“一”嘅普语发音亦有入声-highyun移-

highyun

普语发音丧失咗入声，呢个系人所皆知嘅，不过对于呢个“一”字（普语拼音[yi1]），有时亦会听到出现入声[yit1]。 例如，操兵嘅时候，啲军人系会嗌“一二一……”，呢个时候，将“一”发成[yit1]先显得有威势，有力量，如果讲成[yi1]，就会显得好懒散。试过大陆军训，又或者睇过操兵嘅朋友，应该熟悉呢个操令口号。 另外，就系台湾普语。台湾人钟意将“一”讲成[it1]，省去咗声母y，同时加咗辅音t。听过台湾人讲话嘅人都应该知道呢点。

佛山霍先生

咩叫入声？深过头唔识

desmond

簡單嚟講，入聲即係發音以 -p -t -k 收音嘅詞，例如粵語嘅 -p 尾音「甲」「夾」，-t 尾音「一」「出」，-k 尾音「索」「錫」。

Anl

臺灣嗰種it1嘅發音，畀我嘅感覺就係懶音。好多大陸歌手都會有噉嘅發音。如果呢個發音唔係出現喺臺灣，而係喺大陸，係咪叫懶音？大陸推行嘅普通話係yi1。 而軍訓時嗰個“一二一……”同“向…轉”，係北京話嚟嘅。 如“向…轉”，普通話係xiàng…轉，而操兵時係xiǎng…轉。

豬豬奶茶

我總覺得軍佬講嘢口齒不清,"喲~`喲~``喲~``啊喲~``,向左~``john~``"(用普通話念)

highyun

anl在2005-09-04 16:12:49說道：[br]臺灣嗰種it1嘅發音，畀我嘅感覺就係懶音。好多大陸歌手都會有噉嘅發音。如果呢個發音唔係出現喺臺灣，而係喺大陸，係咪叫懶音？大陸推行嘅普通話係yi1。 而軍訓時嗰個“一二一……”同“向…轉”，係北京話嚟嘅。 如“向…轉”，普通話係xiàng…轉，而操兵時係xiǎng…轉。

噉讲法你即系话北京话有入声？

desmond

曾經睇過有篇文章話老國語有入聲。

jumpsey

desmond在2005-09-04 23:09:23說道：[br]曾經睇過有篇文章話老國語有入聲。

我都睇過呢方面嘅文章，係趙元任等人以北方話爲基礎，以傳統韻書爲依據，兼顧南方話嘅特點（主要係保留入聲）而創制出嚟嘅國語語音體系，依家又叫「老國音」，但係最終冇推廣開嚟，據講係因為南方人又講唔慣北方音，北方人又講唔掂入聲音。 其實照我睇呢，嗰套「老國音」都重係好過依家嘅普通話，起碼大家學起身都公平啲。至於推廣，好似依家噉嘅推廣法，邊會話推廣唔到？重唔使咁霸道添啊，只要要求所有中小學嘅語文課度都要教呢套「老國音」，考呢套「老國音」就足夠喇，只不過以前國民政府冇噉做啫。

Anl

以 前 嘅 國 民 政 府 冇 而 家 個 政 府 咁 殘 暴。 而 且 冇 而 家 個 政 府 咁 野 蠻。

使君子

原帖由 Anl 於 2005-9-5 00:12 發表  臺灣嗰種it1嘅發音，畀我嘅感覺就係懶音。 

不是懒音，而是土音。

闽语的 y-、w- 以 i-、u- 形式表达，也就是「零声母」，是闽语本身固有的特点。

下次你留意下，香港岛 北角 那些街铺楼房的事头伙计和住民，凡是「烟」读in1 ，「话」读ua6，「饭」读huan6 （f -> hu），你完全可以确定他们是来自福建。

另外，如果你想自细辨别他们究竟是 潮汕人 还是 福建人 ，听听他们「问」是不是读mang6（n -> ng）,「八」是不是读成「百」（pt入声统统归入k）。如果是，那就肯定是潮汕人无疑。

再另外，潮汕地区有些子方言，m尾 读成 ng尾。比如「含」读成「恒」。

我每次去到香港购物，若果一听到对方店主是上述口音的，一律不帮衬。因为在这帮人眼中，自己就是「香港居民」，老广就是「大陆喱」。他们最「hi2 huung1」（喜欢）将大陆喱当成水鱼，一两 下等鱼翅够胆收你2000。

移师至 湾仔，这里的店主和居民，通街都读「痕身银寒」、「根日好开新啊」。-ng、-m 读成 -n，是吴语的特点。

请不要怪责「靓模」们的口音不正。因为，譬如 周秀娜、Angelababy，还有一个 不是靓模 但讲话「漏口」的 邓紫棋GEM，她们通通来自上海。

正式话头，在 香港岛 这样的高地价核心地段，竟然充斥着大量的 外乡土音，香港还有什么资格叫嚷着要做「广话中心」？！

外外星人

原帖由 jumpsey 於 2005-9-5 19:53 發表 我都睇過呢方面嘅文章，係趙元任等人以北方話爲基礎，以傳統韻書爲依據，兼顧南方話嘅特點（主要係保留入聲）而創制出嚟嘅國語語音體系，依家又叫「老國音」，但係最終冇推廣開嚟，據講係因為南方人又講唔慣北方音，北方人又講唔掂入聲音。 ...

噉即係話，有定冇？

aiyaya

讲真几反感「台湾人钟意将「一」讲成[it1]，省去咗声母y」