|
「年底提供代相睇，代見家長，假扮男友同假結婚等服務。價格合理，樣衰勿議，非誠勿擾！^o^」
今日一寫呢個簽名出嚟，就惹嚟好多朋友嘅疑問同質詢，部分人重以為我家陣好唔掂，要淪落到噉嘅田地，不過我都係嗰句：「你第一日識我咩」？但最爆笑嘅，都係以下呢條友嘅回話：
「樣衰就唔接人哋生意，你咁冇職業精神咖！你係唔係出嚟撈嘅！樣生得好嘅話，都唔使揾你代扮啦！」
「吹咩！」雖然我口係噉講，但心諗：條仆街講得又幾有道理。
「揀客等同的士佬拒載，揾少好多個喔！」條友繼續講到。
「噉又係，唔怪得發出嚟咁耐都冇乜生意，原來如此！」
「呢啲街外錢畀啲大家賺好喔！你有乜樣靚兼價錢合理嘅Case關照吓我，今年有啲手緊啊！講真嘅！春節期間一齊去企吓海珠橋底拉吓業務啊！」
「哇哈哈，一於噉話！」
我諗我啲性格咁怪都係多得呢啲朋友……喂，的士！啊，又拒載？第三部喇……拒載又真係幾乞人憎個噃。
[ 本帖最後由 gboss 於 2008-12-23 21:40 編輯 ] | 
發表於 2008-12-23 21:31:16
要唔要加入？