点解将「猪八戒」读成「猪八怪」？

顺德水蛇粥

请问对否？原因？

我记得细个嗰阵，我都系读「猪八怪」，读字之后改读「猪八戒」，近几年留意身边啲老人家，佢哋绝大多数都系读「猪八怪」。

迷惑，不解。求解惑。

馬萬千

我細個個時全部同学、先生、老豆、老母都係叫「猪八怪」。

 

後来睇書先知係「猪八戒」。

gboss

原帖由 顺德水蛇粥 於 2008-12-18 01:28 發表 请问对否？原因？我记得细个嗰阵，我都系读「猪八怪」，读字之后改读「猪八戒」，近几年留意身边啲老人家，佢哋绝大多数都系读「猪八怪」。迷惑，不解。求解惑。 ...

其實好多人都知係「戒」，讀成「怪」可能係因為受「丑人多八怪」影響

嶺南散人

好在四邑話「戒」同「怪」同音。

 

但係，「孫悟空」一般人都讀成「鬚吳空」。

bajatvj

有無人聽過將「孫悟空」讀成「司連空」

顺德水蛇粥

原帖由 bajatvj 於 2008-12-18 13:55 發表 有無人聽過將「孫悟空」讀成「司連空」

佛山、南海、顺德一带口音，非你所写嗰三个字。

youngfs

应该系「八」会受到「戒」的影响变成「百」，bat+g = bag

所以有人讲成「猪百戒」 ，发音顺口好多

孙悟空 变成 输吾胸

 

 

[ 本帖最後由 youngfs 於 2008-12-19 12:39 編輯 ]

csywashing

原帖由 youngfs 於 2008-12-19 12:36 發表 应该系「八」会受到「戒」的影响变成「百」，bat+g = bag 所以有人讲成「猪百戒」 ，发音顺口好多 孙悟空 变成 输吾胸    

猪百怪读起身最舒服。因为百，bag，怪，gwai，百字尾音跟怪字首音相同，所以，细个阵，我自己有时讲快咗都会变成百怪。

当然，如果用我处南宁白话白读嚟读，就成咗猪bet怪。不过呢个词我处嘅人，都好少听人用白读音嚟读，除非系逗细路哥可能会故意咁讲，一般个系讲呢个词时，个「八」字仲系用番文读就即系广州音。我妈一般都读成bat而唔系bet，我老窦有时就故意用白读发成bet----------我老窦有时钟意白读，如「耳朵」，系我细个阵我就经常听到佢发成耳doe,每次买猪耳朵返嚟讲到「猪耳朵」时就咁发，细个阵就觉得好有意思，觉得咁发好得意。

[ 本帖最後由 csywashing 於 2008-12-20 01:21 編輯 ]