雞腳，　就得啦！雄雞的雙腳呈深蛋黃色，而雌雞就系淺黃色，所以很容易辨認！“捉黃腳雞”一詞就系　樣來的，而且真系十分傳神！ “ 朱義盛”嘅由來——“朱義盛”系“假嘢”　解。一八二四年佛山，該處有個叫朱義盛的人在“筷子路”開設“朱義盛號”店鋪，他發明用紫銅渡金，制成金飾，工藝很好，同真野差唔多，買唔起真金的人，就來幫襯朱義盛了，因此“朱義盛”就成為“假野”的代名詞。後來呢位朱義盛在廣州開店，當時好多鄉下佬，落到廣洲亂　洗錢，當錢用曬先記得要買金飾俾老婆，最後就去幫櫬“朱義盛號”，居然可以瞞天過海，所以生意十分好，分店開了十多家，當時員工竟有九千人之多！因此“朱義盛”就漸漸變成“假野”的代名詞。 “ 放飛機”嘅由來——何為放飛機呢？話說舊香港。有一日，就要上演飛機飛行。系香港有史以來第一次有飛機睇！仲要系部水上飛機添！全香港萬眾期待：有人要放飛機睇啊！第一日到來，因為打風，　得開，眾人失望而歸；第二日，天朗氣清，各人以為有嘢睇，點知個飛機師病咗，要推到第三日。而第三日呢，到部機個引擎出事，修理唔到。跟住就——bye bye喇！所以啲人就用放飛機嚟形容講咗 去做，又唔做嘅人嘅行為嘞！

wai

啲典故幾有意思喎~~~

豬豬奶茶

有意思有意思 em2:

highyun

咁似喺我个ungoo网站转返嚟嘅？

九唔搭八

係囉，新聞紙上邊都登過啦