再论“消夜”一词

顺德水蛇粥

拜读咗余福智先生有关“消夜”一文后，引发连串思考，受益良多。经过一番查经据典，从《上海辞书出版社》1980年出版嘅《辞海》第938页查悉： 【消夜】亦作“宵夜”。夜点心。吴自牧《梦梁录》卷六“除夜”：“进呈精巧消夜果子合，合内簇诸般细果、时果、蜜煎、糖煎及市食。” 故此，本人认为“消夜”“宵夜”两词应可同时并存，作名词使用，解作“夜晚食用的点心”。当然啦，而家啲食物噤丰富，食消夜唔止剩系点心啰，好多嘢都有得食啦。

顺德水蛇粥

消夜：亦可解作“食宵夜”。

desmond

我寫慣宵夜，都冇諗過原嚟有人寫消夜。

顺德水蛇粥

desmond在2005-09-02 12:00:19說道：[br]我寫慣宵夜，都冇諗過原嚟有人寫消夜。

有冇讲过“食宵夜”？不过，千祺唔好讲“食消夜”。

desmond

當然講「食siu1夜」，點解唔好講「食消夜」。

顺德水蛇粥

消，解作“食”

desmond

你指「消」有「消化」嘅意思？

顺德水蛇粥

desmond在2005-09-02 12:30:50說道：[br]你指「消」有「消化」嘅意思？

消夜：亦解作“食宵夜”（据商务印书馆《现代汉语辞典》。 如果写成“食消夜”，就会变成“食食宵夜”。所以，讲：消夜、宵夜、食宵夜都得，不过就千祺唔好写成“食消夜”。

highyun

楼上意思系指“消夜”系动词，“宵夜”系名次，所以表示动作时，前面要加个“食”。 不过而家已经冇人会分呢样嘢

顺德水蛇粥

highyun在2005-09-02 18:51:41說道：[br]楼上意思系指“消夜”系动词，“宵夜”系名次，所以表示动作时，前面要加个“食”。 不过而家已经冇人会分呢样嘢

系呀，冇乜人晓分咖喇

豬豬奶茶

上海嘅字典應用南方語言感覺不太可靠,好似「沖涼」,斷估上海字典唔會將「沖涼」解釋成「洗澡」,佢正唔正确我唔敢亂講,祇係覺得文字由南往北演變或由北往南演變,過程多數出現一啲人為因素令到文字同意思都有啲改變,十年後一樣有人理直氣壯手執字典噉講「搞定」乃正統,我噉講并唔係我有眞憑實據話佢有咩錯誤,祇係覺得不可靠