|
你冇話你冇做過哩d野!!
唔知之前有冇人發過咧?~
細細個成日做嘅野..睇翻好好笑
註:好多粵語音冇正.
1.玩米缸，将手插入米缸里面既米里面笃下笃下。
2.在百货公司入面笃扶手电梯嘅吊牌。
3.地下有阶砖时，特登隔一格一格黎行（不可踩界，要完全在格内）。
4.用錶面反射阳光，照黎照去。
5.跳楼梯（愈多级愈劲）。
6.行路上高起左地方（例如高起左既长条型石博），好似玩平衡木咁行法。
7.铺张纸在硬币上面，然后用铅笔系上面油，油返个形出黎。
8.食完瑞士糖之后，将糖纸包番个原本四四方方果个形出黎。
9.超级市场踩住架购物车黎行。
10.踩水'tum'，系好特登果只。
11.吹口水波。
12.搣墙上的乳胶漆或墙纸。
13.系平滑既地面上面跣下跣下咁行。
14.整湿的纸巾，掟上学校厕所天花顶。
15.食完绿箭香口胶，一定摺返成张包装纸，再放返入个大套入面。
16.响课室玩俄罗斯轮盘，将粉刷霑满粉笔粉，放系风扇上面，等个风扇转转
下，转到飞出黎，睇下个粉刷中飞边个。
17.放胶袋（当风争咁放）。
18.去后梯执咸书睇，将睇完的咸书撕开飘落街。
19.贴张龟仔纸响D同学个背嵴度。
20.踩人地个影。
21.狂踩人地对白饭鱼，尤其是大肥仔果D。
22.用几条橡筋射D同学。
23.掉人地门口噶拖鞋落街。
24.'Mung'消防喉，射水落下面个球场，睇下射到几远。
25.尝试用「念力」整弯汤匙。
26.用气鎗射街上噶途人。
27.玩千秋，'fing'到咁上下就飞出去斗远。
28.落楼梯时坐系的扶手上面'sir'落黎。
29.在自动梯行相反方向。
30.把「误投信件」或没有用的宣传单张，胡乱放入其他的住宅信箱。
31.坐地铁时，抓紧中间的扶手，地铁一开动博命绕住转（自转）。
32.在月台上斗快跑。
33.系被窦入面开住电筒扮露营同埋系入面食零食。
34.用图钉弄穿学校壁佈板。
35.乱按人地既门钟，然后松人。
36.明知过左三岁，仍然吾买飞，「捐」地铁既入出闸机。
37.不小心涂改液（很旧的有一个扫那种）涂在手上，然后用附送的天拿水，搽在
手上
以图弄去改液。
38.用欢乐天地等既硬币当一蚊用。
39.煲蜡。
40.把汽水罐静鸡鸡放在校车的车轮下摄住，开车时把它压扁。
41.用萤光笔油指甲。
42.向学校d木台上面画公仔。
43.用电筒／雷射笔射落街或者照住d路人。
44.搣碎d纸巾，然后抛出窗。
45.巴士一开车，就同佢斗快跑（最终当然唔够快啦）。
46.落雨担遮，懒系型咁转把遮。
47.见倒d矮过自己既人行紧过黎，会好自然'gut'高d行。
48.将擦胶碎「搓」成一粒黑色物体。
49.玩冒险乐园的游戏（例如篮球或保龄球），企系最高或企系跑道既最尾玩。
50.地铁出闸果时「捐」过闸口，拎走张地铁飞当地图。
51.屋企没人果时，对住块镜学人跳舞／做戏／唱歌。
52. 同细路争一d无聊野，例如「美少女战士角色︰sailor moon系我既, 火野丽系 你 既」或「四大天王，黎明系我既，所以你唔准钟意黎明，你钟意郭富城啦」。
53.玩厕所水。
54.去到公园，系咁撕百千层d树皮落黎。
55.慢慢行近D麻雀到，企图捉住佢地。
56.系街见到狗就扮猫叫，见到猫就扮狗吠。
57.趴系地上扮死，想吓阿妈阿爸。
58.画花报纸或书上既画，为人物加牛角或者胭脂等等。
59.拎d元宝当船放系水上玩或者抛落街。
60.用条绳hid野落去住下面个户人既窗前，然后'fing'来'fing'去，引人注意。
61.买翻来噶新鞋都拗下鞋礃
62.落雨噶时候啊,,,拿住把遮特灯行D大雨D噶地方,重要轉~~~
<自己加嘅>63.食药时,有胶囊一定要拆开佢,睇(玩)下d粉末,然后再合翻埋,食.
重要其他搞野嘅習慣,不妨寫低.
[ 本帖最後由 ray 於 2008-12-27 19:01 編輯 ] | 
發表於 2008-12-12 21:07:31
發表於 2008-12-12 21:21:26