著名唐代詩人杜甫(712年～770年)個名你哋識唔識讀？

Anl

大家踴躍投票啦，最好回覆講埋理由。

顺德水蛇粥

苦！

highyun

冇咩原因，由细就接受教育读“普”音，读惯咗。

顺德水蛇粥

人名应该系读“苦”，小学语文老师特别提过叫我哋千奇唔好读错。

Kathy

由細到大都聽到府

顺德水蛇粥

点解会读作“普”？皆因有边读边呀，我哋老师当年讲得好详细咖。 正如戏都有得睇啦，响《他来自江湖》中，何鑫淼=何金水

itxu2k

话说先秦时汉语系冇[p]声母嘅,相应字嘅声母为[f]... 噉嘅话,[fu2]就古音喽

余OK

現代人名“辜振甫”讀“府”，如果係現代人我認爲隨取名人嘅意願嚟讀最好，至於古人名，6樓嘅觀點幾中肯，我贊成，不過我接受教育一直都係讀“普”多。。。

顺德水蛇粥

余ok在2005-08-31 23:58:14說道：[br]現代人名“辜振甫”讀“府”，如果係現代人我認爲隨取名人嘅意願嚟讀最好，至於古人名，6樓嘅觀點幾中肯，我贊成，不過我接受教育一直都係讀“普”多。。。

贵校呀？请赐教。 敝人乃佛山市升平路松桂里35号“佛山市第十一小学”毕业。

豬豬奶茶

雖然我而家知道係讀fu2,不過毫無疑問我由小學開始受教育就讀pou2,主要係一聽到先入為主,一改返正嘅話,杜fu2就同辜振pou2一樣咁奇怪

余福智

甫，读府音。其义是“有贤德的男子”。如读普音，就只系地名先甘用，如“十八甫”等。我谂落杜甫爸爸畀个仔改名，应该系取有贤德的意思，所以应该读府音。

顺德水蛇粥

人名确系应读“苦”。头先打错字. 老蒋有一“王牌军”整编74师，其师长张灵甫，就系“甫”字辈杰出人物。

豬豬奶茶

令我諗起個「茜」字,用「茜」字做名嘅人有啲讀「倩」有啲讀「西」,作為名多數讀「西」,不過有啲人(識得都幾個)佢阿爺同佢改名嗰陣嚴正要讀「倩」,當然事實上「西」祇係多數用於人名,并冇話「倩」唔可以,結果佢(哋)每次同人介紹自己嘅時候都要同人哋更正一次讀音! 另外亦唔排除改名人本來亦有問題,佢改名嘅時候就冇諗清楚,而被佢改名嘅人當你同佢講「你個名點解噉講嘅?」嘅時候,佢就會話「我老豆同我改咪就係噉囉」,年代一耐,因為有人版,所以大家都唔覺有乜問題! 事實上佢硬要改成呢個發音,雖然有啲違反發音規則,不過亦好似冇錯...

顺德水蛇粥

事实上，而家大部份人都读“渡普”，李我叔都话旧时我哋点点点读，而家啲人噤噤噤读，都冇咩办法咯。

豬豬奶茶

讀杜fu2應該係啱嘅,不過唔知點邊個傳下傳下傳咗pou2落嚟,我讀小學嗰陣老師都噉教,可想而知佢都係受人眞傳(佢嘅老師傳捭佢),唔知頭唔知路

Kathy

令我諗起無線之前有套改編清代才女陈端生的再生緣既電視劇, 入面林峰扮個個皇甫將軍係讀皇"普"將軍...

Kathy

余福智在2005-09-01 11:11:33說道：[br]甫，读府音。其义是“有贤德的男子”。如读普音，就只系地名先甘用，如“十八甫”等。我谂落杜甫爸爸畀个仔改名，应该系取有贤德的意思，所以应该读府音。

講得好啱, 贊成~~~

南粤高凉仔

我都系读pu，唔知道啱唔啱呢？

highyun

南粤高凉仔在2005-10-12 21:28:30說道：[br]我都系读pu，唔知道啱唔啱呢？

你嗰边嘅方言冇轻唇音喎，真系好古，哈哈。

superjill

小学嗰时读普，中学嗰时畀老师矫正翻