陰去同陽去嘅問題

tonybean

有冇專門研究過陰去同陽去某啲情況嘅變音？例如「義」，應該讀ji6，不過「主義」習慣讀ji3

「蔭」，應該讀jam3，不過「曾蔭權」習慣讀jam6。

 

請賜教

馬萬千

爾個唔係変音、而係錯誤。

 

「主義」係唔会読成「主意」。

 

至於人名、民間読錯更係司空見慣、如９９％人会将「張韶涵」錯読成「張兆涵」。

殊不知「韶」字正係「韶関」「韶華」「夏韶声」「宋韶光」之「韶」也。

朱利安

原帖由 馬萬千 於 2008-12-7 14:38 發表

爾個唔係変音、而係錯誤。

 

「主義」係唔会読成「主意」。

 

至於人名、民間読錯更係司空見慣、如９９％人会将「張韶涵」錯読成「張兆涵」。

殊不知「韶」字正係「韶関」「韶華」「夏韶声」「宋韶光」之「韶」也。

 

「张韶涵」读成「张兆涵」并非错读，其实为变调

 

皆因张zoeng1为阴平调值55，而韶siu4涵haam4皆为阳平调值21

 

前者调值55与后两者调值21相差过大，读起来声调会陡然下沉，较为拗口

 

因此自然而然会将韶siu4变调成siu6，由阳平调值21变为阳去调值22

 

这样读起来声调就会平滑和谐得多啦

 

 

 

[ 本帖最後由 朱利安 於 2008-12-7 19:58 編輯 ]

tonybean

「韶」得一個讀音。

不過喺普通話環境，都係習慣讀「張韶shao4涵」

朱利安

原帖由 tonybean 於 2008-12-7 21:29 發表 「韶」得一個讀音。不過喺普通話環境，都係習慣讀「張韶shao4涵」

 

「韶」字单独读系得一個讀音

 

不过「张韶涵」三字连读就会自然而然产生变调

 

普语「张韶涵」亦系变调

 

皆因普语「张韶涵」既调值和粤语一样，因此一样要变调读起来才顺口

 

 

馬萬千

出現連続平声的「孤平脚」現像時、広府話的変調習慣係将後字変調成陰上声。

 

如「南洋」「銀行」「行船」「麒麟」「黄皮」、而甚少将前字変調。

 

大陸有一位網球女将叫「孫甜甜」。渠個名就同「張韶涵」音調結構一模一様（陰平　陽平　陽平）

 

而「孫甜甜」的読法就係広府経典変調方式

 

陰平　陽平　陽平　→　陰平　陽平　陰上

 

而絶唔会成　（陰平　陽去　陰上）

 

三字式仲有諸如「冰淇淋」等例。

 

故「張韶涵」個「涵」字可変調成陰上、而個「韶」字則不能変作陽去。

朱利安

原帖由 馬萬千 於 2008-12-8 02:06 發表

出現連続平声的「孤平脚」現像時、広府話的変調習慣係将後字変調成陰上声。

 

如「南洋」「銀行」「行船」「麒麟」「黄皮」、而甚少将前字変調。

 

大陸有一位網球女将叫「孫甜甜」。渠個名就同「張韶涵」音調結構一模一様（陰平　陽平　陽平）

 

而「孫甜甜」的読法就係広府経典変調方式

 

陰平　陽平　陽平　→　陰平　陽平　陰上

 

而絶唔会成　（陰平　陽去　陰上）

 

三字式仲有諸如「冰淇淋」等例。

 

故「張韶涵」個「涵」字可変調成陰上、而個「韶」字則不能変作陽去。

 

前字变调虽然较为少见，但系并非没有

 

相机 soeng3 (soeng2) gei1      由阴去-阴平变为阴上-阴平

 

撞鬼 zong6 (zong2) gwai2       由阳去-阴上变为阴上-阴上

 

三字词组嘅变调既可以系前字变调，也可以系中字变调，亦可以系后字变调

 

(1) 前字变调

 

相机套 soeng3 (soeng2) gei1 tou3      由阴去-阴平-阴去变为阴上-阴平-阴去

 

乱晒拢 lyun6 (lyun2) saai3 lung4         由阳去-阴去-阳平变为阴上-阴去-阳平

 

(2) 中字变调

 

乌龙茶 wu1 lung4 (lung2) caa4           由阴平-阳平-阳平变为阴平-阴上-阳平

 

两份分 loeng5 fan6 (fan2) fan1           由阳上-阳去-阴平变为阳上-阴上-阴平

 

(3) 后字变调

 

禾花雀 wo4 faa1 zoek3 (zoek2)          由阳平-阴平-阴去变为阳平-阴平-阴上

 

自己友 zi6 gei2 jau5 (jau2)                  由阳去-阴上-阳上变为阳去-阴上-阴上

 

由此可见，后字变调虽然较为常见，但系并非不能中字变调

 

此外，变调亦并非只能变为阴上，也可以变为其它调值

 

自己 zi6 gei2 (gei1)                 由阳去-阴上变为阳去-阴平

 

今晚 gam1 maan5 (maan1)      由阴平-阳上变为阴平-阴平

 

单就「张韶涵」而言，无论粤语抑或普语均将「韶」字由阳平读成阳去（去声）

 

难道真系如你所讲嘅全球99%嘅华人都错读「张韶涵」？这恐怕未必啩

 

至于你所讲嘅「孫甜甜」，「甜甜」乃系叠字，因此变调形式与「张韶涵」自然有所不同啦

 

总而言之，产生变调嘅原因系相当复杂嘅，变调嘅形式亦系多种多样嘅，并非系一成不变嘅

 

一般而言，变调系以音韵和谐流畅为原则，并没有硬性规定变调嘅形式

 

 

馬萬千

原帖由 朱利安 於 2008-12-8 14:48 發表   前字变调虽然较为少见，但系并非没有   相机 soeng3 (soeng2) gei1      由阴去-阴平变为阴上-阴平   撞鬼 zong6 (zong2) gwai2       由阳去- ...

 

閣下先前所発表之妙論係話「因為陰平声同陽平声調値相差太遠而変調」。

 

但係閣下所挙之例除「烏龍茶」之外全部都唔係因「連続平声」而変調。此其一。

 

「烏龍茶」声調結構同「張韶涵」結構一致。

 

但係由於「烏龍」両字自成一詞、且口語中「烏龍」比起「烏龍茶」更為常用、故有此現象。

 

同類亦有広州地鉄站「公園前」、同理「公園」両字自成一詞。故有「園」字変調。

 

但係「張韶」両字並不成詞。即使成詞亦応変調作「張小涵」而非「張兆涵」。

 

再者「烏龍茶」変調亦唔係変作陽去声、所挙之例亦無任何一例係変調做陽去声。均同張韶涵錯読相異。

朱利安

原帖由 馬萬千 於 2008-12-8 15:22 發表   閣下先前所発表之妙論係話「因為陰平声同陽平声調値相差太遠而変調」。   但係閣下所挙之例除「烏龍茶」之外全部都唔係因「連続平声」而変調。此其一。   「烏龍茶」声調結構同「張韶涵」結構一 ...

 

我已经系7楼答复咗你嘎啦

 

原帖由 朱利安 於 2008-12-8 14:48 發表   

变调亦并非只能变为阴上，也可以变为其它调值

 

总而言之，产生变调嘅原因系相当复杂嘅，变调嘅形式亦系多种多样嘅，并非系一成不变嘅

 

一般而言，变调系以音韵和谐流畅为原则，并没有硬性规定变调嘅形式

 

即使系同一结构，亦可以有不同嘅变调形式和调值

 

切忌生搬硬套，只要不违背音韵和谐流畅原则即可

 

而「张韶涵」嘅变调读法既没有违背音韵和谐流畅原则，又得到你所讲嘅全球99%嘅华人共同认可

 

这又如何能够算得上系错读呢

 

 

 

[ 本帖最後由 朱利安 於 2008-12-8 18:53 編輯 ]

tonybean

重有兩個成日搞亂嘅字：「工匠」通常會讀「漲」，「臭皮匠」就會讀「象」；「慧根」讀「惠」，「智慧」會讀「喂」。按字典應該讀「象」，後者常識都知道讀「惠」。重有「打仗」「權杖」。

melop

原帖由 tonybean 於 2008-12-17 21:49 發表 重有兩個成日搞亂嘅字：「工匠」通常會讀「漲」，「臭皮匠」就會讀「象」；「慧根」讀「惠」，「智慧」會讀「喂」。按字典應該讀「象」，後者常識都知道讀「惠」。重有「打仗」「權杖」。 ...

唔算係搞亂。。。廣州話一響就有靈活嘅變讀方式，可以算係呢種語言嘅固有成份，所以唔應該否認變讀同變調咖。。。有啲情況下，若果唔變讀就反而係錯誤。例如「橙汁」嘅 caang2 ，如果讀本調 caang4，就唔算係廣州話啦。。。

tonybean

原帖由 melop 於 2008-12-21 12:39 發表 唔算係搞亂。。。廣州話一響就有靈活嘅變讀方式，可以算係呢種語言嘅固有成份，所以唔應該否認變讀同變調咖。。。有啲情況下，若果唔變讀就反而係錯誤。例如「橙汁」嘅 caang2 ，如果讀本調 caang4，就唔算係廣州話啦。。。 ...

陰上陽上互變應該屬於粵語嘅一大類變調囉～