好耐冇睇过噉好嘅电影啦!

猫妖008

      自从大陆各大名导开始强奸名著同重拍名片之后，我就已经好耐冇再注意国产电影，甚至连台湾嘅电影都少睇嘞。今晚冇意中睇到亚视放<海角7号>嘅制作特辑，于是记起，我早已经下载咗咦部电影，但一直未睇。

      一口气睇完两个钟嘅电影，好感动，一个叫做恒春嘅小镇，几个各自己执着梦想嘅小人物，一个经历咗六十年嘅爱情故事，透视着人间最美好嘅一切。感动会喺佢哋每一次嘅对话，每一次嘅冲突，每一次嘅彼此靠近自然咁样涌上心头。

      静静地去欣赏几次<海角7号>，你发觉，影片中一样有世人嘅浮燥，一样有人间嘅无奈，但系，恒春小镇朴实勤劳嘅小人物，善良嘅心会令你觉得人间无比嘅温暖~~~~

[ 本帖最後由 猫妖008 於 2008-12-1 23:05 編輯 ]

htc971125

真係好好睇咩?

講咩架

tonybean

插曲《國境之南》中嘅「國境」，係咩國？恆春喺臺灣島最南端，如果話「臺灣之南」或者日據時期嘅「日本國境之南」都講得通，但係「中國之南」就肯定唔係。點解聽日情人節咁遲先喺大陸公映？阿嘉嘅郵件挎包係「為人民服務」嘅款式，有何意義？

普君南拆遷居民

全臺灣都知道「國」係咩啦，馬九哥出嚟講嘢都係以「全國人民」嚟稱呼佢嘅子民架啦。

乜郵差挎包唔係全部都綠色嘅咩？有咩咁特別？

mamania

系咪真系好睇噶？