貴乎恆！

外外星人

粤讲粤正新人类 我以手口录我心

金羊网 2007-01-31 11:23:29
□图文/记者林清清 （除署名外）

在「伍湛记」吃面，听到店员阿婶说：「你重爱唔爱啊（你还要不要啊）？」会感觉特别温暖；听到街边「士多」（杂货店）阿婆说：「有人做到掂佮佮，有人做到要执笠（有人做到生意红火，有人做到要倒闭）。」会马上拿出纸笔记下来———这不是在进行乡野调查的专家学者，只不过是一群

热爱粤语的年轻人，用创意和坚持，实施「我口录我心」计划……

http://www.ycwb.com/ycwb/2007-01/31/content_1369825.htm

cingsan

我經常講愛唔愛，好多人聽到之後吖一聲，我估佢哋大多衹記得愛情嗰個意思，有時重畀人屌，「駡我犯賤，發姣，唔要就唔要喇，講咩愛！」啲人0敢話！

外外星人

正係睇咗呢篇文章，在下先知道有個粵語協會。於是乎，對粵語嘅救亡至有少少希望。後生可畏，然貴乎恆。

 

在此之前，有個做過下老師嘅掗拃捞婆走嚟廣州，話我哋講「鳥語」，佢聽唔明，跟住上綱上線噉大鬧我哋唔文明、冇禮貌。從嗰下起，推普機更加發晒狼噉剷平我哋嗰啲所剩無幾嘅文化。

 

好多謝呢位反面教員，使在下開始關注母語，對推普機產生免疫力。

 

好多人對粵語滿腔熱情，學習同研究粵語，但係要寫出嚟，寫成文章，佢重係覺得唔夠文雅，唔夠豪華，啱嘅。

 

查實，粵語勝在夠俗，咁多年嚟，有幾個人會用粵語寫文章呢？粵文難登大雅之堂，唔能夠畀皇帝睇，唔考得秀才，唔中得狀元。你話邊度會有人咁戇居，咁有興致學習、研究粵文呢？

 

曾經睇過一張帖，題目係「粵語成文，有何不可？」，可，當然可啦！之不過噉，你要預咗唔考得秀才，唔中得狀元先好去做。

 

粵語之俗，在乎通俗、生動，夠直白，夠準確，夠生活化。所謂文人雅士，追求嘅係意境，蒙查查嗰隻就至啱，有時講咗等於冇講，夠理想化。對粵語冇信心嘅人，就係基於呢個理由，下下講求「書面語」，查字典，十足個八股佬噉款。

 

語言首先用於日常溝通，其次係記載，故此先有字用於寫作。無論你幾有文化，幾咁雅，幾咁豪，都唔會睇過字典先講嘢啩？

 

有文化嘅人唔代表你識得講粵語，你講嘅可能係粵音煲冬瓜。多啲向唔識字、冇「文化」嘅人學下正宗嘅粵語點講啦！就好似開頭粵協班後生仔噉。咪以為對住本字典就研究出粵語喇！

 

只要你哋堅持落去，寫多啲粵文，粵語就係我哋嘅書面語，無須再仰視滿大人。

ray

『爱唔爱』喺標準粵語??!

死了...一直都以為喺某d地方嘅方言添~

成日笑

我鍾意用「愛」多過「要」

yzcaztz

好多以前嘅广州话而家都随着时代变迁而变化，好似以前讲「唔曾」嘅而家几乎冇人讲，其他地方重有。

不关云和月

我习惯讲要唔要，爱字呢应该令有用处噶。

使君子

原帖由 ray 於 2008-12-23 20:17 發表 『爱唔爱』喺標準粵語??! 死了...一直都以為喺某d地方嘅方言添~

 

「爱唔爱」至系正宗广州话讲法，老一脱的广州佛山市民都咁讲作。「要唔要」系受普通话影响。

sthh

原帖由 yzcaztz 於 2009-1-3 20:17 發表 好多以前嘅广州话而家都随着时代变迁而变化，好似以前讲「唔曾」嘅而家几乎冇人讲，其他地方重有。

偷偷地講句:其實「唔曾」係有啲鄉音。

紫凤凰

原帖由 ray 於 2008-12-23 20:17 發表 『爱唔爱』喺標準粵語??! 死了...一直都以為喺某d地方嘅方言添~

係好老舊嘅粵語。我細個時都重有聽見，但而家好多人都講「要唔要」囉。