《五年级插班生》&《系咪小儿科》

xiss

来源：http://mayq.blogbus.com/logs/30627553.html

先勿论《五年级插班生》有无畀钱美国Fox电视台，就斋睇由何浩鹏主持、广东电视台公共频道播出嘅《五年级插班生》以及古巨基主持、无线电视翡翠台嘅《系咪小儿科》呢两个粤语版嘅《Are You Smarter Than A 5th Grader》，我觉得都非常精彩，各有千秋！

布景：九成相同！包括我觉得最坚嘅，喺讲台上游嚟游去嗰缸鱼！我读咗十几年书，从未见过一间课室嘅讲台上系有一缸鱼嘅！话翻转头，电视节目系应该作状啲嘅！

小学生：可能因为啱啱开始玩嘅关系，香港嘅小朋友好含蓄，喺拣小朋友出嚟帮手嘅时候都唔出声；反而广州嘅小朋友就中意举晒手，大叫「拣我拣我拣我！」好愿意表现自己。偷偷地讲句：我自己喺屋企好钟意扮啲小朋友嗌「拣我拣我拣我！」我老豆重话我扮得似添！嘻！

主持：何浩鹏话晒都喺电台打滚咗十几年，口才一级棒，气氛带动得好好！我意料之外嘅系，古巨基都唔嘢少，完全压得住个台！对住前辈兼软皮蛇吴君如都镇得住佢！三姑系噉耍赖，巨基都唔理佢。巨基嘅主持技巧确实系劲！倘若佢能够忍住，坚持唔搞烂gag，就更加good！

法宝工具：《五》嘅「出猫」，去到《系》就变成「参考隔离」。我谂「出猫」係一个负面词，可能会有误导成分，TVB真係好谨慎！另一个「开卷」变成「搬字过纸」，就更加容易明白！

播出时间：《五》逢星期六晚6:55喺广东电视台公共频道播出；《系》逢星期六晚7:35喺TVB播出。我feel到我将会搞乱两个节目！

经考证，广东电视台的确遵循完全嘅法律途径，向美国福克斯电视台完整噉样买咗《Are You Smarter Than A 5th Grader》嘅版权！！
睇嚟粤语节目嘅发扬，已经走出咗仅仅考香港撑住嘅尴尬局面噜。我有预感，将来广东地区嘅电视台亦都极有可能成为粤语节目嘅中流砥柱，大有压住香港之势，嘻嘻！！！

cingsan

冇乜點睇，我都係鐘意當年嘅百萬富翁多啲……

chiu

公共频道都冇七埋咯       想睇都无得睇

xiss

廣州版——《五年級插班生》

 

 

香港版——《係咪小兒科》

 

 

美國原版——《Are you smarter than a 5th grader》

 

 

[ 本帖最後由 xiss 於 2008-12-28 10:05 編輯 ]

不关云和月

本地版嘅主持严肃啲，我觉得噉样有助营造紧张嘅气氛，有睇头。

xiss

嗯，的确，广东电视台呢次搞嘅呢个节目水平搞得唔错，营造气氛无论硬件定系软件上都已经拍得上香港嘞，节奏亦都跟得唔错！！

紮那魯剛多

咁邊個買咗美國嘅版權先嘎？俞灝明係廣州粵語歌手？

xiss

原帖由 紮那魯剛多 於 2009-1-1 10:46 發表 咁邊個買咗美國嘅版權先嘎？俞灝明係廣州粵語歌手？

廣東電視臺買先！
俞灝明係廣州歌手，參加湖南衛視嘅《快樂男生》之後一舉成名，唔淨止唱粵語歌。

紮那魯剛多

原帖由 xiss 於 2009-1-1 13:09 發表 廣東電視臺買先！俞灝明係廣州歌手，參加湖南衛視嘅《快樂男生》之後一舉成名，唔淨止唱粵語歌。

喺《沉默是金》MV入邊同俞灝明對唱嗰個係唔係撈仔嚟嘎？好似粵語講得唔準咁嘅?

ray

原帖由 紮那魯剛多 於 2009-1-1 20:17 發表 喺《沉默是金》MV入邊同俞灝明對唱嗰個係唔係撈仔嚟嘎？好似粵語講得唔準咁嘅?

係 蘇醒  陝西西安人

xiss

原帖由 ray 於 2009-1-2 17:35 發表 係 蘇醒  陝西西安人

哦，呢兩條友好似話係喺《快樂男生》裏面認識，重因此而結成好友，喺整個比賽期間互相扶持互相鼓勵，佢哋之間嘅嗰種友誼重一度傳為美談添。聼講話俞灝明衰咗之後呼籲班fans轉爲支持蘇醒，嗰班fans即刻響應。