【討論】點樣先可以重振廣東樂壇？

紮那魯剛多

最近聽返楊鈺瑩古璇啲歌好感動，因為呢個係我哋廣東樂壇輝煌嘅記載，喺廣東樂壇走過嘅卅年里，我睇到咗從輝煌到銷聲匿跡嘅窘況，記得珠江經濟台喺1989年成立嘅《音樂沖擊波》節目，呢個節目係以一種歌曲排行榜嘅形式，嚟推介原創粵語歌曲。據當時嘅節目的主持人陳石表示，第一批上榜歌曲就有許建強的處女作《邁向明天》。後來《音樂沖擊波》喺1992年演變成《嶺南新歌榜》，至此《嶺南新歌榜》同《廣東新歌榜》(前身「健牌」歌曲大賽)就成爲廣東樂壇邁向輝煌主要推動力，呢兩個排行榜成功將《濤聲依舊》、《彎彎的月亮》、《小芳》、《晚秋》、《愛情鳥》等原創歌曲推介出去，亦締造咗廖百威、王建業、陳汝佳、李達成、楊钰瑩、毛甯、林萍、林依輪等全國知名嘅歌手，正是通過歌曲排行榜，一大批歌曲和歌手從廣州走向全國。除了電台之外，廣東電視台也在當時領先于全國的娛樂綜藝節目《萬紫千紅》、《共度好時光》上邀請大批廣東樂壇的歌手在電視上曝光，進一步增加了他們嘅影響力。 但係而家又點呢？本土歌手又有幾多個，張敬軒又南下香港搵吃，林頤又獨撐唔到整個本土歌壇，東山少爺只係地域歌曲，同所謂嘅流行歌差咗九千尺，唔通我哋只能睇住廣東樂壇死去而束手無策?好希望而家嘅粵語電視臺症苦能夠搞返音樂茶座同埋省港杯嘅歌唱大賽發掘新人，唔好令廣東樂壇成為七、八十廣東人永遠嘅記憶，希望粵協各位多多諗下辦法，重振廣東粵語樂壇，我隻係一個愛廣東文化，宣揚廣東文化嘅普通人。

 

                                                                                                                                                                紮那魯剛多 字

                                                                                                                                                             2008年12月26日

[ 本帖最後由 紮那魯剛多 於 2008-12-26 13:10 編輯 ]

紮那魯剛多

最能代表廣州風情嘅經典情歌《夜雨》原名《愿你把心留》係廣州作詞人許建強嘅作品，畀黃凱芹睇啱之後經過包裝，一時紅遍香港，80年代喺廣州街頭小巷都會聽到呢首感人嘅情歌。

 

夜雨

 

 

fatcat

仲有《灣灣的月亮》

紫凤凰

原帖由 fatcat 於 2009-1-11 20:38 發表 仲有《灣灣的月亮》

爾首歌本來係國語版本，由陳汝佳原唱，但後來因劉歡演唱而人盡皆知。呂方亦都買咗佢嘅海外版，用粵語演唱。

嶺南散人

多幾個林夕

hillman

可惜林夕寫嘅，聽真啲，實係粵音唱嘅國語歌。唔知點解而家啲填詞人寫歌，連一兩個粵字都死唔肯用，但又唔見有乜好，來來去去，首首聽完都唔知佢噏乜，點會流行？
懷念霑叔：「我哋大家，在獅子山下相遇上。。。」

cingsan

之前有個省港澳粵語流行歌曲大賽，珠江台都有播！可能宣傳力度唔夠，同埋發覺，嗰啲人眞係麻麻地！其實，我哋唔係缺人才，我哋係缺少好似香港0敢嘅環境…可以去嘅都走咗去香港發展！依家本土歌手，東山少爺連廣州都走唔出，衹可以喺省城有翻多少人氣！出城話埋無人識！！！

hillman

有感染力嘅至係好歌，以前都有話繞梁三日。而家啲歌多數聽完都唔知佢唱咗乜嘅，揾鬼聽。
一個二個粵語填詞人居然醒到半個粵字都唔敢用，支支都係用粵音唱嘅國語歌，隔咗一層，到喉唔到肺，又飄又無根。